第 五 天
日期：2006 年 10 月 4 日(星期三)
行程：酒店 → 上野 → 成田空港 → 香港
今日就要坐飛機返香港，早上七時半就 CheckOut，拖住個大喼坐山手線到上野，跟住就直接行到京成上野駅，搵了個大 Locker 放好行李喼就起程行上野，去到京成上野駅時才知大的 Locker 不是好多，而且仲要 600円添，比上野駅的貴 100円。
搞掂個行李喼時都只是九時多，離開車站後就到上野アメ橫丁，可能真的太早，大部份的店鋪還未開門，而且我們未食早餐，於是找了一間拉麵店食早餐，這間店是路邊的小店，點了碗味噌拉麵及炒麵，份量十分多，價錢相當便宜。
食到好飽後就行上野，到一點多就去京成上野駅攞返個喼，之後乘京成特急到成田空港，到了後推著機場的手推車到扶手電梯時諗住把行李喼拿下，有個職員出現，手指指的表示"不"，諗極都唔明，行埋一邊才算，最後終於知道點解，原來機場的扶手電梯是特別設計，可以成架手推車推入去，真的很方便。
上到離境大堂後到西北航空公司的櫃台辦 Checkin 手續，之後就過海關，日本的海關也是不可以帶水的，而且仲係過海關時做埋安檢，這樣上機前便不用排隊做安檢。在免稅店買過手信後，就在閘口等上機，飛機準時起飛，五天的行程也完滿結束。
早上的新宿駅，人來人往，十分多人
搞掂個行李喼後就到アメ橫丁
路邊的小食店，早餐就在這裡食
好大碗的味噌拉麵
好大碟的炒麵，都幾好食
河豚專門店
店前養了好多條大河豚
上野街頭
有賣粥的專門店
「各位小朋友要乖，聽話，我們去旅行喇」（我諗老師說），攞返個喼時見到呢班可愛既小朋友
買了車票後入閘，落到月台就見到這個顯示板，到 4 號月台乘 13:40 的特急到成田空港
車內有顯示板，好方便
在上野買咗 d 小食坐車時食
特急列車內的情況，不是太多人
成田空港駅大堂
出閘口，可以連手推車一齊過
機場的扶手電梯，手推車搭扶手電梯，第一次，幾興奮
過關前食少少野，這裡的章魚燒好好味
食完野後在商場行一陣
日本公仔，好靚喎
武士與美女，手工一流
今日的收穫
第 四 天
日期：2006 年 10 月 3 日(星期二)
行程：酒店 → 築地市場 → 雷門寺 → 淺草橋 → 酒店
住宿：飛鳥酒店
今日第一個行程是去築地市場，所以今早八時半就出發，乘都營大江戶線到築地市場駅 260円，約 25 分鐘就到，出了閘後跟著指示牌方向行，好快就到築地市場，但是因漁市場已經在七點前收市，今次的目的地是在內市場食寿司及行外市場。
內市場有多間寿司店，但是就有個奇怪現象，就是只有大和寿司及寿司大的店前排長龍，這個當然喇，好多本旅遊書都介紹這兩門寿司店，就連蔡食家都有介紹，我們也選擇了在寿司大排隊，但是等了半個鐘仍好像沒有向前行過半步，已經十時多了，真的不知再要等多久，於是最終決定不等，到其他的寿司店食午餐算了。
最後決定在うまい鮨勘食寿司，這裏的寿司十分新鮮美味，真的不錯，食飽飽後就到外市場，外市場像街市的一般，有很多不同的食品用品出售。
早上出門時才記得同酒店影番張相，酒店正門有間便利店，買野好方便
到了築地市場駅了
九時多才到，漁市場已經收市
在內市場內有好多食店用品出售
好多松茸呀，而且仲好平添
新鮮的わさび（山葵），未磨之前原來係咁樣
好大包香腸呀，睇真 d ，原來是漬物
岩塩，用嚟煮餸會唔會好味 d 呢？
日式和菓子呀，外型做得好靚好似
這間店舖就是賣魚型電話繩
好多不同廚刀
未食早餐，好肚餓，行去搵間寿司店食寿司，去到時見到大和寿司門前有好多人排隊
於是行去寿司大睇下，點知一樣咁多人，死喇，排咗半個鐘都仲係咁多人，點算好....
決定不等了，行咗去うまい鮨勘食寿司
店內的茶杯，杯上有各種寿司的英文名，食寿司學英文
店內的寿司師傅，佢都幾靚仔喎
這間寿司店是一個一個寿司落單的，不像一般的以碟數計，而之前打算幫親的寿司大及大和寿司是食套餐，沒有的選擇
今餐一共點了17件寿司，件件都好鮮味，食得好飽
在市場內原來有間神社
運貨交通工具～三輪電單車
仲有呢部大怪獸，要小心佢地，因為呢部怪獸會開得幾快
睇完內市場就去行外市場
好大包味噌
竹葉？而家唔係端午節架，點解會有竹葉賣呢！當然唔係喇，不過就真係唔知係乜野
好得意的波波，仲話有好多種味，唔知係唔係同香港的大菜榚一樣呢？
好可愛的日式和菓子
有好多魚乾呀，不過日本人好似唔係用嚟食，而係用嚟煮湯
近馬路的一邊有好多間細細的食店，大部份都是立食
就算有位都只有三幾個位
約下午一時就離開築地市場，出發到淺草雷門，先乘都營大江戶線到蔵前駅，然轉乘都營淺草線到淺草駅 210 円，由於兩程車都是同一間公司，所以只須買一張車票就可以。但是在蔵前駅轉車時才知道，原來是要出閘，跟住上到地面，再行兩條街才可以到淺草線的蔵前駅，這樣轉車真的好麻煩。
到了淺草後就到仲見世通り及淺草寺行下，這裡上年跟團時已經到過，但只得好少時間遊覽，今次可以慢慢行，睇下野。約三點時已經好肚餓，找了一間中式麵店食午餐，這間麵店的水準只是一般，食飽後就出發到淺草橋。
這架電車是有顯示版的，真好，唔怕錯落車，E~~下個站就要落車
到了出閘口時看到這告示版，喎～出了車站要咁行咁行，哇～要行好遠先轉到車呀！
終於到了淺草駅
離開了車站後見到這個小僧人，前面仲有個募金箱添，不過就唔知捐俾邊個
係雷門前等過馬路時見到有架好得意的巴士及人手車，古今的交通工具係埋一齊，個畫面都幾得意
雷門，是淺草寺的山門，個門前有個好大的燈籠，上面寫住『雷門』，就是因為這個雷門太出名的原因，所以好多人都以為這間寺叫雷門寺
雷門原名為風雷神門，兩旁有對木製的神像，左邊是風神，右邊是雷神
穿過雷門後面就見到是仲見世通り，兩旁全是手信店，這些木屐電話繩好可愛
行行下見到個古裝打扮的小販
街頭有個江戶時代的告示版，下馬？原來係不准車輪進入
在淺草的橫街，有好多特色的小店
今日就在這麵店食午餐
兩碗中式的拉麵，味道只是一般
在年前看電視時介紹過東京的淺草橋，有好多出售日本人形公仔的店舖，當時看到覺得很靚很美，於是決定到淺草橋行下，在淺草駅乘都營大江戶線到日本橋駅 170円，出了閘後在江戶通り行，但是行了一陣才知這裡的人形公仔店不是好多，只得兩三間，但是燈飾飾物店就有好多，而聖誕節就到，燈飾店門前掛滿了好多好靚的燈飾。
行了一陣後就乘 JR總武線返新宿 160円，約六時就返到新宿，先到京王百貨行下，剛好在八樓的大催場有個食品展，很多日本傳統食物出售，行完百貨公司後就食晚飯，最後決定在東新宿的韓式燒烤店食，但是入到去時才發現這間店好焗，而且抽氣不足，油煙味十分重，但是已經入咗去坐低咗，無法啦！只有忍下去食完這餐，在點菜時因祇有日文餐牌，有些手忙腳亂咁了兩款套餐，到上菜時都唔係乜野肉，真有些搞笑。食飽後就返酒店，因明天返香港，要執好行李才可以上床休息。
在淺草駅乘電車時見到這座神寺
好可愛的人形公仔，今次到這裡是想睇這些，但是原來只得兩三間
就嚟聖誕節，這間前佈置得好靚，當然喇，這間店就係賣這些燈飾飾物
行完大街，走咗入橫街探下險，這架車泊咗係路邊喎
不過原來係違例泊車，食咗張牛肉乾添，原來日本的牛肉乾係貼住係個擋風玻璃度
京王百貨八樓的大催場內出售的日本食品，這兩隻魷魚好似好好味
仲有好多食物，不過好多都唔知係乜野
今日的晚餐，韓國燒烤
每個套餐有兩款肉可以選擇
今日的收穫，第一次係藥房買了DHC潔面套餐，有成六折，真的好平好抵
