第 五 天
日期：2009年1月27日(星期二 大年初二 晴 )
行程：酒店 → 江の島 → 鐮倉 → 新宿
住宿：新宿アーバンホテル
今天又要早起，六時多就起床，由於今天是去『江の島』及『鐮倉』，要坐個幾鐘車才到，所以梳洗後就在酒店房間食咗早餐先。執好保暖行裝，早上八時就出發，先到『小田急旅遊服務中心』買『江之島鐮倉周遊票』，及查詢使用方法，這個中心是服務外國人為主的，所以有懂普通話及英語的工作人員，溝通不是問題。周遊票其實也可以在自助售票機購票，不過如果在中心購票，工作人員會給一張特急快速列車的時間表，睇住時間表，返新宿轉車就十分方便，記得攞喇。
去江之島可以加錢坐特急浪漫列車，不過就一個鐘只得一班車，而且坐急行列車也是慢十分鐘，所以我們選擇了坐急行列車，在藤澤駅轉車到片瀬江ノ島。
坐了個幾鐘，未夠十點就到了，這裡給我一樣好純樸的感覺，沒有高樓大廈，好有鄉村 Feel。出了車站過了江之島弁天橋就是江之島，行下行下周圍睇野時，在橋中間的右邊無意中竟然睇到富士山，好靚呀！雖然當中有些煙霞，但仍可以睇得很清楚。
小田急旅遊服務中心
車票和旅遊簡介單張
很重要的急行電車時間表
我哋搭快速急行的08:32去藤沢的列車，然後再轉車到瀬江ノ島駅
終於到片瀬江ノ島駅
因中國、韓國和台灣都放春節假期，日本四圍貼有歡迎字句
伸個頭入去扮吓野
好有龍宮 Feel 的車站，好有心思
好有特色的Locker，順便賣埋廣告添
蛋榚癮起，入去便利店睇下，發現有新野，梗係要試～超正
鐮倉街角
出了車站過了江之島弁天橋就係喇
遠望江之島，其實唔係好高同好細
橋雖然是新建的，但在兩旁種了有好多松樹
這裡有船可以去江之島東面的岩洞
搭船的售票處，仲未夠鐘開門
在橋上望見富士山呀！今日實行好運～
好靚呀！回程時已經看不到了，真係要睇你的彩數
本來我都是打算買套票的，但是在小田急服務中心取的旅遊單張內有扶手電梯及展望塔的 coupon，所以就去售票處問下，原本想問下套票有無得用，點知雞同鴨講下買了扶手電梯的優惠票，後來知道買套票是不可以用coupon，唯有上到山頂再算。
扶手電梯是分幾段的，到最後一段才會收票，每段中間都有座寺廟，其實山頂並不是好高，約十層樓高，好快就上到山頂，展望塔是在公園內，入場費是 500円，考慮過後覺得在山頂看風景也是一樣的，所以就沒有上展望塔，跟住就去食午餐，到了 Told you瘋介紹的食店『江之島亭』。
這間食店是『男人之苦』的拍攝場地，入到去揀了窗口位坐，這間食店有個無敵海景，可以慢慢欣賞；點野食時出了些問題，個manual只得日文，無圖畫的，真係老鼠拉龜，唔知點算，於是拿起個手機(我的手機有日文字典)，開始係到"查字典"，都幾搞笑！！後來被個年輕的伙計發現我們搞笑的行為，便示意我們到門口看住食物模型點菜，實在有點躊躇，不過最後都係走咗出門口手指指個d食物模型點咗個魚生飯同燒海螺，總算搞掂。
個魚生飯好好食，係日本食點都唔會太差，但係個燒海螺，可能是太有期望，之前Told You 瘋形容吃完好味到會"變身"，所以．．．。海螺沒有預期那麼鮮味，而且個汁好咸，不太合口胃。
橋邊兩座好有特色的建築物，右邊的是一間酒店
成條街都是買手信的店鋪
青銅の鳥居
原來這裡有間民宿
各種賣手信的店舖，這間賣魚仔乾及蝦乾
炸白飯魚球
日式和菓子
燒螺肉模型
你睇姨姨著得幾有傳統日本婦女feel
幫佢抺下身先，睇個樣好好味咁喎～
燒好喇！睇落去熱辣辣！點知.... 原來祇係暖暖地～
著名的八爪魚片，可惜睇唔到佢被"壓扁"的過程
脆卜卜的八爪魚片，我食喇！
如果唔坐扶手電梯的話，就要係度行梯樓上山頂
扶手電梯售票處
割引券310円，平咗40円
上完第一段扶手電梯後，一出就見到這個白龍王
這個白龍王不是泰國果個，這個是洗錢龍王，洗完錢就會人靚d，健康d，好運d
就在這條溪洗錢喇
一場嚟到當然都要洗下喇，要中六合彩呀～
廟寺必有的洗手處
仲有圖教人點樣洗手添
乜東東？原來是用來消災的
跟住幅圖咁行就可以保平安
這裡除了白龍王之外，仲有另一座寺廟
行完就跟住去坐另一段扶手電梯
出了電梯又見到有間寺廟
手印，睇下係邊個先
原來這裡睇鐮倉好靚
終於上到山頂喇，想上塔睇風景又要買飛
展望灯台
唔上灯台就繼續行程，這條路上有好多間食店選擇
今餐就在這間江之島亭食
哇，好大隻碟呀
全日文的 Manual，真係考起
這間食店有個無敵大海景
好辛苦點完菜後就可以慢慢欣賞下這美麗的風景
d 野食嚟喇，碗魚生飯睇落己經覺得好好食
期待好耐的燒海螺
食飽飽後欣賞風景時看到這隻雀仔
乜雀就唔知，只係知佢剛剛捉到條魚係度慢慢食緊
好大把的扇呀
江之電電車同都電荒川線電車差不多，都是在路上行的有軌電車；第一站是去睇露天青銅大佛，在長谷駅落車。由長谷駅行十幾分鐘就到，途中經過長谷寺，這間寺內有全球最大的木綢觀音像，不過因太累及間寺在山上的關係，只好放棄無入去睇。
在長谷寺再行多幾分鐘就到大佛，大佛是在高德寺內的，買了入場券 200円就入場，寺內可以說是除了大佛外就沒有甚麼了，影完相行個圈就行晒。
回程時睇到這個警告牌，小心鳶（鷹）呀！
在便利店內的郵筒，佢識笑架！好易睇錯以為係垃圾筒
唔知邊個有心人，驚d雀仔凍親，幫佢哋織d冷衫同冷帽仔
又有紀念印吸，好彩有帶本白簿姐
100円的江之電紀念銅牌
一共有三款，我就揀了這款
江之電車站，係咪好有鄉村Feel
去大佛係長谷駅落車
這裡全是兩三層高的樓房
去大佛途中會經過長谷寺
原來個間寺廟是在山頂，太累了，唔上去喇
係門口影下相就算
三個小金魚燈籠，好可愛呀！
江之電電話繩
這間老店四葩是賣有香味的吸油紙，買來做手信一流
薰衣草味吸油紙
玫瑰味吸油紙
另外一些是有圖案，好可愛的貓貓圖案
在門口有兩個用吸油紙摺的龍貓公仔，好有心思
在去大佛路上有間專賣貓貓物品的店舖，這幾隻招財貓好搞鬼
貓貓咭，畫得很美
鐮倉巴士，唔知會去邊度呢
高德寺，個入口係無人查飛架
高德院案內及入場券
大佛呀
原來真係好大個架
好大對草鞋，唔知係唔係俾大佛著呢？
紫心番薯炸物，100円
同幅圖一樣架，好好食呀～
約 15:30 行番車站坐江之電到鐮倉駅，今次的目的地是鶴岡八幡宮，出了鐮倉駅後看過地圖就出發，但是忘記了分別方向，竟然行了另一面，幸好行了幾分鐘就發覺唔多妥，而且日本通街都有地圖，再看清楚後好快就找到正確的路線去八幅宮。
八幡宮前有條幾長既商店街，其實嚟鐮倉主要都係嚟呢條商店街行下。這條商店街原來真的好長，而且又有好多好有特色的小店，真的好值得行，掛住行街街忘了時間，去到八幡宮已經 16:30 了，有點擔心間廟又會關門，幸好原來只是個辦事處關了，可以入去間廟睇。
鐮倉駅內也有番薯餅，真係邊度都有得賣番薯
江之電車站內的地圖，教人點去八幅宮，但係就忘了分別方向而行錯路
雪榚店的紙公仔
天氣凍，揸電單車時隻手都要保暖
有頂的電單車，下雨揸車都唔驚會變落湯雞
江之電鐮倉駅
真係好多地方都會有的人力車
幸好日本好多地方都有地圖，行錯路都無有怕
行咗咁耐有d肚仔餓，去了麥記買漢堡包食，日本麥記d包好食在新鮮，夠軟滑
八幡宮商店街
裡面有好多特色小店
宮崎駿專門店
超人嚟喇
貓貓袋店，呢幾個好紅色幾靚
呢隻貓好鬼惡
貼手機貼紙，真係又靚又多款
麵包超人櫈，坐低休息下先
過年時玩的羽拍
立體畫，隻雁真係好似係度飛緊
好多豬呀，乜日本人好鍾意豬咩
一套日本演奏公仔，仲有人唱歌添
終於行到八幅宮，好遠就見到這個咁大的鳥居
八幡宮係坐山上，又要行樓梯呀，白豬努力呀
咦～這裡都有自動求籤機
好大幅酒牆，這些酒是用來祈福的
八點鐘才返到新宿，已經好肚餓，今餐選了間烏冬，這間店是用自助售票機的，這售票機對我這個識半桶水日文的人來說很方便，只要選好食物後，按制付錢就可以，唔怕唔識點野食。食飽飯後就返酒店，今日真係行了好多路，要早d上床休息。
回程才看到的隧道，八幡宮是在江之電駅的另一邊，要穿過車站才可以去到江之島駅
哇，原來已經五點喇，要回程返新宿喇
到咗藤沢駅，搵下邊個月台返新宿先
今日食晚餐的地方，富士そば
很方便的自助售票機
付款後就會出這兩張食券
有得食喇，咖哩豬扒飯及牛肉烏冬，我唔客氣喇
在酒店附近買了宵夜及早餐，今日的戰利品差不多都是便利店買的，圖中左上角第二樽的士多啤利奶十分好飲，值得推介
沒有留言 :
張貼留言