行程 : 酒店 → 福岡機場 → 香港
今天是旅程的最後一天，搭下午14:10 KA387回香港，上午還有些少時間，原本打算一早 Checkout，把行李寄存在酒店，然後乘巴士到柳橋連合市場吃魚生，十一時回酒店取行李才到機場。不過經過十四天的旅程，今朝真係好想訓晏啲，所以最終八時多才到地下吃早餐，吃完早餐又回房繼續去搵周公，九時半才Checkout，然後直接到機場。
十點多已經到了機場，本來打算寄存行李後才在機場四圍逛，點知港龍的櫃台沒有開，於是唯有拖住個大喼四圍行，其實福崗機場好細，祇有兩、三間食店，而手信店也不多，行一陣就行晒。無無聊聊行上四樓，見到有個到「送迎デッキ」的指示牌，按指示行去，原來有個可以睇飛機的地方，這時個天下著雨雪，影完相便走番入室內暖下。行番去港龍的櫃台附近搵過位訓下覺，訓到矇矇矓矓，被嘈吵的廣東話聲嘈醒，原來是有團旅行團剛到，再望向港龍的櫃台，見航空公司職員開始準備辦公，原來航班起飛前兩小時才開始 checkin。
我們排隊將寄倉行李過X光機，然後拿著昨天在酒店打印的登機證加passport checkin，好快就搞妥。過埋關，買下手信食下野，好快就可以上機，因架飛機有積雪，需進行除冰程序才可以起飛．航班延誤了約十分鐘才起飛。
坐在機倉內回憶這次旅程，一切都順順利利，氣溫雖然很寒冷，但天氣很好，大部份的時間都天氣晴朗，雖然去不到霧島，但在出發前已有心理準備，故沒有太大的失望，反而慶幸不是到了霧島才出現問題。在寫九州之旅遊記期間，311日本東北發生9級大地震，並引發海嘯和核危機，無數日本人喪失生命和家園，心中極感難過，希望日本的災難快快過去，快快可以重建家園。日本！！加油！！がんばって！
雖然是熟口面的早餐，不過食埋今日，唔知幾時可以再嚟食
東橫inn博多口駅前，雖然沒有停車場，但交通方便，由博多駅行三、四分鐘就到
去福岡空港的車票
今朝得兩度，不過唔覺好凍
在福岡空港駅出閘後只係国內線空港，要乘無料巴士到国際線空港，就係係呢個巴士站乘無料巴士到国際線
国際線空港二樓有架1:4 的NR-211 Lockheed Sirius水上飛機模型展出，首位飛越大西洋的Charles Lindbergh 和妻子Ann Morrow Lindbergh在 1931年7月27日就係駕駛呢架飛機小型水上飛機，由紐約市起飛，經加拿大、阿拉斯加、堪察加半島、千島群島飛抵日本，在同年9月17日在福岡的名島水上機場降落
送迎デッキ，是露天架，好凍同落緊雨雪呀
見到長榮架飛機做緊預備工作
今日登機號閘口
係55號閘口，KA387，預定14:10起飛
對正55閘口有間有手信賣，有野食的店舖
無食午餐，好肚餓，買啲野食頂下肚先，我要咗杯可樂同熱狗
白熊要了牛奶雪糕，極重的奶味，yummy!yummy!多謝一共 840円
最後衝刺～買手信，係長崎無買到蛋糕，見到有得買，當然要買番啲嚟食下喇，啲蛋糕好香好濃蛋味，不過同香港的蛋榚唔同，無咁鬆軟
其他小食，可以番香港慢慢食
呢位大叔整緊乜野？
將啲麵粉放入個木模度
原來係即製雞仔餅
即製即焗，好好味咁喎，有得試食當然唔會錯過，味道只係一般，好鬼甜，其實間手信店係推廣緊日本名物～名菓ひよ子
今日搭的港龍機
飛機午餐餐牌
未派午餐前，先派蘋果汁同埋花生，之前食果啲已經消化晒，食住頂下肚
午餐嚟喇．我的蜜糖芥末汁燴雞
白熊的山椒粉礁石魚飯
仲有我地最鍾意的Haagen-Dazs雪糕，好正呀！
香港！我地平安返嚟喇！
沒有留言 :
張貼留言