行程：A：新清水駅 → B：かねだ食堂 → 清水銀座商店街 → C：四葉百貨 → D：魚町稲荷神社(日本少年サッカー発祥の碑) → E：稚児橋 → 巴川→ F：白髭神社 → 清水入江商店街 → G：淡島神社 → H：追分羊羮 → I：靜岡市立清水市入江小學校(小丸子入讀的小學) → J：櫻橋駅 → 新清水駅
出發前兩星期在網上看到探究小丸子漫畫出現過的地方，而且資料很詳細，參考有關資料，重新編排過，安排在到小丸子樂園的同一天早上遊一遊。
乘靜岡鉄路到了新清水駅，轉右行這條小路行去巴川
巴川，漫畫中時常出現的河
牆上有很多牆畫
有些脫落很舊，應該已經很久了，主題係民間神話故事，呢位唔知係唔係織女呢？
哇，好污穢呀，仲有陣陣臭味添，又話日本人好保護河川，乜條河搞成咁嘅，川田先生咁多年的努力白費了
河童先生都叫大家要愛護河流
不過應該無人理，水渠仍然不停有污水流入巴川
河對岸係 かねだ食堂(金田食堂)
漫畫中小丸子和爸爸常會到的餐廳，小丸子通常會點鱚魚天婦羅( キス天 )和碳酸飲品( 三ツ矢サイダー )
過番條巴川，到水神社
個鈴鈴生晒鏽，間神社好少人參拜
清水銀座商店街
街道兩旁放了很多花盆
不淮泊車，咁細隻字俾邊個睇？！
部違例泊車罰款機仲停止運作，咁即係任泊都無問題
鯨魚石像，細細條，幾可愛
路上的瓷磚
唔同款式架
店鋪鐵閘的塗鴉
呢幅好抽象，唔知畫乜野
狗狗也坐電單車，隻狗好乖，坐係度唔會四圍走
四葉文具店，漫畫中的四葉百貨，同現實有些出入
明明寫住係百貨公司
但其實係校服店
魚町稲荷神社
手水舎
有圖說明手水步驟，好似在那裡見過呢？原來之前到過的神社都有這幅，原來係官方指定講解圖
神樹，唔知有幾多歲呢？
真的很特別，日本的古樹大多數樹身都長滿了好像草的植物
在靜岡的神社都有很多不同的碑，這個係祝願世界和平
鳥居
天皇到過也立個碑
本殿
守護神係狐狸，通常都係對石獅，這個咁特別，原來狐狸係稲荷神的使者，全日本的稲荷神社內都會有佢的踪影石像
日本少年サッカー発祥の碑
行完神社就經稚児橋過河，橋的兩邊欄柵上各有一對河童石像
受德川家康的命令，首次在巴川構架起橋樑時，傳說有男童突然無意間的跨過橋樑，因此有“巴川住著河童”的傳說。
連欄柵上也有河童的圖案
電影版小丸子和安東尼穿著浴衣在稚兒橋上放煙火的地方
這個位置看巴川最靚
另一邊
入江商店街
踢足球的渠蓋
白髭神社
本殿
啲繪馬好舊到多塵呀，好耐無人參拜和打掃？
變咗色添
每年的繪馬都唔同圖案，還差明年的就夠12年
河童神殿
神明的緣起說明，不過日文，明啲唔明啲
樣子咁怪嘅，乜野神獸
河章神像
另一邊的掛畫
事務處，漫畫中有一幕街坊會在這裡開辦聖誕節活動
行去車站時見到另一間神社，見有時間入去行下，一排地蔵菩薩，個個都裝飾得好靚
全天然的石枱石櫈
松樹打埋得很美
本殿，原來呢度係法岸寺
這座本殿應該新建的
屋簷上的脊獸
正門，原來剛才我哋係側門進入
觀音像
離開法岸寺繼續行，路邊的花開得好靚
淡島神社，漫畫中小丸子說因神社離家不遠，時常都會到這神社
兩邊唔同字
水手舎
本殿
漫遊中小丸子和小玉坐在神社前練習吹奏木童笛
隻石獅子化咗妝，塗口紅
神社旁的神樹「虛空藏」，作者很喜歡這棵樹，佐佐木老伯角色就誕生，漫畫中成日照顧這棵神樹
本殿後面有個小神社，不過係唔開放，入唔到去
這個石碑又係前後唔同的
入汀岡駅
如果時間係剛好的話，在橋上影到小丸子彩繪列車最佳地點，不過呢架列車我都影得好靚
這個車站大堂是我見過最細的
本來行程是行去清水市入江小學，但是已經有啲攰，所以就改乘電車到桜橋駅；先買車票，一個站多謝 120円
雖然月台咁細，但一樣有洗手間
好快就到
車站附近地圖，等我睇下先
一直行直行，好似有問題，又迷途 (☍﹏⁰)，這條鐵行人天橋好似係小丸小漫畫出現過
唔理咁多，認住方向有路就行，地圖話要過條鐵路先，咁就搵番個平交道過去，剛有電車經過，白熊，要等到無車欄開了先好過呀！
無車啦，可以過，不過電車班次好密，要行快啲呀！！！
行到追分町附近，唔知追分羊羮店係邊，在唔知點行之際，幸好有位伯伯經過，拿住手機上的地圖，用我笨拙的日文問路。這位熱心的伯伯很仔細地指示我點行，原來佢同我地行同一方向，佢行得快啲，差不多到羊羮店還停下來指一指店舖的位置，真係很多謝這位伯伯 ありがとうございます 。
遠遠就見到這個招牌
清水市名物，追分羊羮，漫畫中小丸子很喜愛食的食物，同漫畫一樣，咁多年都無變
小丸子羊羮呀，要買番啲做手信
一共兩款，多謝 2268円，佢有禮盒裝，不過比較貴，所以無買
羊羮店對面有間很像古堡的屋，Turnham Green
還有間 100円店
原來呢間 100円店好大間，要行真係有排行，不過我哋只行了一部份，買了少少野就走
跟住去入江小學，小丸子和同學入讀的小學，Google 地圖指示的路原來是條橫街小路，唔小心好易錯過，在小路左穿右插，有些疑惑有無行錯路時就見到入江小學，終於行到了。不過又有問題，學校正門係邊？？搜集資料時在 Google 地圖找不到入江小學正門，嚟到只係搵到個像入口的地方，點知行到去見到『立入禁止』
搵唔到正門沒問題，一樣可以影到間小學
剛剛有班小學生放學
完成行程就返回車站乘電車到新清水駅，然後到小丸子樂園，路邊的怪怪住宅，全屋塗上黃色，好似小雲玩的咩咩咁^o^
返到桜橋駅，貼番正確路線先，出了車站轉右直行
前面小路轉右
小路在這車検中心對面
這條小路真係好易錯過
直行過埋平交道，再行一陣就到入江小學，識路其實真係好易，如果我一早借了WIFI，跟Google地圖指示行就方便好多
到新清水駅多謝 120円
沒有留言 :
張貼留言