chris 的小小世界: 5月 2011

日期 : 2011 年 5 月 10 日 (星期二、天晴)

　　今年有五萬五千人到長洲參與太平清醮，我們是當中的兩個。前一晚已執好行裝，今天一早便出門乘港鐵到中環，再步行到港外線碼頭，到達碼頭時約08:25，來之前看過長洲航班時間表，知道00和30都會有船，祇是一班是普通船，一班是高速船，碼頭不是有很多人，於是加快腳步趕搭08:30航班，這班是普通船，載客量比較多，不過都差不多客滿。但為疏導人潮，今日船公司加開了很多班次，不怕搭不到船。

　　經過50分鐘船程便抵達長洲，雖然時間尚早，但大街小巷都有很多人。由於沒有吃早餐，到達後第一件事就是到麥當當買脆香素菇包，這食店因應長洲打醮齋戒習俗而推出的素包，是全港獨有的，我們當然要試下。由於餐廳實在太細和太多人，我們買了外買，然後邊行邊吃。穿過大街小巷，來到北帝廟，廟內已開始舞獅拜神活動，廟前有大大小小的包山，長洲的居民在這裏祈福拜神。在這裏逗留了一會，再到小巷中穿插，途中見到有些地方架有鐵欄，還有些地方擺放了很多「吉櫈」，行了一會我們明白了，原來有鐵欄或吉櫈的地方是下午二時開始飄色巡遊的途經路線，吉櫈是街坊用來霸位看巡遊。我們漫無目的地四處逛，到了十二時左右，遊人開始越來越多，天氣亦越來越熱，今日最高氣溫有32.9度，真是好熱呀！於是我們四處找尋「雅座」，希望可以休息一下，好彩找了不久便找到一個不錯的地方。我們張開私家櫈仔，一面休息一面等待看巡遊。

　　14:20第一隊巡遊隊終於來到我們這裏，我們開始忙碌地拍攝。我們所在的位置對面來了個TVB的攝影師哥哥，本來他打算在對面的三樓拍攝巡遊，不過開始不久可能覺得地下位置較佳，他就走到地下拍攝，幸好他在我們的對面，好多時巡遊隊伍見到他都會停下腳步給他拍攝，讓我們也可以把握時機拍照。巡遊在四時便結束，去埋洗手間便搭船回程，不過隊尾排到過了北帝廟的球場，幸好不斷有加班船，最終搭到五點的船，差不多六點抵達中環，然後乘巴士回家去。

去長洲睇飄色巡遊的行裝，行程最緊要的是帽、扇子和櫈仔

港外線碼頭，時間尚早，唔係好多人

長洲渡輪碼頭，右邊係快船，左邊係慢船

今日天晴，天氣好好，個天好藍呀，係香港真係好耐無見

同船有好多位記者同行．船上放滿了大大細細的攝影器材

就到喇，遠遠見到三座大包山

我哋乘的船，成艘船可載過千人

長洲街頭上有好多牌坊

全港獨有的脆香素菇飽

今日的早餐

個飽都幾好味，原來裡面有好多饀

食飽四圍行下，路邊有好多小販賣各種平安包紀念品，平安包咕o臣

抹電話面的平安包匙扣

平安包環保袋

好多平安包啊

在北社街路邊店鋪前賣的中國粵劇人偶

太平清醮指定製造平安包的包店之一～康蘭餅店，因早前接獲食環署的勸告，不可以在店外蒸包和打印，今年產量減少，今日正日更加改在下午四時飄色巡遊完結後才開始賣包，早上門外有各大傳媒在店前採訪

啲包係預先做定的，見到有工作人員係工場推出一盆盆的包運去店鋪

另一間今日仲唔開門添，無得買平安包返屋企添

北帝廟前搭了棚，建了臨時戲棚

好多包山呀，呢啲包打醮完後明天早上會免費派俾人，攞番屋企保平安

啲包上面蓋咗唔同嘅印架

呢啲係北社

潮州會館

啲三個大包山上面就係平安包喇

旁邊放了幾座細包山

上面的都係平安二字

係船上見到的就呢三座包山

在足球場的大包山，上面的包全部都係仿真包，晚上舉行的搶包山就係爬呢座包山

臨時搭建的廟宇，有好多人係度拜神

另一邊的廟宇

係北帝廟旁搭了個神壇，好多人係度拜神

好多大香呀，仲高過隔離的伯伯

上面掛了好多塔香，真係香火鼎盛

玄天上帝的神鑾座駕，各神鑾就係坐係

天后娘娘神鑾座駕

呢度仲有四部座駕，各神鑾就係坐係座駕度巡遊

戲棚內舞貔貅，佢唔係係度表演，係拜神先啱

拜完神，再到廟宇和包山拜下，之後就行咗出大街

記者攝影區，佢哋就好喇，唔使同人迫

北社街街口有好多小販

當然唔少得賣風車的小販喇

伯伯賣的寶蓮燈

呢度係巡遊起點，路的兩旁已然放滿了鐵馬，路邊已經有人擺放了櫈嚟霸位

中興街的白獅和紅獅

妹妹好乖咁坐係度俾人同佢扮靚，好靚女喎

呢兩位小朋友應各龍友的要求，擺出各種格鬥的 Post俾佢哋影相

旁邊的工作人員係度努力同飄色道具做最後工作準備

原來小朋友的鞋同條褲要預先安裝係支架度的

大小貔貅，大貔貅條眉好粗，好man呀

行行下見到間酒樓係門前賣平安包

啲包係即蒸即賣的，好新鮮架

每個只係 $7.00，本來想買番啲嚟食下，點知......

排晒長龍，條龍有成過百人，真係好誇張，都係算喇

諗住行去永泰食下魚蛋喇，原來佢哋真既無得賣，只係得炸薯蛋，一樣有好多人排隊買

每串有五粒，多謝$10

買了一串嚟食，味道只係一般，麥記的薯條仲好味

東堤路的店鋪賣的平安包，有埋個蒸籠，好有特色，不過唔食得架，唔好放入口呀！

呢度有平安包仔賣，不過無人排隊喎

包山仔，唔知係唔係賣呢

好肚餓呀，見到有真正魚蛋賣，當然要買嚟食下喇

要了串沙嗲魚蛋 $8，一串得兩粒

天氣好熱，買支冰極生果串涼下先

未夠鐘睇巡遊，四圍行下，長洲戲院，古蹟辦現正評級中，不過裡面由於日久失修已經倒塌

亞視新聞正在採訪

在街市旁有好多櫈仔係度霸位

啡白熊係大新海旁路都霸咗個靚位，其實可以唔使咁早霸位，不過就要企係度等睇巡遊，早啲霸定位就可以舒舒服服咁睇巡遊

轉彎條路好闊

係路旁有個地方用竹棚搭了個觀看席，原來每隊巡遊隊伍會係呢度表演的，呢度係整個巡遊的最佳觀賞位置

無食午餐，有啲肚餓，買唔到平安包，於是買咗兩個菠蘿包頂下肚，兩個都祇係$6，好抵食

下午一點多見到新興街巡遊隊出發到北帝廟

「財來自有方」飄色，中午時陽光很猛烈，啲父母用遮同啲小朋友遮太陽

「女拳」飄色～莫桂蘭，要頒個全場最佳post獎比呢位靚女妹妺

警察用了膠帶欄住，我哋就係坐正係條膠帶前面

警察叔叔已經用膠帶欄好兩邊路，巡遊就嚟開始喇

TVB的攝影師係三樓拍攝巡遊

開始喇，由持旗手帶路，不過似由幾位警察叔叔帶頭多啲

先係各神鑾開始巡遊

巡遊開始不久，呢位攝影哥哥就落咗嚟係路邊繼續拍攝

舞貔貅，個樣真係好似怪獸

「一旨錯，滿城皆風雨」飄色，上面的兩位小朋友係代表議員和高官，一邊腳踏苦瓜、番薯、冷飯菜汁，而另一邊就腳踏紅酒、魚翅、鮑魚的高官示貧富懸殊，不聽取民意，只顧享受

第二隊貔貅隊，個樣同之前的唔同

由小朋友組成的旗隊

舞麒麟

由小朋友舞的小麒麟

洪聖大王神鑾

西灣天后元君神鑾

中興街天后神鑾

南氹赤灣天后聖母神鑾

北社天后娘娘神鑾

觀音大仕神鑾

關公忠義亭的旗隊

關公忠義亭神鑾

玄天上帝神鑾

北社街坊會

好可愛的女孩子呀

「女拳」飄色，同之前果隊唔到

好可愛的莫桂蘭，不過就少了啲笑容

下面呢位小妹妹唔使企咁高

「雜技」

下面的小朋友要揸住啲雜耍道具，都好攰架

「珍妃」飄色，上面的係光緒皇

珍妃

「楊家將」

佢哋剛好停係我哋前面，可以慢慢影，天氣好熱，食番枝雪條涼下先

穆桂英本來無乜表情的，有雪條食成個開心晒

下面的楊宗保真係好熱呀！

睇下佢食雪條食得幾滋味

「王昭君」

「健康最重要」

「起錨」

「解渴誌」，賣下廣告先

之前見到的「財來自有慌」飄色，下面的煲呔曾，上面的就係財神，沿途小特首向途人派糖，諷刺曾特首係幕後指示財爺曾俊華「慌失失」胡亂派錢，施政失效

另一個「女拳」飄色

呢位莫桂蘭揮手一陣後就擺番個靚 Post

黃師傅就掛住打機

香港步操樂隊聯盟

「世界和平」

「盲搶鹽」，呢位小妹妹扮演日本防幅射人員的，但係好似唔多開心，行到我哋度時仲喊添

下面的就係環保人員，手執噴槍，向途人噴幅射降溫

「謹慎理財」

「全港體育盛事，你我齊參與」

踏單輪的小妹妹

下面是羽毛球球手

呢個小妹妹好鬼精靈，向兩邊的遊人擺晒 Post任影，要頒個最佳笑容獎比佢

少年醒獅隊，兩隻粉紅色的南獅好靚

好高呀，唔知呢位哥仔驚唔驚呢？

佢仲係枝柱上面採青添，勁！

古裝美女，因看不到個牌，所以唔知係乜野名堂

觀音下凡

舞大象呀，真係好有創意

金光閃閃的美女

「大石壓死蟹」飄色，上面的小朋友扮演環境局局長邱騰華，以「大石壓死蟹」姿態，壓在漁民扮相的小朋友頭上，嘲諷政府不理長洲市民的反對，計劃在相距不遠的石鼓洲興建焚化爐，要長洲居民日後天天吸廢氣

好可愛小女孩，坐係漁夫旁代表乜野呢？

石油汽樽人呀，島上的石油汽公司也來湊熱鬧

呢位小朋友舞得活龍活現，好過好多大人

小包山

最後的就係另一隊步操樂隊，巡遊在下午四時就完結

chris 的小小世界

2011年5月18日星期三

11年參觀『apm世界級創意高跟鞋藝術展』

11年長洲太平清醮

2011年5月18日 星期三

11年 參觀『apm世界級創意高跟鞋藝術展』

11年 長洲太平清醮

2011年5月18日星期三

11年參觀『apm世界級創意高跟鞋藝術展』

11年長洲太平清醮