行程：酒店 → 名古屋駅 → 中部國際空港 → 香港
今天要返香港了，由於要乘新幹線到名古屋，再轉乘名鐵電車，車程要兩個鐘頭以上，所以今日沒有安排行程，直接到中部國際機場，一來唔想出意外而遲到，二來機場有一個很大的美食商店街，可以行足一個下午，所以早點去機場。
今日八時多起床梳洗，到酒店一樓食過早餐，執好行李後到大堂櫃台放低鎖匙就可以出發， 第一站是名古屋。有了上次的經驗，今次乘新幹線沒有買指定席，在車站大堂用自動售票機買自由席的車票，比買指定度的簡單好多，很快就買好車票可以入閘。
新幹線到名古屋的自由席車費 5830円，沒有指定班次和座位，購票後入閘到了月台，先睇指示板自由席是那幾架車廂，然後才行到適當位置等車，不過就算上錯指定席也不用怕，可以在車內行返到自由席搵位坐。
到名古屋的新幹線大約二十多分鐘就有一班車，班次很密，雖然上到月台時送車尾，但只等了十多分鐘就有另一班車，電車內不是有很多人，買自由席車票真是正確選擇。
今日的早餐，已經食了六日相同早餐，不過這是旅程的最後一早餐，都要食飽啲
今日湯瑪士蒸氣火車正式通車，靜岡電視台也有採訪報導
在靜岡駅內的新幹線自動售票機
操作很簡單，先按中間的自由席
按第一個自由席購入
按第一個靜岡駅
選擇目的地，我哋到名古屋，所以按名古屋
日期，按本日
人數，我選 2人
這個是問是否還有其他目的地，我哋只係去名古屋，所以按第一個
按片道，即單程
看清楚有沒有錯，無問題就按右下的確認
兩人車費 11660円，如無問題就可以入錢
到名古屋的自由席車票，買了車票後可以入閘
在新幹線專區入閘比較簡單，如果在一般閘口入閘，就要跟指示行番去新幹線閘入再入閘多一次，比較麻煩
在 6號月台乘車，自由席在 1-7，14，15號車廂
月台上的便利店
便當店，剛食完早餐，還有些飽，不用幫親
有好多不同的種類，好吸引呀！
今日乘的新幹線
こだま 643，目的地係名古屋
原來自由席係禁煙，所以明明列車的自由席有好多空位，但好多吸煙的人也要買指定席啦
座位旁邊的是乜野呢？
原來係電插座，可以為手機手提電腦充電
十二點半到名古屋駅，由於想買電器，所以出了閘就行去車站附近的 LABI。JR名古屋駅真係很大，在車站大堂迷了路，搵唔到正確出口，幸好見到一個很清楚的地圖，原來要咁樣行先可以到 LABI，條路咪剛才經過囉！行番轉頭好快就搵到正確出口。
離開車站行到好遠都唔見到間電器百貨公店，唔通又行錯路，只好向路上的護衛員問下路，原來間 LABI在前面無幾遠，無行錯路；咁辛苦行到 LABI，可惜一樣買唔到 (〒︿〒)。
其實 LABI離名鐵車站很近，離開 LABI行不用兩分鐘就到，大堂內有很多手信店，主要都是靜岡名古屋一帶出名的甜點。白熊見到咁多甜點又話肚餓，於是買了些少上車食，買完野食，跟住去買車票，半個小時後有班車，本來在自動售票機買車票，但係今日我傻傻地，去名古屋車費 890円，買車票時記錯咗，以為 890円好似有問題，安全啲都係行去服務櫃台買車票。
買完車票入閘到了月台，真的有點不知所措，見到月台地上有不同的顏色線，每種顏色線上都有好多人排隊，咁排邊條龍先啱呀？在月台四圍行下，睇下指示板，原來不同的路線排不同的顏色，不過會有不同的路線排在同一種顏色線，要睇清楚指示板下一班車目的地好上車。
JR名古屋大堂地圖案內，LABI在名鐵站附近，所以在名鐵出口出
LABI，全座都係買電器，真係好大呀！
路上有組合做宣傳，BOYS AND MEN，大家有無聽過，我就唔識
名鐵車站大堂內的手信店
京ひみこ ，有好多不同味道
最後買了くず笹（抺茶，桃，紅豆蓉）
很美味，忍不住在電車上食晒
我很失敗，到過日本這樣多次，還要到服務櫃台買車票
車票，到中部國際空港 870円
在月台的顯示板，到中部国際空港特急在紅色線上排隊上車，白熊唔好排錯地方
到名古屋特急只需三十多分鐘，只比ミュースカイ(μ-sky)慢幾分鐘，大約下午兩時半到了機場。出閘後首先到交通廣場大堂還 WIFI，手續真係簡單到無可以再簡單，就是放低部 WIFI，沒有任何簽收，不過我諗人人都係咁樣還機。
還完 WIFI就到機場辦登機手續和寄存行李，不過到了香港快運的櫃台，見人山人海，發生乜野事呢？遠遠見到櫃台後面的告示板顯示櫃台服務暫停，咁點算呀？幸好白熊心水清，睇到條人龍大部份的都是說普通話的中國人，而且有大量寄倉行李，香港快運應該大部份係香港人乘坐，原來係中國航空公司的人龍，排長龍排到去香港快運的櫃台前面，真係好誇張，搞到我地跟住佢哋排。
我哋係人龍旁邊行入去香港快運的隊龍，不過未夠鐘辦登機手續，多等十多分鐘就有地勤小姐嚟開台為乘客辦理手續，寄存好行李，跟住到四樓的藍天城。藍天城內有ちょうちん横丁和レンガ通り ，有很多不同的食店和商店，全部都是日本有名的名鋪分店，我和白熊就到這裡食午餐，買埋手信便過海關。
到了中部國際機交通廣場
在這裡還 WIFI
好大條龍呀！
這條白龍是用了有1500歷史的「越前和紙」精心制作而成
航空公司櫃台上面有幾個忍者公仔
蘭花擺設，很巨型很靚
香港快運的登機櫃台，顯示板顯示登機手續在 14:45開始
辦妥手續就在機場行去四樓藍天城，機場內剛有宣傳德川家康服部半蔵忍者隊
到了四樓先四圍逛，伊賀の里モクモク手づくりファーム
好多好野食呀
熱狗，我的最愛
超級大腸，乒乓波板咁大枝，白熊一定好鍾意
還有其他的食物，但最後都係無買嚟食
展望風呂風の湯，機場內竟然有溫泉，日本人真係好鍾意浸溫泉
還有很多食店，真係有排行
鶏三和
おかゆと麺の店 粥餐庁
若鯱家
忍者隊的宣傳大公仔
部大電視還播放有關宣傳片，整個機場到處有佢的廣告
今日午餐在這間元祖モダン焼の店 ぼてや食
這食店在昭和21年創業の大阪道頓堀のお好み焼専門店，已經有七十年歷史
白熊的国產黑毛和牛．牛バラそばメシ 1080円
我的元祖モダン焼．タルタルモダンシックス 1380円
午餐真的食得好飽，時間差不多要準備過海關，原來這裡真的很大，我同白熊只是行了ちょうちん横丁，無行到レンガ通り ；經過和幸時見到有豬扒三文治出售，於是決定買一份。買埋手信就過海關，在海關不是有很多人，很快就搞妥。
未出發時在機場的官方網頁上看到可以在禁區內的食店攞熱水，但我同白熊去到食店，職員卻說沒有熱水供應，哎呀！無熱水，無熱水都無辦法，唯有行去登機閘口等上機啦！不過真係明天會更好，行到登機閘口附近，比我見到有部熱水機，真係喜出望外，斟完熱水，在禁區內行下影下相。
今日香港快運又 Delay，好彩只係遲咗半個鐘頭，不用等好耐就可以上機，未夠十點返到香港，過了海關，攞番行李，乘車的士回家。
和幸
豬扒三文治 584円，買了一份
外賣的原來已經做定了幾份，不用等
えびせんべいの里
這店賣的章魚餅，魷魚餅和蝦餅很好味，價錢又唔貴，我在這裡大手入貨
禁區內的食店明明有標示有熱水供應，點解會無熱水架！
好彩～我地行～行～行～
原來新設了熱水機，有熱水飲，好開心
在禁區新開的區域新開了幾間免稅店，現在很流行的壓力電飯煲，在禁區內有家庭電器出售都是第一次見，看清楚原來係 220V，香港也可以用
今日坐的香港快運飛機
班機要延遲，要等半個小時才可以上機
由於午餐食得好飽，結果份三文治回到家才食
今日的戰利品，雖然在えびせんべいの里買了很多，但仍覺買得不夠
上一篇 : 16年靜岡七天自由遊 Day 6
沒有留言 :
張貼留言