日期 : 2011 年 4 月 2 日 (星期六、天晴)
在網上瀏覽行山郊遊的資料時，無意中找到一條在鬧市中的郊遊徑「鰂魚涌樹木研習徑」，入口在英皇道柏架山道口的柏架山道自然徑。整理過有關資料，選了一條很容易行的郊遊路線，起點是柏架山道自然徑，終點是康怡花園，預計行程需時1小時45分。
今天乘港鐵到鰂魚涌站，先到太古坊飲茶．食飽後行回英皇道柏架山道口，轉右入柏架山道，沿路平坦，非常易行，行了半小時左右便到鰂魚涌樹木研習徑，樹木研習徑設有樹木簡介的標柱，可以一面郊遊，一面學習，真是不錯。沿途的指示牌很清晰，跟著指示行多一時左右便到「鰂魚涌樹木研習徑」的終點基利路。跟著我們再向太古城道方向行，找一間食店食個下午茶餐才離開回家去。
先到彩雲軒飲茶
鳳爪同埋粉果
椒鹽雞軟骨
蜂巢茘埔芋角，隻芋角有多好油，好油脷，唉～～
叉燒腸，呢餐食咗$105
起點位於英皇道柏架山道的柏架山道自然徑入口
轉右便是柏架山道
路旁有間小小的呂祖廟
沿馬路行，雖然係斜路，不過都易行
路邊有隻很廋的珠頸斑鳩，是多運動量還有食得唔飽先咁廋呢？
在柏架山道可以睇到整個鰂魚涌全景
柏架山道林邊屋（紅屋），由太古洋行於1904年興建，被列為香港二級歷史建築，剛有工程進行
原來快將成為「紅屋郊野公園自然教育中心」
路邊的山泉水，有心人用了水管引啲水出嚟，方便遊人
晨運之友通訊站
路邊有條分叉小路上山
原來係另一條郊遊徑～金督馳馬徑，即衛奕信徑第二段
到了鰂魚涌樹木研習徑的入口
呢條路可以行去康怡花園，即係我哋的目的地
條路用石仔鋪過，都幾易行
大戰時貯糧石室的遺址
戰灶旁的健身設備，拉下腳筋先
樹上掛了個小木箱，原來比啲雀仔做巢
戰時爐灶遺址
好多好大的灶頭
咁多個，最大呢個
沿指示牌旁的小路繼續行
上山有好多引水道，下雨時最好唔好行呢條路
鋪了石屎的路面，呢條路真係早上晨運的好地方
我哋繼續沿康怡花園方向行
又有另一個戰時爐灶遺址
原來已被晨運人士改建成為爐灶花園
在灶裡種了好多不同的植物
係戰灶後面的樓梯離開
條樓梯好長架，兩邊無扶手，要小心行才可以
落完條長樓梯後就到了條橋
橋下面係條河，今日條河無乜水，如果在夏天一定好壯觀
過了橋後轉左行，呢度有個燒烤場，路邊的指示牌
行呢條樓梯上去
晨運園地
有個大涼亭可以乘涼
做早操的設施
腳板按摩
腳踏平台
緊急電話，如有意外可以用佢嚟求助
呢條路轉左落樓梯係我哋的目的地，右邊的路可以行去西灣河和筲箕灣
條樓梯有扶手架，行得舒服好多
呢度都有人用竹嚟引啲山水，仲見到有人用個大水桶嚟裝添，唔知唔係用嚟煲茶呢
教育徑太古段紀念碑
行樓梯離開自然教育徑
落到去就係康怡花園，沿基利路方向行
康怡花園停車場牆上的植物，真利害，咁高都爬到上去
小路旁種了好多花，呢棵好靚，唔記得叫咩名添
到了位於基利路的「鰂魚涌樹木研習徑」出口
滿粥，係度食下午茶
啡白熊影張相留念先
我的豬紅艇仔粥$19，好足料
白熊的及第粥$28
仲有炸兩$13，啲油炸鬼好脆，好好食
同埋豬潤腸$16，呢餐食咗$76
沒有留言 :
張貼留言