今天到了赤鱲角南端的小山丘觀景山睇飛機，過了一個休閒的下午。我們乘港鐵在荔景站轉東涌線，中午一時抵達東薈城先吃午餐，飯後在商場逛了一會才出發到觀景山。
我們朝著昂坪360方向行，不到5分鐘便到了纜車站，穿過纜車站旁的達東路花園，再上天橋過對面馬路，然後沿天橋旁的小路過橋就到觀景山。在纜車轉向站下的樓梯上山，這條樓梯是十分近轉向站，這是第一次近距離看360纜車，抬起頭便可以到纜車，在這裡影完纜車後就繼續行，觀景山祇是高 77 米，行約十分鐘就到山頂，不是太辛苦。
在涼亭休息一下就開始影飛機，但是沿涼亭的四周長滿了很高的植物，阻礙了視線，不是影得很清楚，要企在大石或木櫈上才可以影得好一些，再加上今天能見度不高，所以影了一陣就離開。不過行回程路時，發現山路邊有更佳的位置看清楚機場和飛機，我們再逗留多一會，影完相後才落山。
落山後，我們順道到古窯公園，沿機場緩跑徑向前行，轉右繼續行遠遠見到國泰城，跟住再右轉就到古窯公園。公園是位於機場緩跑徑旁，內裡展示古窯仿製品和簡介展板，公園是紀念在1991年赤鱲角島西南面蝦螺灣遺址首次發現元代逾10個鑄爐。之後本來想到廢村和搵大車輪胎，但是在附近找了一會也找不到，已經有些疲倦，故決定乘巴士返回東涌，再乘港鐵回家。
揀咗係東薈城既意粉屋食午餐
鮮忌廉野菌湯$34
帶子周打湯 (煙肉)$36，這兩碗湯是全餐最美味的
黑椒蜜汁雞翼$42，係整定既，祇是微暖，肉質很差
醬燒豬仔骨配美國風薯條$118，醬汁太濃味，不太喜歡，而且肉質一啲都唔嫰滑，整體來可說祇是一般，港式的燒排骨仲好味
香煎帶子檸檬汁意大利粉$78，帶子很鮮甜，但係意粉很 dry，都係一般水準
食飽後就出發，先到昂坪360纜車站
穿過公園後上天穚過對面馬路
在天橋上原來係一處影相好地方，東涌東薈城
昂坪 360
纜車剛離開車站
呢個景真係唔錯
影完相後繼續行，離開天橋後沿這條路向前行，跟住行到行車天橋轉右
天橋旁的行人路，前面就係纜車轉向站和觀景山
右邊遠處另一邊的行車天橋，不過這條天橋無行人設施，要行過橋祇可以行左邊的天橋
就到纜車轉向站
過了橋後就有的路牌指示
就係呢條樓梯上山
在轉向站下有架纜車放咗係度，唔通係模特兒，用呢俾人影相？
在這裡可以好近咁影纜車
有無留意，這架原來係水晶纜車嚟喎
呢度風景都唔錯，左邊係逸東邨
哇～仲有咁長嘅樓梯，加油！
上緊樓梯時見到隻螳螂
唔好走喇～，未影完呀！話口未完佢就跳咗過對面
行完咁多級樓梯抖抖先，原來東涌都幾靚喎！
跟住的路有些崎嶇不平，路面仲有好多碎石，要小心啲行
終於到山頂喇
觀景山標柱
涼亭，抖下先
涼亭內有機場指示牌，不過就十分污穢
香港國際機場，我已經係企咗係張長櫈上影的，但係仍然給植物阻擋了部份視線
係樹叢中有個空位可以清楚影到飛機，不過要掌握時間才可以
回程時無意中比我地係山邊搵到一處好地方，無遮無擋咁影機場
仲可以影到飛機起飛時的一剎那
影完相後就落山行去古窯公園，在途中可以見到國泰城
行到路口有指示牌，跟住轉左行去古窯公園
其實跟住緩跑徑行就可以
古窯公園入口
入口旁邊有機場古物園的告示板，大車輪胎應該從右邊行落去個大公園裏面
古窯公園唔係好大，得幾幅展牌及一個仿古窯
這個公園於2006年3月18日啟用
古窯仿製品
沒有留言 :
張貼留言