行程：酒店 → 高尾山 → 多摩南大沢 Outlet → 新宿 → 酒店
住宿：新宿アーバンホテル
今日係年初三，安排了去高尾山行山，早上八時多起床，食過早餐後就出發。先到京王新宿駅乘京王高尾山線準特急到高尾山口駅 370 円，架電車初初都有幾多人，點知行行下行到高尾山祇係得番幾個人，約 10:45 到達高尾山口駅，出閘後轉右一直行就到高尾山纜車站，在路上見附近的商店街大部份店鋪都沒有開門營業，十分冷清，下次去郊區時都係安排星期六、日會比較好。
行到了纜車站時，在正門看到告示話ケーブルカー（纜車）暫停維修，祇可以乘坐リフト（吊椅）上山，從來沒有坐過リフト的我哋，有些緊張。買了車票後行上小山丘的リフト車站，幸好在車站有圖文說明，又有兩位工作人員幫助，很順利就坐上吊椅，開始上山喇。越上越高，氣溫就越凍，上到半山時，見到前面白濛濛一片，原來兩邊樹木上都積滿了雪，好靚呀！十多分鐘後就到山頂，離開車站後祇見山頂白色一片，十分興奮，邊行邊影相，向著藥王院進發。
今日早餐～飯團加蘋果汁，杯雪榚係昨晚的宵夜
今日都係好凍，得三度
到了京王駅，入閘後第一件事係睇發車案內顯示板，在 3 號月台乘 09:47 班次的準特急到高尾山口駅，不過要留意現在停係 3 號月台的係去橋本，唔好盲中中上錯車呀～
在車門玻璃窗上貼有 Hello Kitty 警告貼紙，用咁可愛的 Hello Kitty 提醒小朋友小心度門，真係細心
高尾山口駅
離開車站就見到這張大地圖，睇下點行去纜車站先
原來轉右直行就到
行行下見到有足湯
原來係有料的，而這個足湯係附屬於車站餐廳的，間餐廳今日沒有營業，所以連這個足湯也暫停
天氣真係好凍，買了罐熱朱古力暖下個身
這條路都幾靜，人影都唔多個
行了一陣見到有分义路，右邊係行上高尾山的，見到好多日本人都選擇這條路上山
在上山路左邊有高尾山不動院
右邊就有石碑及小寺廟
飛鼠銅像，唔通高尾山的吉祥物係飛鼠
有個小池塘，前面有告示話：池內的水係來自山上的清滝的聖水，不要在此洗鞋底
高尾山纜車站
睇完這個告示才知原來纜車做定期檢查而暫停
售票處，這個也暫停
纜車，同香港的差不多
Hello Kitty 爆谷售賣機，仲有音樂播添
リフト售票處
來回每位 900円
買了飛後就由這裡行去乘車處
入到去後就見到有圖文解說乘リフト方法
上埋這幾條樓梯就到喇，加油呀！
在入口見到這幾隻小木雕，好似係圖騰，好可愛呀
坐上リフト後就出發
前面白濛濛咁嘅
原來有雪呀
安全網和兩邊的樹木也有積雪
山頂車站，一樣有兩位工作人員幫手，落リフト比較容易
高尾山リフト車站紀念印
一出車站祇見附近都有積雪
在車站影完相後開始上山
這裡的雪景好靚
高尾山纜車站
車站旁有間商店
炭火燒だんご 300円，日本人真係好鍾意食だんご
這裡有收費望遠鏡
呢度個景仲靚呀
行了一段山路後見到有間十一丁目茶屋，不過沒有營業
隔離的野草園也一樣沒有開門
門前的石猴子，做型十分趣緻
蛸杉（章魚杉），個名咁得意嘅，這棵杉樹已經有四百五十年樹齡
開運章魚，摸下佢個頭就會帶來好運，白熊，我哋又去摸下囉
行約半個鐘後就到藥王院的淨心門，這時個天開始下微雪雨，凍咗好凍，過了淨心門後就是藥王院的範圍， 行行下發覺路面結了冰十分滑，加上係斜路，行上去倍加困難。繼續向前行，行到有喜苑的路口時，在那裡影相時見到原來行返去纜車站係有兩條路可以行，分為右邊是男坂，是一條樓梯，左邊是女坂，這是一條不是太斜的斜路，即係之前我哋行果條，所以決定回程時行右邊男坂果條樓梯。行了半鐘終於到藥王院，今日到來參拜的人不是太多，在這個天氣下倍覺冷清。
在藥王院影完相後差不多下午一點，沒有再向山頂前進 ，開始回程。落返地面，肚了已經很餓，要搵野食，不過因不是假期，沿路祇有很少食店營業，而且全部都是橋麥麵店，除了價錢貴、碗麵份量不多之外，還沒有甚麼款式選擇，幸好行到車站附近，找到間的食店，不要看這間食店細細，原來食物很美味的。食飽己經兩時半了，我們繼續下一站，就是到車站對的高尾山トリックアート美術館。
藥王院淨心門
過了淨心門後，這裡已經係藥王院了
在淨心門旁邊的小神社
這條路的路面已經結了冰，十分滑，要慢慢行才可以
路旁的植物也積滿了雪
行到上高尾山有喜苑的路口時，見到之前行的路原來係分左右兩條
左邊女坂，右邊係男坂
行行下在路旁見到有個碑林
過了碑林後在路邊有一大排木牌，上面寫滿了捐款的善眾的名字
在大樹下見到一個鋪滿雪的告示牌
撥開啲雪睇下寫啲乜先，原來係介紹附近的杉樹歷史，在昭和 34 年和 41 年兩次颱風吹襲下有很多杉樹被吹毀，能夠逃過大難的杉樹有過千年的樹齡
這些過千年杉樹，都係好巨型
到了有喜寺，路邊的長櫈鋪滿了雪，有人寫了些日文，本來我也想寫的，不過中文字太多筆劃而告失敗，所以祇好影人地的寫的字
藥王院停車場內的私家車鋪滿了雪，真係好想用手撥下的雪玩下
原來這架係藥王院的專用私家車
四天王門，不過唔可以由這門度入，只可以在側邊行入去藥王院
四天王神像
入到藥王院就會見到一對天狗神像，這是其中一個
這個石塔上刻有很多不同的天神畫像
淨手亭
御護摩受理處及小賣部
側邊有樓梯可以上有喜寺
由這條樓梯上正殿
仁王門
這門兩邊係擺放天狗像
正殿
神像也要避雪
香爐
お札授與所
鐘樓
底部的木浮雕很靚
旁邊還有個的銅鐘
受付堂
大師堂前有一排佛像仔
在大師堂旁邊也有條路可以上高尾山
影完相後就回程，今次行另一條路，哇～條樓梯好長呀！行上去都係都幾辛苦，好彩我哋係落姐
在樓梯旁的修行大師石像
坐吊椅落山喇，有了上山的經驗，今次無咁驚，可以慢慢欣賞一下風景
纜車站前的商店街，人都唔多個，好鬼冷清
商店街旁的小溪，如果在假日嚟依度的話，應該會比較多野睇
行返去車站時，在車站旁見到這間飯店，在沒有得選擇下，今餐就在這裡食
店內情況，好有民間小食店的味道，有乜野食就係放在廚房頂，慢慢睇下有今餐食乜野先
這店坐位不多，而隔離係賣紀念品的，一店兩用
煤氣暖爐，上面還可以用來煲水，增加濕度
我點了咖哩飯 750円，這碟的咖哩很好味，少少甜少少辣，正！
我幫白熊點了おでん定食（關東煮定食）1100円，好多野食呀，而且又美味，真係唔錯
下午二時半，食飽飯後成個人暖番晒，跟住到下一站高尾山トリックアート美術館，美術館在車站對面，行過去不用一分鐘，十分方便。入場費每位1300円，館內分兩層，地下係一個迷宮，而且仲要通過祕道才可以到二樓，而祕道的門會溶入了牆上的畫像，不易發覺。館內所展出的是利用燈光及特別的畫畫技術製造立體感，都幾得意架。
入場時會有服務員講解點樣可以製造出立體感及點用眼罩，麻麻地明佢講乜，講解完後就自己行入迷宮，行了很耐都搵唔到路上二樓祕道，好彩見到有人從祕道出來才知到上二樓的門在那裡，在美術館內一路行一路影相，逗留了個多鐘相，約下午四時才離開。之前買入場券時，職員給了我哋兩個代幣，初時以前係館內用的，但到離開都無用到，行到出門口時見到有部自助飲品機，原來個代幣係用來買野飲的，飲完野後就出發到下一站三井アウトレットパーク 多摩南大沢（多摩南大沢Outlet），先乘京王高尾線準急新宿行，在調布駅轉乘京王相模原線橋本行到南大沢駅 430円。
17:40 到了南大沢，出發前睇過地圖，知道Outlet是在車站附近的，但出了車站找了一會也不到Outlet的指示牌，加上天已經黑，四周燈光很暗，睇唔到Outlet係邊，於是問了一位途人，才知原來係車站轉右直行無幾遠就到，不過今日休館，真係晴天霹靂呀！坐了成個幾頭車嚟依度做乜呀！一場嚟到，行去影張相都好呀，行到Outlet門口時見對面有商店營業，影完後就行下，這裡原來有間 Green & Pet，間店十分大，而且有很多不同的園藝及寵物用品出售，價錢仲十分平，行了半個鐘，就乘京王相模原線返新宿 390円。
返到新宿，先到京王百貨地庫買寿司卷做明天的早餐，去到時十分多人，因夜晚好多食物都做特價，買了寿司卷後到歌舞伎町食晚餐。今餐選了とんかつすずや食炸豬扒茶漬飯，すずや就在歌舞伎町一番街街口，十分易搵，店內燈光比較暗，分吸煙區和不吸煙區，我哋當然要不吸煙區喇。坐底後睇下餐牌有乜野食先，餐牌有中英日韓四種語言，不愧係在歌舞伎町遊客區的食店，最後我們點了這裡出名的豬扒茶漬飯1500円和炸軟豬脊肉定食1600円，這裡的炸豬扒係鐵板上的，而且肉質很嫩滑，不過食茶漬飯時就有啲搞笑，之前睇過杜如風介紹，應該先食一半豬扒，然後把豬扒及菜放在飯面上，加茶就成茶漬飯。點知白熊差不多食晒啲豬扒先加茶，佢話就咁食啲豬扒好味啲，真係俾佢激死。食飽後就到便利店買宵夜，然後返酒店，因明天要到鬼怒川浸溫泉，所以要執好行李才可以休息。
車站前的鳥居
高尾山トリックアート美術館
外牆上畫了些特別的畫像，遠睇好似有兩個係度爬外牆
正門入口
買票後職員給我哋美術館的簡介和眼罩
迷宮的平面圖
館內的畫，這些畫雖然係平的，但係就好有立體感
小心呀白熊，有怪物走出嚟呀
隻大象好似真的一樣
這張相的河馬祇有一半，右邊的係塊鏡嚟架
如果單腳企條柱上面的話，就會有危立鱷魚潭的效果
這張相係在二樓影落一樓，見好多人行上行落，就係想係呢度影到這特殊效果
上到二樓，地下有建議的拍攝地點指示，跟住嚟影效果唔錯
游出框框的熱帶魚
真假鏡屋，其實中間係無鏡架，可以兩個人扮照鏡，都幾得意架
伸隻手埋個茶壺手挽度，就好似酙緊茶咁
無頭三腳枱，人從後面伸個頭入個箱度時，係外面只係可以睇到個頭，好搞鬼
遠睇仲以為有隻貓係疏發度添，又比佢呃咗
用正面或背面踎係個口度，變咗好似猩猩既晚餐咁
兩小無猜走出幅畫
之前買票時職員給我哋的兩個代幣
原來係用嚟係這部機買野飲
天寒地凍，買了兩杯熱朱古力飲，正～
南大沢駅
三井アウトレットパーク 多摩南大沢，呢度都幾大
原來今日係休館，無開門營業，好失望
好彩對面有幾間大商店有營業，可以行下
Green & Pet，入咗這間店睇野，啲園藝用品好平呀
返到新宿在歌舞伎町一番街的すずや食晚餐
點完野食啡白熊影下相先
介紹食茶漬飯的方法
白熊的豬扒茶漬飯1500円
我的炸軟豬脊肉定食1600円
在酒店對面買了暖包用嚟明天去鬼怒川用
今日的宵夜
買了杯豬肉湯試下，又幾好味喎
紫蕃薯雪糕
沒有留言 :
張貼留言