chris 的小小世界: 07年東京箱根8天自由遊 Day 6

第六天

日期：2007年11月23日（星期五）
行程：箱根 → 新宿 → 秋葉原 → 上野 → 新宿
住宿：新宿アーバンホテル

　　今日天未光，早上四點幾就俾白豬噪醒，佢話日出呀，叫我影相，於是 set 好腳架影日出，但係今朝個天好多雲，淨係睇到天邊有條紅線而已，影完就再瞓過。

　　早上 7 時再起身，梳洗完就到地庫食早餐，這裡的早餐是傳統的自助日式早餐，一 d 西式食品都沒有。就坐後，女侍應先給每人一條燒魚，然後出去取食物。那條燒魚係好好味架，但係就好多骨，我只係食了少少魚腩部份，但睇倒隔離枱一位日本太太，兩三下就食哂整條魚，真係佩服佩服！

　　食飽就返房整理好行李去 CheckOut ，然後就沿著昨天的路行番酒店巴士站。但一入到おかたホテル就暈，原來昨天由 8 樓乘扶手電梯到出口的路，只有上沒有落，攞著個 29 吋大喼點算，唯有兩個人一起做咕喱〒_〒。

　　辛辛苦苦才到達酒店大堂等巴士，這架酒店巴士是 16 座位，是沒有地方放置我的大喼，好彩我們是最後上車，司機叫我把大喼放在車門旁就 OK 。到達湯本駅後就去買浪漫列車回新宿的車票。售票處效率十分慢，足足等咗二十分鐘，買了 10:50 的特急券。今次係坐 50000形 VSE ，係最新的車種；車廂比昨天的較大，較舒服，影了一陣相，好快就開車到新宿。

　　約 12:20 到了新宿，跟住直接到今晚入住的酒店新宿アーバンホテル。這間酒店在新宿伊勢丹對面的，足足行了十五分鐘才到，辦好 CheckIn 手續及付了房租，就先到酒店附近的神社。因在去酒店途中經過神社，知道今日係有祭祠；神社十分熱鬧，有好多小販賣各式各樣的日式小食，但價錢八比飯店還貴。

早上四點一條光線的箱根

早上變了紅色的山坡

今朝的早餐

這是昨晚浸溫泉的湯の里

酒店的入口

門口有隻可愛的狗公仔守門口

回新宿的浪漫列車

最新的型號

坐位好寬闊，好舒服

黑白豬也要坐下

笑下喇

途中有個日本人告訴我看見富士山，快快影相先

肚仔餓，開餐喇

今晚入住的酒店新宿アーボンホテル

料金表

每次有人買祭品，全店的職員都會一齊叫的

這個是用來祈福的，好像我們的“花炮 ”

每間店鋪的祈福品都不同，全手製

製作中

所有祈福品中間都有個神像

連招財貓都有

拜神當然要求籤

神廟全景

神社附近的小檔攤

棋社 - 睇棋靈王動畫就睇得多

今日午餐 ─ 食麵

揀咗個有兩款食物的套餐

有炸豬扒飯及有湯麵，黑白豬都夠飽

又估迷語，這是甚麼？
是停車收費機，俾了錢會出張飛，把飛放在車頭就可以

百果園的士多啤利，因唔係好合時，所以比較貴

有好多款可以選擇

揀了想食很久的蜜瓜，好甜，不過就熟過頭

　　行完後就去秋葉原，秋葉原每逢假日，條街中央通り會封，改為行人專用區；去到當然到相機鋪睇下最新款的數碼相機喇，玩了一陣，行了一陣，可能過了五天的行程，個人已經十分疲倦，不想行，於是就坐車到上野打算買些手信。約 4 點半到了上野，可能因為是假期，上野十分多人，提不起興趣，所以行了一陣就返新宿。

　　在新宿沒有均一價百零円的迴轉寿司，今餐晚餐在新宿南口的三葉迴轉寿司食，之前食過西口的三葉，不太好食，而且又唔夠新鮮（因為做定好多，有些放了很久已經乾哂）。在書中、論壇都說南口的會好食一些，但係都係好失望，佢地的寿司唔係手握寿司，係好像香港，預早做定飯團（唔知係唔係機做的），而上面的魚生只係放在上面而已，一挾就散，都係不太好食，兩個人只係食了十碟就走，今晚又要食杯麵了。

由新宿坐中央總武線好快就到秋葉原