行程：酒店 → 靜岡県庁別館 → 駿府城公園 → 淺間神社 → Hobby Square → 酒店
離開酒店，沿伝馬町通り行去，幾分鐘就到静岡市役所，四圍影下相，跟住到護城河對岸的静岡県庁別館 21階富士山展望ロビー 。別館現在是靜岡県警察本部，咁咪要入去警察局^_^"，有無問題架！經過漫長的搜集資料（其實只是幾小時），確認進入大堂後乘電梯到 21樓是沒問題，不會被查問，可以安心出發。
房間外的樹今天的花開得好燦爛，天氣又好，真係好預兆
經過 109商場，時間尚早，不是有好多人
右邊高的大廈就是我哋的目的地～静岡県庁別館
Den bill商場，屋頂有電視發射塔
静岡市役所，圓塔型頂特色的建築物，在昭和 9年（1934年）由中村和資平設計的，它已成為日本的註冊有形文化財產，目前係静岡市議會議事堂，裡面有彩繪玻璃前門，天花板上有一個大吊燈，和各拱形窗戶和種裝飾，免費入內參觀，不過有關資料是回港後，寫遊記時才知道，沒有入內參觀，有點可惜
駿府城公園附近路上有很多靜岡市花圖案的瓷磚
雀鳥圖案也有
静岡県庁地圖，睇下別館位置先
別館前的學校圍牆繪了學生做運動的畫，睇唔到啲學生，睇下畫都好
行到別館，看清楚指示才入去，安全啲好～入到大堂，跟住指示板行去乘升降機到 21樓，展望台分東西兩冀，出了升降機，先右轉行去東冀看富士山，雖然是晴天，但係遠處四周都是雲，仍然看不到富士山 (〒︿〒) 。
静岡県庁別館（靜岡県警察本部）入口，入口旁邊有展望台的告示，無去錯地方
一入大堂就見到エスピーくん和シズカちゃん ，這兩位靜岡名人，歡迎大家同佢哋影相
接待處櫃台上有對迷你版，好可愛
由這裡行去乘升降機
升降機內也有指示板
地方很大，不過只得我同白熊兩個人，顯得有些冷清
有櫈坐，可以休息一下
首先去睇下富士山，不過遠處只見到雲，幸好影到少少，富士山，我同你真係無緣
駿府城公園
德川家紋花圃
浅間神社
淺間山
臨濟寺
靜岡市
JR靜岡駅
這裡也有紀念印，白熊快啲攞本收集簿嚟
仲有免費 WIFI，可以上網搵旅遊資料
各地的旅遊小冊子
睇完富士山，本來打算離開，但白熊話見到另一邊升降機大堂有エスピーくん ，想影喎，剛剛有一班小學生由裡面的房間行出嚟，而且還有位警察小姐沿途講解，應該係參觀警察本部的導賞團，我估應該可以入內參觀，幸好途中沒有人阻止，一切順利。
回家後到官網看看，原來房間前半部是可以參觀的，不用申請，而後半部是給團體參觀的，要預先申請。影完相後準備離開時，接待處的警察小姐突然叫住我哋，幣！俾人拘捕，點算呀！(＠＿＠)；原來警察小姐見我哋係遊客，送了一個立體警車模型，真的很驚喜，說聲『ありがとう』後，就在大堂的枱櫈馬上砌，完成後同啡白熊合照，為了方便携帶，於是把它回復原狀放入背囊。
我和白熊到了另一邊升降機大堂，裡面有班小學生正在參觀
門前的エスピーくん
真實的警察電單車，好有型呀
單車發電機，前面有部電視是要靠這部發電機供電，一路踏單車一路看電視，好環保
這裡應該係同啲小朋友玩遊戲的，我哋唔係小朋友，無得玩
富士山哥哥
唔知エスピーくん叫人睇啲乜野呢？
接待處警察小姐送給我哋的立體警車模型，架警車內仲有エスピーくん和シズカちゃん
完成啦，啡白熊話要坐下喎
白熊又話要坐司機位，佢哋真係，仲細咩！
案內圖
轉貼自靜岡警察網頁
離開警察本部，跟住到駿府城公園的東御門・巽櫓參觀。我哋由東御門進入公園，見到公園內人山人海，原來有學校旅行，在公園野餐，幸好佢哋只在空地上食午餐和玩耍，沒有進入東御門・巽櫓。
買了票進場參觀，展館內要除鞋才可以入內，有啲唔習慣，好彩對襪無穿窿啫；東御門・巽櫓主要展出駿府城歷史文物，和德川家康有關的事跡。
行去公園時見到浪漫巴士，前日見到紅色，今日見到綠色，兩架浪漫巴士都比我哋見到
東御門浪漫巴士站
駿府城別稱府中城及靜岡城。德川家康於1589年興建完工。江戶時代駿府城是駿府藩的首府，1601年內藤正成獲封駿府建立駿府藩。1607年隱居的家康遷入駿府城並改修，建成6層7階的獨立式層塔型天守，惜同年末因本丸大火而焚毀。直至家康逝世前，駿府可說是與江戶媲美的政治經濟重鎮。
東御門，我哋就在這裡進入公園
護城河
好多鯉魚！白熊，昨天吃剩了啲麵包快啲攞出嚟餵下啲魚啦，睇下佢哋幾肚餓，麵包一抛落去，啲魚就搶食
連白鴿都飛嚟食麵包
白鴿小姐，你行得咁埋都無用，啲麵包餵晒魚啦，無得餵你
這對烏龜就好休閒曬太陽
原來河道有專人負責清理的，河面咁乾淨無垃圾
駿府城的歷史
東御門，好有氣勢
另一邊
度木門好大呀
門較上的心型圖案
火炬架，以前用來照明的
駿府城內由這些咁粗的樹幹建成，咁粗壯的樹，唔知要生長幾多年才可以
如果懂日文，可以睇下有關東御門的介紹
地圖，睇下東御門・巽櫓在那？
瓷畫，繪了駿府城以前的街道
在入口附近行完就開始參觀東御門・巽櫓
售票處，每位200円
自動售票機，操作很簡單，按制入錢就完成
門券及小冊子
入口
因要除鞋入內，離開時可以用佢嚟幫下手著番對鞋，好好用架
放好鞋後就入去巽櫓參觀
接待處，職員小姐見我哋影相就行開唔阻我哋，真係好人
紀念印圖案好靚，記得蓋番個留念
老年的德川家康像，旁邊的軍旗「厭離穢土 欣求淨土」是德川家康馬印
德川家的家紋
展館有多幅駿府城的舊貌
還有好多當時的物品
駿府城的天守閣已經倒塌了，只能看模型
城池設計係易於防守，士兵在這裡可以好安全攻擊敵人
我睇到你，你睇我唔到
又有一個模型，這裡最多的就係模型和地圖
出土文物，這些是城內百姓的日常用品
炮彈，當時日本的軍事發展很進步
鯱，在1969年整頓二丸堀時所發現的原有東御門上的鯱
屋頂這隻應該是新做的
駿府時下町行列圖屏風
這幾幅圖係和德川家康有關的寺廟神社
燒津八丁櫓，曾擔任德川家康的護衛船
駿河傳統的人偶
其他工藝品
1559年德川家康在桶狭間合戦運糧入大高城時所穿的金陀美具足「金溜塗日根野頭形兜 金溜塗黒糸威仏胴胸取具足」，不過這個應該係仿製品
大手御門渡櫓
這樹就係用來復修駿府城的，真係好粗壯
當時復修的情況
這橋是運送茶葉給德川家康，真係很隆重
參觀完東御門・巽櫓，跟住去看一看德川家康公銅像，不過公園真係很大，得咗五六分鐘先到，跟住去埋其他景點後，出發到淺間神社。原本計劃在二之丸橋離開，順便可以行埋二之丸御門跡遺址，不過我哋行得好累，決定在最近的西口離開。
啲小學生食完午餐，係度玩一二三紅綠燈，唔知係日本的小朋友純真，還是香港的小朋友成熟
銀座之柳二世，這棵柳樹是德川家康當時開設的銀座所在地的柳樹後代，當時因關東大地震和東京大空襲，銀座街道上的柳樹差不多都枯死，有志保存運動的人用插枝方法保存下來
二之丸水道
紅葉山庭園
公園內有清晰的指示
德川家康公銅像
這裡也是駿府城本丸跡
天守閣遺跡，這裡有工程，唔可以行上去
到浅間神社，原本打算乘駿府城浪漫巴士，不過其實路程不是很遠，行十多分鐘就到，而且可以順道行下浅間商店街。我們由西門離開公園，今次學乖了，沿路用 Google地圖帶路，好快就到浅間通り商店街，在商店街路旁搵個位休息一下才繼續行程。
由浅間通り商店街直行就到神社，静岡浅間神社是神部神社，淺間神社和大歲御祖神社三社的總稱，即是神社內是有三個不同的神社本殿，要慢慢遊覽。
路上經過一家私人停車場，閘上繪了靜岡的風景畫，又幾靚喎
浅間通り商店街
進入神社的規則，原來神社內是不淮吸煙
圍牆上掛滿了好多奉納旗
神社案內，原來地方好大
神門
手水舎
大歳御祖神社拝殿
神社家紋
有不同的御守，很多款其他神社也有出售
繪馬
由這條樓梯行上去就是麓山神社和賤機山古墳，雙腳已經好累，無行上去
大歳御祖神社旁邊明明寫「八千戈神社」(是日本重要的文化財產)，但看案內地圖八千戈神社在另一座建築物
香油錢箱，上面有另一個家紋
社務所
這裡出售各種神社的祝福御守
御朱印收集帳 1000円，內裡已經有浅間神社的御朱印，每一間神社的御朱印帳都是不同的
御朱印一個 300円，有關御朱印我在幾個月前在網上看過有關的資料：
御朱印上寫有神佛的御號或寺社的官印，被視為具有神力。因此在求取朱印前請務必先行參拜，並妥善保管每一本朱印帳。
御朱印不是觀光紀念戳章！我只是一個觀光客，所以我沒有購買御朱印
初初唔知這裡做甚麼，「七社參拜り達成」？
祈禱受付所
休憩室
有免費茶水供應
一邊休息飲下茶，一邊欣賞牆上的擺設，好快就回復體力
休息完繼續行程，手水舎，這個手水舎是我見過的最大
舞殿
神部神社和浅間神社兩神社的大拝殿，至於神社本殿在大拝殿後面，入唔到去
在舞殿兩邊原來放了神社的印章，用來完成七社參拜り達成
由於行到最後才發現印章，所以只有兩個印，未能成功收集
樓門
樓門內的随身像
有些破爛
水吞之龍
力左
還其他的浮雕
神社另一個入口的鳥居
行完浅間神社，到浪漫巴士站乘巴士返靜岡駅
紅色浪漫巴士
車費全程都是 100円，不過安全起見我哋上車都有攞整埋券
靜岡駅浪漫巴士站
返到車站，已經很肚餓，今次選了在一風堂食拉麵，食飽後就到 Hobby Square睇模型。Hobby Square 展出幾個出名品牌的模型產品，不過全部都在櫃內，只可以影相，行了半個小時就行完，買埋個德川家康頑駄無漆黑之鎧限定版，就離開返酒店休息。
今日在一風堂食午餐
各款醃菜，隨各人的口味添加
碎蒜頭機
芝麻和黑椒都可以磨碎，咁多野我只係落咗芝麻
我的白丸元味 790円
白熊的赤丸新味 850円
餃子 220円
食飽後到車站南口出
久能山東照宮的石碑
由這條路一直行，乘扶手電梯上天橋，行一分鐘就到 Hobby Square
在這裡轉左
乘這部扶手電梯就見到 Hobby Square
好大個四驅車場呀，有咁多個場玩，一定會好好玩
各款四驅車
還有其他的模型
Zaku 渣古
天空之城
靜岡號甲式二型練習機
正式展館，展品主要分不同的品牌展出
EBBRO
WoodyJOE 木製模型
唔少得 Bandai
還有其他品牌
休息內的巨型渣古
當然唔少得高達
德川家康頑駄無漆黑之鎧限定版
好有型，一於帶佢返屋企慢慢欣賞
臨返酒店前在車站影下德川家康像，位置圖
少年德川家康～竹千代君像
德川家康像
外賣車，很整齊乾淨
返到酒店休息一陣又出發，因為想買電器，於是到 Cenovaセノバ 四樓的Nojima，不過想買的搵唔到，反而見到啲相機真的好平，心思思真係想換過部新相機，但係部 Canon相機沒有懷，而且還很好用，都係唔好太浪費了。
跟住行去松屋買外返酒店食，點解要買外賣？因為今晚要洗衫，要早點返酒店。返到酒店，先拎衫落去二樓洗，跟住上返房食飯，食飽後剛好洗完衫，攞衫番房涼。完成今日的旅，個人已經好累，要上床休息了。
前幾日行這條伝車町通り時都是很匆忙，今日可以慢慢行
路燈上的飛馬
Cenovaセノバ 四樓的 Nojima
25倍 Canon相機賣 29,880円，即係 二千一港紙，平幾百蚊，比較舊型的有較大的折扣
晚餐係松屋買外賣
牛肉丼大特價，只售 290円，比吉野家平咗百幾円
有很多座位，堂食唔驚無位坐
自助售票機，有中文繁體，操作很容易
買完票後交給店員就可以坐低等下
買完晚餐返酒店，途經宝泰寺檀信徒会館
宝泰寺
原來宝泰寺很大很宏偉
不過這個水池附近有很多蚊滋，有過百隻係四周飛嚟飛去，快手影完相快啲走
地蔵王
酒店附近的太陽能街燈，晚上無人經過是不開的，整條街都黑麻麻，有人經過時會自動著燈，既慳電又安全
酒店的洗衣機，200円一次 45分鐘，不過見唔有洗衣粉賣，幸好我哋有帶洗衣粉
今晚晚餐，等洗衫時可以慢慢食
今日只有這盒模型戰利品
上一篇 : 16年靜岡七天自由遊 Day 3
下一篇 : 16年靜岡七天自由遊 Day 5
沒有留言 :
張貼留言