第 七 天
日期：2009年1月29日(星期四 大年初四 密雲)
行程：酒店 → 三鷹の森ジブリ美術館 → 吉祥寺 → 下北沢
→ 新宿
住宿：新宿アーバンホテル
今天不用坐長程車了，所以瞓到八點才起床，在酒店房間食過昨天在士多啤利園買的果醬夾麵包後就出發。今天第一個要到的地方是『三鷹の森ジブリ美術館』，昨晚在 Lawson便利店買了今天的門券，在日本買的門券是有入場時間限制的，美術館每天分四場開放10:00、12:00、14:00及16:00。我哋買的是早上十點門券，先去新宿JR駅乘中央線到三鷹駅，車費 210円。
約 09:45 到了三鷹駅，有點擔心會遲到入唔到場。出了車站後有清楚指示牌指示點去美術館的接送巴士站駅；去到巴士站時已經有好多人排緊隊，行到車站時見一齊落電車的人唔係走去排巴士條龍，而係排咗係一部機的龍尾，原來果部係龍貓巴士售票機，所以我哋都排埋一份，在排隊時看到部機有些怪，點解搵唔到單程車票的制呢？排到我前面的台灣人，她買了票才看到原來部機祇是售來回票300円，單程是可以上車比現金 200円，不用買票。我哋只是打算坐一程車，所以即刻掉頭排番等巴士條龍，但是那時已經多了好多人排隊，要第二班巴士才可以上車。
上了龍貓巴士後行了幾分鐘就到，其實在三鷹駅行去都只係十分鐘，有時間可以當散步。落車後就行去美術館入口排隊，檢查入場券後就給我哋正式的菲林門券，跟住就好有秩序地一個跟住一個咁行去睇展品，個個都好守規矩。
美術館分三層及天台，主要是展出動畫製作原理及很多手縞，睇到果d手縞畫得很靚，由於館內是不准影相的，所以只可以睇，無得影留念；而天台就放置了天空之城的機械人及石頭，這裡就任影。在館內有間迷你影院，放映沒出街的動畫片，未出發之前在網上看過是會放映崖上的波兒，點知去到後才知已經轉畫了，做小狗koro，這套動畫很好看，很感人，不知正式的電影版幾時上畫呢？
不知不覺已經十二點多了，原來是沒有清場的，幾點走都可以，行完美術館就去吉祥寺。在美術館行去只是十多分鐘，之前睇過別人的遊記，說可以穿過井の頭思賜公園，但是在看過公園的地圖後，決定沿車路行去吉祥寺比較穩陣，而且又不是遠很多。於是出了美術館後轉右行，行了幾分鐘後再轉右一直行就到吉祥寺駅，唔會迷路。
今日轉吓口味，食士多啤利醬搽麵包、綠茶做早餐
今朝暖番好多，有8度，係香港如果同人講8度好暖實俾人話係傻
在新宿坐中央線或總武線都可以去到三鷹駅
個龍貓巴士站已經有好多人排緊隊
明明係呢度寫住係賣來回票喇，點解當時睇唔到呢！
排緊隊時睇見部機係無單程制，仲係度排隊，真笨
龍貓巴士嚟喇
要上車喇，急急的影下個巴士站牌
去到美術館已經 10:07，遲了少少
在入口處排隊檢查張票
排隊期間影下美術館外貌
館內不准食煙、飲食、用手機同影相
查完票就會每人發出一張菲林門券
真係菲林嚟架
行完就上天台影相，係上面影番落嚟
不斷有人入場，原來張飛的入場時間不是那麼嚴格，早少少遲少少也可以
天空之城的機械人呀，真係好高，有兩層樓咁高
另一邊有這舊石，唔記得叫乜野
飲水機，好有機械Feel
這個就是美術館內的出口，出了就唔可以再入番嚟
二樓有幾間食店，真係可以係度玩成日
行完就出發去吉祥寺先，係美術館前面有張地圖教你點行去吉祥寺
臨走影多張相先，係出口可以影到個機械人
在美術館的龍貓巴士站
又有謎語估，駐輪場係停乜野呢？查字典先知原來係停單車的停車場
小狗koro呀，這隻小狗好可愛呀
龍貓售票處，唔該兩張呀～
三鷹街道
行了幾分鐘後就見到這路牌
這裡有去美術館的指示牌，應該有多人都會行去的
地上有好多花的圖案
行到吉祥寺駅後已經差不多下午一點，肚仔已經好餓，於是行去想食好耐的 Satou松阪和牛鐵板燒，這間鐵板燒坐位只得十幾個，去到時滿座，不過等咗十分鐘就有位，而且在等位期間待應已經幫我地落定Order，一坐低就有得食。
我們點的是午市套餐，雖然只是千円的套餐，但是那些和牛一樣很嫩滑。食飽飽後就走去排隊買免治和牛炸球，去到時已經有成四、五十人排緊隊，因為是即炸即賣的，所以也排了半個鐘才輪到我。買了五個熱辣辣的牛肉球後，忍不住坐响路旁的長椅即刻食，剛食完午餐，而家又食牛肉球，真係飽到唔識行。
今日食午餐的 Satou
這間是正宗的日式鐵板燒
先嚟兩碟醬
坐低無耐就有得食
好嫩滑的牛扒
條樓梯真係好斜，落去時要好小心
樓下是間賣松阪牛的店舖
有好多人排隊買牛肉球呀，白豬，快d去排隊呀
呢度仲有好多其他炸物賣，不過唔使排隊
排到咁上下就會有人派這張咭(籌)，五個 700円
即炸即賣，個個都好熱辣辣
終於買到喇
買五個平少少，當然梗係買五個喇
一啖咬落去d肉汁即刻流晒出嚟，真係好好味，不過就要小心，真係好鬼熱，小心辣親
牛肉店附近一間雜貨店，原來二月三日係日本的鬼節
睇到幾平的湯粉，買嚟番香港整味噌湯
日本的電話店真得通街都係，而且係好平，有d仲唔使錢添
吉祥寺駅附近的商店行，裡面有好多間藥房，真係好鬼平架
在吉祥寺行下散下步幫助消化，這裡的藥房有好多特價品，比新宿的平很多，入了貨後就向下北沢出發。由吉祥寺去乘京王井の線 130 円，下北沢是一個很有平民區的感覺，賣的主要都是年青人時裝，對我嚟講唔係太啱行，行了一陣已經天黑就回程。
在下北沢乘小田原線就可以直到新宿，十分方便。到了新宿，由於食牛肉球食得太飽，仲未好肚餓，於是行下百貨公司，約六點半才去食晚飯。今餐貪方便又去金太郎食魚生飯，今次覺得d魚生飯好鮮味。食飽後約七點多就返酒店了。
入住的酒店在大堂咖啡角是有免費咖啡供應的，但是這幾日都無機會飲，攞鎖匙時順便問吓可唔可以攞返間房飲，職員答覆是可以的，於是走去部咖啡機度，點知得部機，唔見咗個壺，但好像又沒有人理會我哋，唯有搭lift返房。點知，在房間休息咗一陣，接待處的其中一個男職員竟然親自拿了兩杯咖啡上嚟俾我哋，真的有點感動。雖然咖啡不是太合口味，但卻感到很溫馨。飲過了咖啡，梳洗後就上床休息。
井の頭線月台
係月台的電車班次顯示版，去下北沢坐唔坐急行都是一樣的
下北沢一番街
這支奶茶好香好濃，香港都有得買$14.X，在日本只是賣98円
咖啡店，本來都想買番d，但係就揀唔啱
有得試飲，哇～好正
招財貓呀，好似想走路咁
京王百貨八樓做緊大特賣，有好多和服賣，仲有好多人係度試衫添，唔通就嚟有乜野節日
好靚的兒童和服
呢間係歌舞伎叮Told you 瘋介紹的炸豬扒茶漬飯，不過無幫襯
今日的晚餐，今次揀咗樣樣有的魚生飯 680円一碗
酒店職員親自攞上嚟的咖啡，真係好感動
今日的收穫，總算似番去旅行喇，買咗唔少野
沒有留言 :
張貼留言