第 五 天
日期：2008年6月7日 （星期日 陰天）
行程：酒店 → 關西機場 → 香港
住宿：香港五星級的家
今天要十一時半到到機場 CheckIn，所以起床食完早餐．辦妥酒店 CheckOut後就起程到機場，由酒店去南海難波只須行十分鐘，但是要拖住個咁重的 29吋的大喼就有點困難，所以決定坐地鉄去南海難波，因大部份地鉄是要行樓梯的，所以早幾日已經找了有升降機的路線，如果唔係就行去好過。
原來由地鉄難波行去南海難波是要五分鐘的，好彩沿路都是平路，不太困難。去機場是要乘南海空港急行 890円，但是買了車票，入了閘後才知列車剛剛開出了，又要等二十分鐘才有下一班車；由於有了經驗，於是改乘二分鐘後開出的名古屋特急列車，打算在佐泉野轉車。
我是坐在車尾最後的坐位，可以看到車尾的職員，在幾個站後聽得那位職員不停說空港空港．．．（くうこう…），唔知點解，到站後見到對面月台有部列車停在月台，當時還慒然不知。開車後個職員好細心地走出來問我是否去機場，怕我唔識轉車，我指一指路線圖上的佐泉野，他即明白我是在佐泉野才轉車的，哦～原來剛才的列車也可以轉空港急行的。到了佐泉野後落車時當然要向那位細心的職員躹個躬多謝喇。
在佐泉野等車時才留意到我們追到上一班的空港急行，特急原來真的是快過急行好多的。等了兩三分鐘剛才那部空港急行就到，上車後不用五分鐘就到關西機場。關西機場的國際線是在四樓的，上到出境大堂找到了印航的櫃台後才知CheckIn時間是每班機起飛的兩小時三十分前才開始，但是我們十一時已經到了機場，於是呆等到11時半才開始辦手續check in 及放低行李。
無咗個大喼，成身鬆晒，又去行下睇下野，日本的機場會有一個怪現象，就是供日本人用的那部分是比較多商店的食店的。關西機場主要的商店及食店也一樣是在三樓的國內線那層，所以就乘扶手電梯落一層Shopping。
買完野後（當然無買和菓子喇，留番過咗關係免稅店才買）就過海關，可能還好早，所以並不多人，好快就過了安全檢查。臨上機前要去買和菓子做手信，但原來免稅店大部份都是賣煙酒及化妝品，只得好少和菓子賣，揀了幾款就算，坐了無人列車到登機閘口，等到夠鐘就上機番返香港了。
又係一樣的早餐
去機場的車票
佐泉野站有部列車係度等轉車
空港急行就到喇
這部空港急行車尾是位女職員
在機場商店的可愛招財貓，不同顏色代表求不同的事情
今次是坐 AI 315班機
好得意的公仔
機場手推車停放處
吸煙間，日本有很多地方不准吸煙
我們所乘的飛機
因是轉機，所以一到就有大批工作人員上機
飛機餐，唔好期望太大
就o黎到香港喇
臨降落的一刻
架飛機泊番個靚位先
手信～除和菓子外，仲買咗好好食的博多拉麵
在京都買的招財貓
這些招財貓是在機場買的
仲買咗隻招財青蛙添，好可愛
我就買咗這個光動招財貓
第 四 天
日期：2008年6月7日 （星期六 陰天）
行程：酒店 → 京都 → 金閣寺 → 清水寺 → 千日前 → 酒店
住宿：難波華盛頓酒店
今日一早七時半就要起床 ， 快手快腳食完個早餐就出發 。 去京都要在 『梅田』 或 『新大阪』 轉車 ， 再乘 JR 京都線 （東海道本線） 新快速野洲 540円 ， 用日本電車轉乘搜索網站 （Ekikara、Ekitan） 查過 ， 『梅田』 要行五分鐘才可以轉車 ， 而 『新大阪』 轉車雖然要貴 30円，但不用行咁耐，所以決定在『新大阪』轉車。
八時五十分已到了 『新大阪』 ， 落車出閘後才發現原來 『新大阪』 是十分大 ， 跟著指示牌行了成十分鐘有多才可以到 JR 車站 ， 在途中發現 JR 新幹線去東京也是在這裡轉車，睇指示牌時要分外留心，唔係好易會去咗新幹線車站。
購了車票後第一件事就是要睇清楚在幾號月台上車 ，落到月台後三四分鐘就有車 ， 上了車 25 分鐘就到京都 ， 原來是那麼近 。 落車後在車站出閘口竟然又看到有車站紀念印，當然唔會錯過喇，狂印了十多張才收手，出閘後又是一個新挑戰。
到京都第一件事是要先到 「觀光案內所」 ， 購買 「京都巴士一日PASS」 500円 。 出閘後要好小心睇清楚車站地圖 ， 原來去案內所是要搭左邊的扶手電梯到二樓 ， 過幾間店鋪就到 ， 購買 PASS 時會附送觀光巴士路線圖 ， 有日版及英文版兩種 ， 車站全部都是用漢字的，用日文版會比較方便。
都是一樣的早餐
搭 JR 要識睇這個顯示板
西 JR 的紀念印
JR 京都駅出閘大堂
車站內的京都散策，教你點樣散步遊京都
二樓的觀光案內所
英文及日本版的巴士觀光路線圖
巴士一日PASS 500円
買了PASS後出到車站就是巴士總站 ， 去 「金閣寺」 是要坐 101 號巴士或 205 號巴士 ， 但是不知在那裡上車 ， 隨意行到一條龍頭看看 ， 點知睇見有架 101 號巴士上緊人 ， 真是好彩 ， 在車中間的車門上車 ， 不用先付款 ， 落車才要俾錢 。 架巴士行一陣又停一陣才行 ， 尤其是在紅緑燈前，後來發現原來巴士是"停車熄匙"，好環保呀！
就咁上下停下 ， 差不多要五十分鐘才到 ， 真的好耐 。 睇地圖旅遊書話在金閣寺前下車 ， 點知在金閣寺道就差不多落晒人 ， 於是我們也跟著一齊落車 ， 落車時出示張 PASS 就可以 ， 第一次用的話 ， 司機會將 PASS 入機印日期 ， 之後再搭車就不用 ， 司機祇是睇睇就得。
落車後就睇到有指示牌去 「金閣寺」 ， 原來在金閣寺道行幾分鐘就到 「金閣寺」 ， 真係唔知信唔信地圖同旅遊書好 ！ 入寺前要買票的 ， 多謝 400円 ， 入場票原來是一度符 ， 好得意 ， 又多件手信 。 遊 「金閣寺」 是跟著一條路行的 ， 行到尾就是出口 ， 一定不會錯過景點 。 一入寺廟後第一個地方就是 「金閣寺」 ， 「金閣寺」是建在湖中，遠看很美的。不過金閣寺內是不能用腳架的，所以唔可以影雙人相。
去金閣寺的 101 號巴士
要落車就按鐘一次，同香港的一樣
車內有顯示下一站的顯示板
車外的景色，京都的大廈唔係好高
剛剛有個氫氣飛船經過
垃圾筒，記得要分類
跟著路牌行三四分鐘就到
在入口前有幅好大的金閣寺地圖
金閣寺入口
金閣寺的符入場券
好靚的金閣寺
有倒影的金閣寺仲靚
行到路線的最後是一間不動明堂 ， 供奉的是日本的神明 ～ 不動明王 （日本卡通時常都出現的） ， 所謂入廟拜神 ， 作番個福先 ， 這裡同奈良的 「興福寺」 一樣 ， 是用寫著祈福字句的臘蠋就得 ， 好簡單 。 祈完福後當然要求番支籤 ， 求籤都是自助的 ， 入 100円 就會出一張籤 ， 求完籤後才發現原來有中文 、 英文的籤 ， 我那張是日文 ， 只知是吉籤。
湖中小島
陸舟の松
金閣寺的後面
湖中養有錦鯉
有瀑布的鯉魚石
神像，據說將硬幣投入中間的碗就有好運
白蛇の塜
寫上不同祈福字句的臘燭
用手撥 d 煙落身會身體健康
種火？原來是點臘燭的地方
有野要許願的話，可以買個牌寫，然後掛係度
不動明堂
買咗這兩支臘燭
點好臘燭，放好佢，保祐心想事成，身體健康
自動求籤機
日文的籤
金閣寺附近的松樹，造型好特別
求完籤後就離開 「金閣去」 ， 在寺前個公園休息及食些小食 ， 買了雪榚及小丸子 ， 味道唔錯 ， 尤其是雪榚 ， 是北海道的 ， 又滑又奶味足 ， 好食 。 休息完就要到下一站 ， 睇地圖是先乘 101 號巴士或 204 號巴士到 北大路バスターミナル， 跟著轉 206 號巴士到「清水寺」。
在落巴士的車站上了 204 號巴士 ， 行行下睇見前面有部 206 巴士 ， 落車後打算行少少就可以上那部 206 號巴士 ， 點知原來巴士站是分開上車及落車的地方 ， 要行了一段路才可以到上車的位置 ， 好彩很快行到 （應該是跑到） 上車點 ， 那部 206 號巴士剛到上緊人，終於追到，好野！
我們在清水道下車 ， 沿松原通上 ， 沿途比較靜 ， 行到手信街時真係嚇一跳 ， 人山人海 ， 好似假日旺角咁多人 ， 入到 「清水寺」 ， 到處都是人 ， 要慢慢睇也不可以 ， 只能略略行下影下相就走 ， 當然要買番個平安符喇 ， 最緊要身體健康 ， 財源廣進^0^。
哇～好多野食呀，流晒口水
小食，原來糯米丸子是好好食的
這架巴士的顯示板大好多，清楚好多
路邊的小屋，好有京都 Feel
清水寺附近地圖，你估下係乜野掛住幅地圖
原來是自動販賣機上的地圖，好細心呀
遊清水寺另一體驗～坐人力車
上清水寺途中的一棵古松樹
途經一間人手造的竹製品
好Q的風車仔
掛住隻木kat的耳採
各款日式茶杯
好多人呀，越接近清水寺就越多人
軟雪榚
有PDA免費借用，有不同的語言講解提供
剛剛遇到泰國的 ISUZU觀光團
仁王門，後面就是清水寺入口
過咗仁王門後仲要上埋這條樓梯先到
在清水寺門前影下相先
成個清水寺有好多地藏菩薩，這個是見到的第一個
清水寺三重塔
在入口旁邊買入場券，記得要排隊呀
入場費大人每位 300円
入場券是以三重塔做圖案的
寺內好古老的吊燈，我諗應該是古董
唔記得這裡供奉的是乜野神
空中樓閣，全靠這些木條頂住
成間清水寺都是建在木架上，似唔似大澳的棚屋
下面就是羽音の滝，好長龍呀！
地主神社，清水寺出名的緣石就在裡面
四位好kawai的日本少女
在這裡可以看到京都全景，睇唔睇到京都塔呀～
大殿
好特別的扶手
寺院側邊的小神社
永代常及燈
順路是羽音の滝及出口
路邊剛好遇到盛花的繡球花
d繡球花好靚呀
清水寺全景
地藏菩薩
途中的一角
又遇到地藏菩薩
羽音の滝，好多人掛住影相，搞咗好耐先到下一位，所以要排好耐隊
音羽地蔵尊者
好大塊阿三流鳥之碑
日式的茶寮
京都限定的 Hello Kitty
各款的貓貓
日本女兒節公仔
連貓貓都有份
京都出名手信～即做的八つ橋
今日第二杯軟雪榚，不過就同金閣寺那處差好遠，金閣寺的好味得多
行完後已經四五點了 ， 仍未食午餐 ， 好肚餓 ， 下次再遊京都一定要帶飯盒 。 原計畫是行 「河原町」 及 「錦市場」 ， 但因已經太晏 ， 故決定回程返大阪 ， 坐番巴士到 『京都駅』 ， 在電車站前看到有手塚治蟲博物館的廣告牌 ， 所以就順便行埋 。 這個博物館是在京都劇場隔離 ， 講真無乜好睇 ， 得幾個大公仔同精品店 ， 行唔夠五分鐘就行完 ， 之後乘JR京都線返梅田 。 放工時間日本的電車真係好多人 ， 全程都係企 ， 好彩唔係要企好耐 ， 23 分鐘就到，跟著轉地鉄返酒店。
京都的士，好彩的話會遇到四葉草的士
京都警車
遠處是郵局
返到 JR京都駅喇
原來巴士站也有"巴士一日PASS"賣，不過就無路線圖
早上看不到，原來是有寫住去清水寺在那兒搭巴士
手塚治虫博物館在京都車駅旁
博物館就在京都劇場大堂
藍寶石王子呀
小飛俠
白獅金巴
手塚治虫生平簡介
大合照
換完行裝後就行千日前及道具屋筋 ， 不過都是醫肚先 ， 今次食燒八爪魚丸 （たこ燒） ， 在千日前有兩檔賣燒八爪魚丸的店鋪 ， 但是就一間排長龍 ， 一間無乜人幫親，當然去多人排果檔喇 ， 400円 8 粒 ， 兩個人食就剛剛好 。 食完後打算行道具屋筋 ， 但忘記星期六 、 日是唔開的 ， 只好行下街街 Shopping 。 在千日前搵到一間藥房 ， d 貨品比心齋橋的還要平 ， 又是大出血時間，下次買野時記得先去這間的藥房入貨。
行完又係食晚飯時間 ， 本來想去松屋食牛肉飯 ， 但是就找不到 ， 只好去吉野家 。 點了牛肉飯及豚肉飯 ， 味道一般 ， 無松屋的咁好食 ， 而且選擇又少 ， 下次都是去松屋食好了 。 食飽就返酒店休息 ， 明天又是要一早起床 ， 因為要十一點到機場 Checkin ，所以要早點訓。
排長龍的燒八爪魚丸店
做咗咁多都做唔切，非常好生意
美味的八爪魚丸
好得意的老虎仔
唔用得的得意郵筒
路邊賣即做的多拉A夢人形燒
商店街路上都是以貓做圖案
路邊遊戲機中心
晚餐，吉野家的牛肉飯
今日得好少戰利品
