行程 : 酒店 → 長崎原爆資料館 → 原爆公園 → 平和公園 → 展海峰 → 有田ポーセリンパーク (有田陶瓷器公園) → 酒店
住宿：セントラルホテル伊万里 6,980円
今日七時多才起床，梳洗後八時到大堂食早餐，食飽後返房執好行李到大堂 Checkout，攞番車匙後就拉埋行李到停車場取車。09:15出發到長崎原爆資料館（Tel：095-844-1231），只係幾分鐘車程就到，到了平和會館旁的停車場泊好車後，就到原爆資料館參觀。買了票後就入場，內裏不准影相，館內展出當年在長崎市爆發的原子彈所做成的破壞和對人身體的傷害，長崎市變成人間地獄，真係慘不忍睹，真希望世界上不會再發生這些人間慘劇，不再有戰爭，但願世界和平！
酒店的早餐，好豐富呀，味道唔錯，呢餐食得好飽
今日路線圖
我哋就係係呢個平和會館旁的停車場泊車
收費表
長崎平和会館
在廣場前的「原爆殉難教え子と教師の像」
直行乘電梯到長崎原爆資料館
路邊的銅像「未来を生きる子らの像」，出自「悲しき別れー荼思」畫像中描寫少女福留美奈子的母親志なさん向地蔵至祈求世界和平，不要有戰爭的故事
長崎原爆資料館
又見到呢隻狗仔「長崎さるく」
入到去要行條落去地下才到入口
這件作品名為「連鶴」， 闊15cm，長150m．2010年8月10日荷蘭藝術家マナ‧オリ氏送贈
入場券，每位 200円
參觀完後番出嚟後見到指示牌，原來係可以行去「国立长崎原爆死没者追悼平和祈念馆」，不過我哋無入去
長崎原爆資料館外面有好多紙鶴呀
全部都係長崎市的中小學生所摺的紙鶴，原來今日有悼念死難者活動
由好多細隻紙鶴拼合成大紙鶴，真係好有心思
參觀完資料館後 10:10行去的原爆公園和平和公園，原爆公園就在資料館前面，行一陣就都，而平和公園就比較遠，而且仲係建在小山丘上，要行幾十級樓梯才到，行得有點辛苦，遊完後就返車場取車，11:10出發到展海峰（Mapcode：307 458 313）睇九十九島，但係白熊話時間仲早，去埋浦上天主堂，由於沒有地址和 Mapcode，只能憑記得大概的位置，好彩行到咁上下就見到有路牌，跟住行一陣就到，影完相後就繼續行程到展海峰。
今次一樣都係行國道，又可以慳番千幾円，不過係展海峰係無野食喎，唔通今日又要係便利店買午餐，點解係日本呢個美食之國，竟然有咁多餐都要係便利店買野，究竟我哋係唔係嚟旅遊嘆世界？！去展海峰途中其實有不少餐廳食店係路邊，不過從來都無食過，睇嚟今次都係試下，由於嚟九州咁多日都無食過烏冬，所以想搵間烏冬店食，最後到了到了一間民宿的飯店，泊好車後就入去飯店，不過入到去時間鋪一個人都無，大聲叫了幾次「すみません」，等咗一陣先有個阿伯行出嚟，我望住牆上的餐牌點野，不過好多都無得食，我用了所識的日文同佢溝通，終於成功點了野食，等咗一陣，就有得食，估唔到咁不顯眼的小食店，煮出嚟的食物竟然係咁好食，好味呀！！
在資料館行去原爆公園路上有好多祈求和平的石碑和銅像「反核・平和「はぐくむ」」
「～鎮魂～ あの夏の日」
「平和の願いを後世へ」
「PEOPLE AT PEACE」和「隈治人句碑」
「平和を祈る子の像」
「長崎誓いの火」
「電気通信労働者原爆慰霊碑」
「不戦平和之塔」
「追悼長崎原爆朝鮮人犠牲者」
沿指示牌向前行可以到原爆落下中心地
「被爆50周年記念事業碑」
長崎原爆落下中心地標柱
浦上天主堂的遺壁，是由原址遷移到這裡
梯樓兩旁的石像，睇極都唔知佢哋係乜野動物
跟住就行去平和公園，我哋跟指示牌方向行．初初以為有近，足足行咗十幾分鐘才到
長崎の鐘
平和の泉
園內有好多世界各國贈送的雕塑，這個是荷蘭的米德爾堡市送贈的「未来の世代を守る像」
前蘇聯(U.S.S.R.)的「平和」
捷克斯洛伐克(Czechoslovakia) 的「人生の喜び」
東德 (East Germany)的「諸国民友好の像 」
保加利亞 (Bulgaria)的「Ａコール 」
中國 (China)的「乙女の像」
背面有「和平」兩個字，係1985年胡耀邦題字
為「中国人原爆犠牲者」的追悼碑
遠處有個大石像
出自日本著名雕刻家北村西望的作品「平和祈念像」
折鶴の塔
平和公園的另一個入口
浦上天主堂
民宿丘城
間民宿外觀都唔錯
一間好有日式居民 Feel的食店
仲有榻榻米，感覺好正～
ちやんぽん600円，好好味呀，啲菜又甜又爽，麵又彈牙，真係估唔到咁好食，呢樣係阿伯的推介嚟架
烏冬(うどん)400円，呢碗烏冬一樣咁好食，尤其係隻蛋，又滑又嫩，呢餐好正呀，原來路邊的小食店食物係咁好食架，以後唔洗淨係去便利店買午餐食喇～
14:00到達展海峰 ，在無料停車場泊好車後就到展望台睇風景。今日多雲，視野唔係好清，不過都可以睇到九十九島的美景，在停車場旁有個大花圃，不過見有工程進行，係度種植緊花苗，無花睇，不過相信到夏天呢度一定片地花海。逗留了十幾分鐘就離開，出發到有田ポーセリンパーク(有田陶瓷器公園)（Mapcode : 104 243 803）。
由於陶瓷公園係正高速公路附近，所以今次選擇行高速公路，車程約 40分鐘，但係行高速時發生了「意外」，就係去到高速入口，個大叔淨係比左張「利用証明書」我，無收錢，我諗應該係出口的收費亭比錢，但到了收費亭見無人係度，只有個閘口，旁邊有部機，咁點算好呀，望下間離線，見個閘會打開比架車過，於是望下部機，我哋又無高速收費咭放入去，點算呢？於是見制就按，當時實在太緊張，唔記得按咗乜野制，個閘就打開，已經搞咗幾耐，既然個閘開咗，咁就拿拿淋開車離開，不過一路揸車一路擔心，點解唔洗俾錢架，明明部GPS都有顯示收費560円，會唔會俾人通緝架！直到去到有田IC 出口，離開了高速都見不到有收費站，咁就唯有當無事，萬一有問題，還車時租車公司就會搵我哋，依家都係唔好理咁多。
15:05抵達有田陶瓷器公園，由於係平日，園內只有好少人，真係可以用人影都唔多隻嚟形容，不過這樣就可以慢慢影下相，唔洗等啲人走開先影，園內的城堡真係好靚，在無其他人的環境下影相，真係可以影個不亦樂乎。
泊好車後沿呢條斜路行上去
好大個花圃，不過係度種緊花苗，無花賞
行到山頂，有個展望台，不過唔洗行上去都已經睇得好靚
作曲家和海軍軍人～田中穂積像，代表作是《美しき天然》
展海峰
對出海面就係九十九島，哇～真係好多小島喎，大大小小，不過究竟有無九十九個咁多呀？
另一邊，個景都幾靚喎
行高速時收到的「利用証明書」，到最後無事發生，這張証明書上面寫，應該係話做交通流量調查，所以免了高速費
有田ポーセリンパーク（有田陶瓷器公園）入口指示去無料停車場
園內的建築物全部係歐洲建築，好似去咗歐洲咁呀，呢座係陶瓷市場
市場前的陶瓷燈
好靚呀
土產特產店
餐廳山海酒房「のんのこ」
好大隻陶瓷象棋
陶瓷歷史館「古賀亜十夫記念館」，入場費每位 300円，館內展出「小人國歷險」、「 靈犬萊西」、「湯姆．索亞歷險記」等眾多著名兒童書繪製的伊萬里畫家－古賀亞十夫的童畫、插圖和油畫等作品
陶瓷公園的標誌～滋溫格宮殿「ツヴィンガー宮殿」，是模仿了 18 世紀的徳國宮殿而建，是日本三大以陶瓷作為主題公園之一
城堡前的護城河上的小鴨，睇下佢哋幾寫意咁游水
城堡屋頂好似個皇冠
呢度影婚紗相真係一流
石橋，可以行到去後面的庭園
中庭上有的女神像石雕
裡面都有石雕，不過係男神像
滋溫格宮殿全景，睇下，一個人都無架，前面是巴洛克庭園
個城堡真係好靚
城堡兩邊有展覽廳和宴會廳
影完相過番條河的另一邊返停車場離開
15:45出發酒店セントラルホテル伊万里（Tel：0955-22-0880），車程約 35分鐘，16:20到酒店，酒店有個無料大型停車場，泊好車後就拖著行李到大堂辦手續和俾房租 6,980円，呢間酒店最遲Checkout時間是中午十二點．不過明天一早要去呼子朝市，所以都係要早起。返上房第一件就是上網，到港龍的網頁劃機位，由於酒店並沒有打印機提供，所以先劃咗位，等到明天在東橫Inn才打印張登機證。
18:00出發食晚餐，今晚沒有預先搵定食晚餐的餐廳，所以先在附近行下，搵下有無心水食店。離酒店無幾遠原來有間大型超市，見到好多美食呀，忍不住買了盒寿司食，不過白熊就貪平，揀了盒特價貨，真係一分錢一分貨，盒寿司係今朝 10點整，到呢家都賣唔出，所以先做特價，味道只係一般，下次都係唔好貪平，食寿司一定要買新鮮做的。
食完寿司後就行番去伊萬里車站附近的一間西餐廳食漢堡扒，這裡的漢堡扒好美味，價錢又唔貴，真係唔錯的餐廳，食飽後行番去超市買埋宵夜後才返酒店，上了一陣網和食埋宵夜後，就梳洗上床休息。
セントラルホテル伊万里
酒店入口，酒店前有個無料停車場，有超過一百個車位任泊
今晚住的雙人房，張床同昨晚的一樣咁細張
書枱、電視機，不過係無加濕機，好彩有個電水煲，臨訓前煲定一煲水嚟加濕
洗手間，呢間好細間
離酒店無遠的超市MaxValuマックスバリュ伊万里駅前店
啲麵包好好味咁喎
有好多款呀，等陣買番啲嚟做宵夜先
我哋買咗呢盒特價寿司，睇下係半價199円，不過擺咗好耐，有點乾乾哋
Skylark ガスト伊万里駅前店
白熊點了プレミアムハンバーグセット 1,046円，鐵板牛肉漢堡扒
個餐還有沙律，忌廉湯和飯，飽到白熊話要散下步先返酒店
我的チーズINハンバーグ&海老フライ 838円，鐵板芝士漢堡扒拼炸蝦天婦買，個芝士漢堡好好味，而啲蝦又鮮甜又彈牙，好味呀！
沒有留言 :
張貼留言