chris 的小小世界: 07年東京箱根8天自由遊 Day 2

第二天

日期：2007年11月19日（星期一）
行程：酒店 → 潢濱中華街 → 麵包超人館 → 日本丸帆船
　　　→ Bayside Outlet → 池袋
住宿：池袋劇場

　　今日 7 點就起身，梳洗後就到酒店的飯堂食早餐（套票包兩天早餐），這間酒店的早餐大多都是傳統的日式食物，口味對於我們來說就不太合胃口，只食了些少就上路。

　　全日的行程是去橫濱，覺得唔係太凍，所以無帶手套出去，點知去到橫濱就有難。到了JR池袋駅，上到月台，這個月台有幾條路線，經過一番研究後，才知道所乘搭的
「JR新宿湘南線」剛走了一班車，要等多二十分鐘才有下班車，而在等候的時間內，就有三班車停這個月台，如果預先不弄清楚的話，分分鐘真的會坐錯車。

　　上了車後，約三十分鐘就到了橫濱駅，時間都不是太耐。落了車後就轉車，行去みなとみらい線（港未來線）買了兩張 450 円的一日PASS ，跟著就坐車到橫濱中華街。一出車站就發覺這裡比池袋凍好多，得 8、9 度，頂唔順，於是立即去到便利店暖下個人，同埋買手套及暖包，做足保暖裝備。

套票包的日式自助早餐

原來這間酒店有洗衣機的，有得洗衫喇

走廊設有個人清潔用品賣，無帶都唔怕

池袋東口入口的貓頭鷹石像

到喇～到了橫濱喇

黑白豬第一時間買了みなとみらい線一日Pass

這條線只得 6 個站，而且仲可以直到渋谷添

天氣真的好凍，到便利店買手套及暖包暖下先

　　這個中華街不是太大，行一陣就行完，對於我這個中國人來說就不是太感興趣；在這裡有間媽祖廟，但是出面的門口牌樓卻寫住“ 天后廟 ”，怪怪的。仲有一個有趣事，就是間間商店都有好多熊貓產品賣，原來熊貓係日本人心目中是“ 中華 ”的象徵。

　　因為買了一日 PASS ，所以就決定在下一個站日本大通り駅行下，那裡是橫濱以前開始通商時外國人的洋行大樓，落車第一眼就看到好多樹葉都變了黃色，但係就睇唔到紅葉，有些失望。不過，今日只是第二日，仲有好多時間，繼續努力。
到咗元町中華街駅

這個車站的大堂有幅好大的壁畫

中華街的入口，有個好大的牌坊

原來橫濱中華街只得幾條街咁細

有好多旗袍賣

橫濱大世界

原來燒賣係日本係好出名

這裡有間媽祖廟

但係個門口的牌樓卻寫住天后宮，奇怪

熊貓館呀，原來係賣熊貓精品

這裡好早就有聖誕氣氛

這條線係可以直到渋谷的

每個車站都有壁畫，這個站就有浮雕畫

在日本大通り有好多樹的樹葉都轉了色

馬路兩旁大樹全都轉了黃色，美嗎？

這個郵局好大呀！

好有特色的郵筒

橫濱市開港紀念會館，好有古典氣色

　　影完相之後，就到今日的重點行程『麵包超人館』。據資料，在新高島駅落車行 7 分鐘就到，在車站就已經有個大大個的麵包超人，同埋好清楚寫住點行去，只得日文，但係唔識都可以睇漢字都明白佢寫乜。不過實際上行了成十分幾鐘才見到麵包超人館，日本人寫的路程時間唔多可靠，佢地應該係用競步時間計算，大家應該將佢的時間乘二就差唔多。

　　原本打算入博物館行吓，但係在門口看見全部都係二至五歲的小朋友，這樣咪同那些細的小朋友一齊玩，都係唔入去喇！於是到了隔離的商店行，買了些電話繩，同埋到此必定買的飯糰及麵包做午餐，味道都唔錯。

去麵包超人館就在這個站落車

大家估下係乜，原來是在車站月台俾人坐的椅，設計好時尚

出閘前就見到這個麵包超人喇，上面寫住點行去

行到好累，終於到了麵包超人館

麵包超人館的地圖，這裡其實係好細

首先同下果沾叔叔影下相先

仲有細菌小子

一家人齊齊影下相啦

地下都有佢地的畫

全部人物都有齊

展覽館的入口，入場費每位1000円

去商店的路一行入去，就見到這幅畫得好靚的畫，好立體

仲有個大大的毛公仔俾人影下相添

就嚟聖誕，麵包超人都換咗衫

在付款的櫃台有個靚靚的麵包超人燈

餐廳內的定食，得幾塊麵包就多謝800円

有好多不同的湯，但係唔知係 D 乜

間間食店都好多人，偏偏這間就拍烏蠅，點解？
原來這間係賣凍果汁，天氣咁凍，邊有人幫親

我就到這間飯團店買午餐

今日的午餐，佢仲有豆奶送添

只是在紫菜上有個樣的飯團

飯做的芝士漢堡包，幾好味架

中間的空地有個玩樂設施，唔知佢哋|“莊”乜野？

麵包工場

可以睇到個麵包師傅做麵包

各款麵包的陳列品

做好的麵包，個樣有 d 走樣

今日所買的小食

好可愛旳垃圾回收桶

連廁所都有佢地的畫

　　行完之後，打算行去日本丸帆船，在途中發現一間非常之大的超市，好像國內的家樂福那般，有幾層樓，單單行了地下果層就差不多用了大半個鐘，買了些東西後就繼續行程。到了日本丸後，覺得並沒有甚麼特別，影了相後就到下一個行程 Bayside Outlet 。在桜木町駅坐車，在新木衫轉車在鳥浜落車，行幾分鐘就到。落咗車後就看到指示牌，但係上到天橋就發覺迷失了方向，行錯了路，好彩發覺得早，找到了正確方向後就繼續行程。

　　到了 Outlet 時第一睇就看見停車場有一排排的紅葉，好美呀！第一步就行到停車場影番夠本先。入到 Outlet 後發覺那些衣服並不是那麼平宜，只買了條牛仔褲及 T 恤，有些失望。坐番車返到去日本丸那處影夜景。依個時候的東京 4、5 點就天黑，影完夜景都祇是 6、7 點。行去車站，坐番車返池袋食晚餐。今晚的晚餐又是昨天到過的若貴，這次兩個人就食了二十多碟，成績唔錯，飽飽。

途中見到好型的電單車，朦面超人嚟喇