chris 的小小世界: 16年靜岡七天自由遊 Day 3

日期：2016年6月7日（星期二）
行程：酒店 → 三保松原 → 三保灯塔 → 東海大学自然史博物館 → 清水河岸市場 → 小丸子彩繪列車 → 酒店

　　今天早上都是八時多起床梳洗，到酒店一樓食早餐。酒店供應的早餐原來日日都是一樣，而且今日會到清水河岸市場食美味魚生，所以只是食了些少就算，返房執好行裝出發。

　　出發前兩星期，搜集旅遊資料時，在 Ninja Wifi 官網見到靜岡免費借用 WIFI蛋優惠，當然不會錯過；到了靜岡駅，先到觀光案內所借 WIFI蛋，手續其實並不太複雜，只要出示護照，填好問卷，跟住職員的指示用手機影有關的單張，然後上載在FB或Line貼文，跟住檢查好部 WIFI蛋就完成手續，回程時在各大國際機場的服務櫃台歸還就可以，十分方便。

酒店旁的神社，靜岡市有很多大大小小的神社，總有一間係附近

珠賀美神社

經過立體停車場，車場入口地方會轉動，幫架車掉頭

有電動單車出借，可以嚟個單車漫遊

呢個水渠蓋上面個警字代表乜野意思呢？白熊估緊急時個水渠個會彈出個警察出嚟，真係睇得動漫多

巴士站上蓋有很多小丸子海報

又係有孖辮，究竟係姐姐定係小丸子

唔知係唔係小丸子長大了的樣子，多了一對孖辮

還有長長的橫額

要影佢哋要行去馬路，有巴士經過時就要跑番去行人路，真係好忙

影完小丸子後就去北口的靜岡市總合觀光案內所

辦妥手續影埋呢張相，在社交網站貼文就完成

免費借用的 WIFI蛋，部機唔係好大部

　　借完 WIFI蛋就出發到三保松原，先乘JR東海本線到清水駅，然後轉乘 58號巴士《東海大學三保水族館行》，在三保松原入口站落車，巴士內有到站提示，唔怕唔識落車。

　　落咗巴士，先行去御穗神社，之後沿神之道行去三保松原。三保松原入口有多間手信店，由於我們會由另一條路回程，所以先行下手信店，我哋仲有一大段路要行，所以沒有買到戰利品。

去清水駅多謝 240円，幾個站就二百幾円，好貴呀！

在 1號月台熱海方面乘車

到了清水駅，行去巴士站，見到架巴士已經停咗係車站，白熊要行快啲呀，架巴士就開

上車時記得要攞整埋券

坐了半小時終於到三保松原入口，車費 360円

三保松原入口巴士站

御穗神社

鳥居

這座神社已經有很多年歷史

祭台

本殿，應該重修過，好新淨

不過個牌匾就舊到啲字差啲睇唔到

拜神前記得添香油，上面個圖案唔知係邊家族的紋章

本殿掛住的藍布也有這個家紋徽號

自助求籤

事務處

手水舎

呢度都有官方的說明圖

屋頂都有幾張貼紙，應該都有好多人嚟祈福

繪馬

有很多不同的圖案

馬廄內供奉著神馬

這裡也有個迷你神社，裡面供奉著五個神明

原來這裡才是神社的正門

離開神社後到對面的神之道

神之道

白熊，記得要靠右行呀

大家都很守規則

神之道兩旁種滿了松樹

很多松樹樹身也長滿了草的植物，唔知係唔係這裏空氣好

行到累可以坐下休息

枯死的松樹樹身，等我數下佢有幾多歲，不過太多了，數到眼花，放棄

到了三保松原入口，這裡有多間不同的手信店

有傘借用，唔知係咪免費借用？還是要在店內購物才可免費呢？好彩無下雨，不需借用

小丸子都出茶？？係包裝加佢個樣就話係小丸子番茶，真係！！

藍梅汁和蜜柑汁

本來想買呢支蜜柑汁，但今日仲有好多路要行，都係唔好買

玉露抺茶雪榚 300円

一樣架，杯雪榚好夠茶味，好美味

　　食完雪榚，出發到羽衣之松，今日整天都是烏雲密布，全完見不到富士山，很失望。之後沿鎌ケ崎遊歩道行去三保燈塔，遊三保松原本來最佳選擇係乘單車漫遊，既方便又舒服，不過白熊不太懂踏單車，唯有靠雙腳行。

　　由羽衣之松行去三保燈塔太約 1.6km，我同白熊漫步，一邊拍拖，一邊欣賞風景，行了五十分鐘，真係行得好慢 (*^▽^*) ；同燈塔影完沙龍，出發到碼頭乘水上巴士回程，但因行得太慢，預計搭的那班船快開了，但我哋仲未行完，咁唯有改乘下一班船。多了時間，於是改變行程，在附近其他景點遊下。

沿這條上山小路就可以去到羽衣之松

旁邊有間酒店～羽衣ホテル

門前的白龍銅像

沿這條路上山

等我睇下地圖先，羽衣之松原來係前面

這位先生做乜野呢？原來今日要噴殺蟲水，要將啲飲水設施用膠袋封住

我哋選了行樓梯，慢慢行，唔辛苦

紀念銅碑

エレーヌの碑

羽衣之碑

羽衣之松，真係好大棵，樹枝生長到彎彎曲曲，真係好似有人係度跳舞

海邊也種了很多松樹

新三景之碑

羽車神社

本殿好細呀！

重建時建立紀念碑

富士山呢，你去咗邊呀？？

大霧到連船都矇查查

本來這裏是睇富士山的其中一個最佳位置

鎌ケ崎遊歩道

路的兩旁種滿了松樹，漫步行下真係好寫意

之前的遊步道係唔可以踏單車，到了這裡就可以，條路又大又直，唔識踏都無問題

富士山今日很怕羞，匿埋係烏雲後面

防波石，香港萬宜水庫都有

行完鎌ケ崎遊歩道，轉入另一條路，在這條路尾才見到不淮踏單車，真係。。。

太平洋岸自転車道，可以踏單車了，不過我哋無租單車^_^

呼籲大家保護環境

連蟹都要保護環境，幫手執垃圾

松樹林內有棵不同樣子的植物

葉子脹滿的，同松樹全完唔到，唔知係乜野樹呢

行行下條路變窄咗，好彩今日唔係好多人踏單車

終於到三保燈塔

三保燈塔建於1912年，是日本第一座鋼筋水泥製的燈塔

真崎燈塔要行多兩公里路

日本的烏鴉真係無處不在

上去上面睇下風景先

海上有工程，興建人工魚礁

原來這裡有停車場

有停車場外，還有食店，自駕遊的話唔怕無地方泊車

甲飛豫科練之像

碑文的意思大約是二次大戰期間，這裡的空軍訓練中心，所收的學員大部份都是中三學生，在照和十九年時，第十四期，十五期和十六期的大約二千七百名航空學員，未畢業就要上戰場而戰死沙場，這個紀念碑就是紀念這班學員；戰爭真是可怕的事情！

繼續行程，路邊種了好多植物

防止雀鳥，這裡的居民用了不同的方法，這個似唔似白鶴呀?

行行下見到有架飛機

原來呢度有個機場～三保飛行場，由社團法人日本飛行聯盟經營，主要作為靜岡縣與紅十字飛行隊的訓練飛行場

這架巴士改裝成辦公室，唔知行唔行得

跑道，唔好話飛機，人影都無隻

仲有 1.1km，白熊，已經好累了

清水港，和神戶港，長崎港合稱『日本三大美港』，清水港除了美景外，對外的貨物運輸也很發達

長堤上的燈塔

個沙灘有好多人釣魚

因時間太晏和太累的關係，決定改去碼頭，沿這條路離開海岸，不過唔知前面係邊度

有間民宿喎

個屋好舊喎，好有懷舊 Feel

意外地見到東海大学自然史博物館和海洋科學博物館

由於在三保松原漫遊太久了，我哋只係在外面影下相

地圖，這裡都幾大喎！

有艘船係度？陸上行舟？

原來這艘船係東海大學丸二世，由1968年下水航行，集研究、教育和實屋一身的科學海洋調查實習船

船錨，好大呀，這個船錨的大錨係沒有銲接的，整個鑄造

推進器螺旋槳有咁大隻船，當然有咁大個螺旋槳

東海大学自然史博物館

入園料金 1000円，兩間博物館通券 1800円，星期二休息

旁邊有兩隻恐龍做守衛，鯨龍和特暴龍，唔怕有賊光顧

還有四塊大石頭，唔知可唔可以坐下呢？這塊是大理石，結晶質石灰岩

呢塊都係大理石，石灰質化學沈澱岩

花崗岩

呢舊都係花崗岩，月長石花崗岩

海之博物館

津波実験水槽

唔知呢個模型係唔係清水港呢？

東海大學海洋科學博物館

園內放了其他的展品

人魚

二重反轉型推進器

　　離開博物館，剛好看到有架巴士經過，原來個巴士站就在博物館斜對面，我和白熊行到巴士站看看時間表，下班車仲有十多分就開，考慮了一陣，決定乘巴士到新水駅，然後經清水駅前銀座商店街行去清水河岸市場食午餐。

　　商店街的店鋪沒有太大特色，沒有入店鋪內行。離開商店街後，又行錯路，幸好有WIFI，上 Google地圖確認一下位置，就繼續前進。到了市場已經三點多，まぐろ館內的食店有很多已經休息，最後到了いちば館的のっけ家食魚生丼，這裡的魚生很新鮮，又甜又美味，食飽後行下市場，跟住出發到新清水駅，乘小丸子彩繪列車。昨天坐唔到，今日要坐個夠本。

博物館斜對面的巴士站