今日重陽假期，計劃了到屯門遊覽一下，我們先乘巴士到屯門市中心，再轉乘輕鐵到各個目的地。說起來真的有點大鄉里，這是我們第二次坐輕鐵，第一次是甚麼時候、是怎樣坐輕鐵，已經忘記得乾乾淨淨，在網上看轉車的標誌也有點模糊，故決定到時見步行步。
十一時到達市中心站，乘505到第一站三聖廟，雖然三聖廟是出名的景點，但是落了車後找不到指示牌，幸好之前有做功課，知道大慨的位置，過了馬路到三聖邨才看到指示牌，過埋天橋、穿過麒麟崗公眾公園後就見到有路上山，三聖廟就建到山頂。
三聖廟不是很大，影完相後就出發到馬禮遜樓，但係在網上知道馬禮遜樓不對外開放，影唔影到相都唔知，盡管試下，於是在何福堂站落車，離開輕鐵站後才知原來馬禮遜樓是在何福堂書院內，但是大門深鎖，無得入去，唔知平時可唔可以入去呢（我諗應該唔得，學校通常都是閒人免進）。
隔住鐵線網影完相後就繼續行程，乘輕鐵614P，在兆康站轉 615P，差不多到站時聽到廣播才知，原來614P到了兆康站後會改為615P，咁即係不用下車，在兆康站等了幾分鐘後架輕鐵就開，好快就到青松站了。
離開月台一過車路就係青松觀，都好方便喎，個肚已經好餓，第一時間去買餐券，但係行了一會都見唔到售票處，行行下見到食堂，於是入去睇下問下人，職員見我哋得兩位，當時食堂又不是太多客，於是叫我哋坐定定點菜，她幫我去買票，真好人。這裡只有套餐，選了二人套餐加五柳魚 $123，這裡的齋菜很美味，而且不是太多油，正～食飽飽後就行下青松觀。
影完相便離開，再乘輕鐵去中山公園紅樓，在蝴蝶站落車，離開車站行一陣就見到指示牌，跟住行多一分鐘就到中山公園，公園內四野無人，行幾步就見到紅樓。紅樓是國父孫中山先生當年與革命者聚會的地方，不過現在已經十分殘舊，似危樓多個似紅樓，屋內還有人晾衫和種花，邊個會係度住呢？耐人尋味！跟住去隔壁的孫逸仙博士紀念碑，這裏應該是全港最多青天白日滿地紅旗幟的地方，不過很荒涼，真的有些唏噓！影完相就乘巴士返家。
落了巴士後就行去輕鐵站
月台入站八達通機
單程售票機，無八達通就要買飛
乘505到三聖站
架車到啦
車內不是太多人
到了三聖總站
離開月台前拍下出站機
過了馬路在三聖邨才見到有指示牌
麒麟崗公眾公園
穿過公園
上埋呢幾十級樓梯就係三聖廟
入口旁的山邊放置了很多觀音像
上山途中的三聖墟公所
努力加油，前面就係喇～
一上到去有個涼亭可以休息下
涼亭旁的孝思堂
廟前面的庭園，不是好大
另一邊也可以上山，睇嚟呢度似正門多d
三聖廟
三枝大香的香爐架
印了『儒釋道』的燈籠
睇完就去馬禮遜樓，在輕鐵車廂，這地方應該可以坐掛，但係我只可以斜斜地"埃"係度
到了何福堂站
馬禮遜樓就到何福當學校裡面
無得入去，唯有係出面影相
跟住就去青松觀食午餐，在614P總站會變身成615P去屯門碼頭
青松觀係在青松站月台前面
去到見到一排盆景，好靚呀
係咁行，見到食堂都未見售票處，入去問下人先
有人幫買票，落了單俾埋錢就坐定定等食
二人套餐，三色拼盤和青松頂上素 $85
另外加錢要了五柳魚$38，唔多油好好食
食飽就散下步，原來行無幾遠就係齋券購票處
餐牌，只有套餐供應
跟住就四園影下相，這是大雄寶殿
牌樓
化寶爐
鼓樓
個鼓好大呀
另一邊的鐘樓，可惜個銅鐘影得唔清楚
旁邊的石獅，唔同形態
雕刻得好靚既石柱
行行下先知呢度先係正門
特色香爐
觀內的石壁
草葯園
狗肝菜
時間差不到了，起程去紅樓，落車後見到這個指示牌在天橋度，其實乘輕鐵是不用上天橋便可到紅樓，這是因為我唔識路行咗上天穚先見到
在輕鐵車站過少少就是中山公園
紅樓
間屋好殘舊
屋前種滿了花，應該係有人係度住
孫逸仙博士紀念碑
半身銅像
香港黃煜堂先生撰寫的碑文
孫文兩個字寫得好肉酸，係定唔係國父寫，如果係，一早就比老師打手掌
