2008年12月29日 星期一

08年聖誕東部華僑城兩天遊 Day 2


第 二 天
 
日期:2008年12月28日(星期日,陰天)
行程:酒店 → 惠州西湖 → 板畫古村 → 桑果園 → 香港
住宿:五星級的家
 
  今天七點就起床,在酒店餐廳食自助早餐,在09:00人齊出發。第一站是去惠州西湖,因這裡比較雜,落車前導遊千叮萬祝要小心銀包;這個西湖十分大,行了一陣見好多團友都聚在一間店舖前,上去睇下,原來是買出名的惠州梅菜,我也買了些來試試。
 
  行完西湖見還有些時間,於是去了步行街行街,夠鐘就番上車出發去食午餐。


這間酒店的早餐不錯

有即煎荷包蛋,而家當然要食全熟反蛋喇

仲有即煮的湯河,今餐真係食得好飽

原來這間酒店有直通巴士去香港機場,又幾方便喎

坐了個多鐘頭車,終於到了西湖

西湖的景色真的很美









遠處就是寶塔山



上去要另外購票,每位 5蚊人仔









好多團友都聚在這間店舖前,搞乜鬼

原來係度買惠州出名的梅菜

這些甜梅菜睇落都幾靚喎,我都買番d先

仲有其他小食

原來西湖入口也有一間蓉記,唔知係唔係一樣呢...........

步行街街邊有好多小販,這裡有烏龜賣

仲有其他小動物賣添

惠州步行街

今日食午餐的酒家,剛剛有幾家人擺喜酒



在國內食飯一定有的雞,今餐餸都唔錯,食得好飽







  食飽後就去深圳的版畫村,這是一條客家古村改建而成的,因剛剛新建的,來這裡只是睇客家古民居,在這裡有一個鐘自由活動,行下影下相好快就夠鐘。
 
  下一站是去桑果園,這個購物點差不多每次都會到,真係有點悶,到了之後當然入房上課聽書喇,今次這位老師真的好長氣,講了半個鐘頭仲未想放人,全團人已經頂唔順話去洗手間走晒,去完洗手間後就上車走人。
 
  聽咗咁耐書大家都好肚餓,大家出發去食晚餐,晚餐在皇崗口岸附近的餐廳食,食飽只須坐幾分鐘車就可以到皇崗,十分方便。
 
  導遊安排大家在餐廳停車場換香港直通車,十分方便,過了海關後再坐半個鐘頭車就可以返屋企了,這個旅程亦完滿結束。
 
版畫村


這原是一個藝術家村,因新建成,仍未有藝術家搬入


路牌,今次主要是去碉樓

客家古村









導遊帶我地去這個窗口莊入去,有乜好睇呢?

原來是睇佢地製作板畫,要咁睇,好怪

剛剛見到有幾個人係度搬個大缸,咁樣搬法,利害

在各房屋內都展出以前的畫版

跟住去睇的碉樓

這裡原來仍然有人住同種菜

在回程時見到有人在馬路中間穿梭,原來是在兜售畫

晚餐係專做旅行團生意的醉琴軒食