原來香港有好多地方是沒有去過，真是一名港燦，一於坐言起行，在假期多點行下我哋的家鄉～香港。
今日的目的地是坪洲及長洲，早上九點出發，先乘地鐵到中環落車，出閘後行幾分鐘就到港外線碼，剛好趕到十點班船，去坪洲的船分普通船 $11.30 及高速船 $22.20 兩種，今次我是乘普通船，其實高速船只是快十幾分鐘，但係船費就足足貴了一倍。
約 10:45 就到坪洲，落船後覺得坪洲十分寧靜，因島上沒有車的原因，空氣十分清新，感覺成個人輕鬆晒。坪洲其實是好細，可以行的地方不多，不用一個鐘就行完，跟住返回碼頭乘橫水渡到長洲。
約 12 點半到長洲，一出碼頭就覺得好多人，完全沒有漁村的感覺，到處都是海鮮酒家、食店、手信店和渡假屋接待處等等，好不熱鬧，真是不折不扣的旅遊區。我哋先到金冠酒樓飲茶，那裡的食品一般，沒有甚麼驚喜，食飽後就開始行長洲，行了一個鐘後就坐船返中環。
新的天星碼頭，原來已經搬了係港外線碼頭隔離
在六號碼頭乘船到坪洲
香港海景，真的好靚
坐了四十幾分鐘船後，見到坪洲喇
坪洲碼頭
落了船後見到這個歡迎石牌
地圖，出發前睇下有乜野行先
由於島上是沒有汽車，所以這裡的人是用單車代步
碼頭附近有間超市，買野都好方便
仲有間大酒樓，碼頭附近係旺 d
行行下見到這間小食店
見口渴，買了杯黑豆漿飲，好濃豆味，正～
剛剛遇到孟蘭勝會節慶
設置了神像給人供奉
用完即拆的化寶爐，設計簡單好用
島上有好清楚的指示牌
行下見到隻快艇，陸上行舟？
有條龍舟放咗係路邊
已經過端午節，龍舟無人理
坪洲戲院，已經荒廢了很久
好大隻衛星天線，雖然係小小的漁村，一樣與時並進
行行下行咗去龍母廟
天后廟前面就係東灣，個沙灘泊滿小艇，無人游水，真係好可惜
行完坪洲本來打算坐船去長洲，見有些肚餓，於是係之前買豆漿的小食店食些小食
去長洲的橫水渡，往來梅窩、長洲及芝麻灣
開船喇，臨離開同坪洲影張相留念先
白豬，小心跳板呀
船內的救生衣放在船的中間，堆到成座山咁高
途中見到好多船隻，這隻好似係拖網漁船
水警輪呀，在海上風馳，好威風
坐一陣船就到長洲
上岸第一件事就係睇地圖
好肚餓呀，今日就係呢間酒樓飲茶
點了好普通的四籠點心，沒有甚麼驚喜
食飽後先行碼頭附近，那裡有好多露天食店
工人好努力上落貨，努力加油呀，長洲就靠你地
海邊泊滿了小艇，但係好似唔覺有漁船喎，乜長洲唔係漁村咩
行完碼頭後就去咗北帝廟，前面的球場就係每年舉行的太平清醮搶包山活動
屋頂上好對龍之外，仲有好多塗瓷公仔
跟住行去東灣，途中見到長洲街坊會
行到東灣，這個沙灘好靚，而且好多人係度游水，同坪洲的東灣真係分別好大
在沙灘附近有間渡假村，真的係渡假的好地方
回程時見到這間手工藝品店，裡面的物品好有特色
呢度的屋都好有特色，唔知有幾多年歷史
行完長洲就坐呢隻船返中環
