11年 北潭涌郊遊樂

日期 : 2011 年 3 月 26 日 (星期六、天晴)

　　今早計劃去郊遊，選了到西貢，主要是到北潭涌上窰民俗文物館和附近的郊遊徑。早上十一點半乘小巴到西貢墟，我哋先到天后廟，然後在西貢墟附近行下，原來我們沒有到過西貢墟裡面的街道，今次是第一次，行行下見到間舊式粥店，店門口有位嬸嬸在即整布拉腸，即做的腸粉已經很久沒食過了，於是今餐午餐就在這間粥店食，不知是不是太晏的關係，油器全都賣完，所以祇點了兩碗粥、腸粉和牛腸，味道都唔錯。

　　食飽後就到海鮮街和碼頭行下，然後到巴士總站乘 94號巴士到北潭涌，13:30到達巴士站，剛好送車尾，要等多半個鐘頭才有第二班車，都怪我沒有留意巴士開出的時間是00和30。

西貢新村的牌坊


位於普通街的天后古廟和協天宮，被列為三級歷史建築


天后廟前面兩邊的巨型石鯉魚


石欄柵上的石獅子


據說已有百多年的歷史，曾於1965年及1993年重修

牌匾上面的八仙陶瓷畫，啲公仔係立體架


屋脊上有好多石灣陶瓷公仔～龍宮


王母娘娘的居所～瑤池

香爐，上面刻有「風調雨順‧國泰民安」八字


「協天宮」又稱「關帝古廟」

福祿壽


在協天宮上面有另一個王母娘娘的居所～瑤池

汾陽王郭子儀


嚟咗呢間係條橫街入面的金山粥店食午餐，店前果位嬸嬸係度即造布拉腸


我哋點了及第粥$16和艇仔粥$14

大蝦米腸$9，好抵食


牛腸$12，呢餐食咗$51，街坊價錢，街坊風味

食完行出條巷時見到呢隻靚波斯貓

仲有呢隻，佢好鬼嗲架！我影影下相時佢主動走埋嚟要我幫佢抓癢，我當然唔可以抗靚女的要求喇，靚女舒唔舒服呀！


小店賣好多陶泥公仔


幾有係外國既感覺


在間五金鋪前面見到泥鯭籠，已經好耐無見過了


位於西貢海傍街的海鮮街

海面停泊了好多遊艇


西貢海濱公園有地質文化展覽

　　等到14:00才乘94號巴士，在上窰站落車後沿巴士站的指示牌方向行，過了對面馬路行一陣就見到上窰村和北潭涌自然教徑的路牌，轉入路口後行十幾分鐘就到上窰民俗文物館。文物館原址是一條建於19世紀末原籍廣東寶安縣黃草嶺黃氏族人的客家村落～上窰村。1981年，上窰村同鄰近嘅一座灰窰被列為法定古蹟，1984年復修後改做民俗文物館。

　　行完文物館後就繼續行程，向前行兩、三分鐘就見到上窰家樂徑的上山路口，我們沿家樂徑行，約半個鐘頭行到大網仔路的出口，跟住轉左，沿馬路邊行人路行返去落車的地方，在對面的巴士站乘車返西貢墟，然後再轉乘小巴回家。

到了上窰站，巴士站旁有指示牌


係呢個路口行入去


呢條小路係北潭涌涌自然教育徑和上窰家樂徑


教育徑會經過一條河，香港已經好少見到咁靚的河了，我哋係呢度見到好三對新人係度影緊婚紗相


條路好平坦，好易行


途經大王爺的神座


河的對面係保良局北潭涌渡假營


今日有好多人入營，在河上有好多人係度玩緊水上單車


灰窰遺址～是昔日村民用以生產石灰的工具


涼亭，係度休息下欣賞一下咁靚嘅風景


廢置的碼頭是昔日的交通樞紐，係度釣下魚都幾正喎，不過唔知有無魚呢？


遠眺渡假營


西頁海


鞍形山，個山頂好似馬鞍


上窰民俗文物館，入門先經更樓，設計是有防盜和防洪的功能

傳統客家村屋的建築，住屋前是寛敝的「曬棚」用以曬晾穀物、乘涼和舉行宴會


共有四間居室，第一間變成文物館的辦公室，這是第二間


門口旁的狗窿


有「窗花」的窗


客廳有木方枱、長條凳、衣櫃、雞塒和香案

仲有入牆櫃和酒瓶


廚房用具～石磨、酒酲、水缸和「激死蟻」

腳踏碓～是用來去掉米皮的工具

蒸具


第三間居室


屋頂有個窿讓陽光可以走入屋

上面是閣樓，下面是農具用品

最埋既係風櫃，中間係米缸和馬桶，最右的是礱（穀磨）

呢邊仲有耕種的農具


上面是閣樓，下面現在是展覽廳

上窰民俗文物館的全景模型

風櫃～把曬乾的穀粒倒進風櫃，轉動扇輪，利用風力，把實穀與秕穀、草等雜物搧分開來


最埋的一間居室


樓上閣樓是睡房


下面是木方枱和長條凳

隔離是廚房，傳統客家的蒸具和爐灶

入口的更樓有成六米高

見到有個砵頭埋咗係地下

正門下有五個正方形的窿，應該係放門柵的


離開民俗館後繼續向前行，係呢個路口轉左是上窰家樂徑


初段都有幾多樓梯，行得有啲辛苦


行行下係左邊有條分叉路，呢條路係行去萬宜水庫


我哋嘅目的地係大網仔路，繼續向上行，離目的地仲有 1.75公里


仲有 0.75公里咋，就快到喇


條路講真都幾爛，要小心啲行


落埋呢條長樓梯就到出口


條樓梯凹凹凸凸，好難行


到出口喇，向下行返去巴士站乘巴士返西貢