第 五 天
日期：2007年2月21日(星期三、晴天)
行程：酒店 → 道具屋筋 → 黑門市場 → 心齋橋
→ Premium Outlets → 關西空港 → 香港
早上八時多才起床，梳洗後把行李寄存在酒店後，就在附近行下街，早上的大阪不是太多人，十分寧靜。我們先去道具屋筋行下，跟住就去隔離的黑門市場，在黑門市場當然要食好美味的吞拿魚刺身同海膽，食完個美味的早餐後，就去買士多啤利做手信，之前買嚟食過，十分鮮甜好味。
拎住大大盒的士多啤利就行返酒店，返酒店前在附近的はなまるうどん食午餐，食飽後就返酒店攞行李，之後就出發去機場。由心齋橋乘御堂筋線到難波，行去南海難波駅乘南海本線空港特急到機場。看過網上一些資料，知道到機場前一個站的りんくうタウン駅，新開了一間 Premium Outlets，所以安排了到機場前來這 Outlet行下，到了りんくうタウン駅後，把兩個大行李喼放在 Locker，原來大 Size 的 Locker 只得好少，我放的已是最後一個了，十分好彩。
由車站行去 Outlet 要幾分鐘路程，十分易搵，這個 Outlet 都幾大，有好多店鋪，行了三個鐘，吃埋下午茶餐，便回程去機場。到機場後辦妥手續，就過海關搭飛機返香港。
大阪市原來有好多日式房屋
好大隻八爪魚呀，一睇就知係食八爪魚的食店
咁啱有人係度拍野
極樂神社
道頓堀極樂商店街
早上的道頓堀
大阪出名的河豚料理
乜東東，成座都係食店餐廳
赤鬼章魚燒，都幾出名，但亦比較貴
蟹道樂
每朝有專車送貨
呢間的章魚燒都好多人食架
金龍拉麵
好特別的煙灰缸
自由神像呀，點解細咗咁多
道具屋筋
黑門市場有幾間賣河豚，這些要萬幾円一條，哇，好貴呀
今日的早餐，好豐富呀，海膽好鬼甜，唔知有無白飯呢
吞拿魚拖羅，好美味呀！
今次的手信
包得好好架
無甜味的豆漿
心齊橋附近的街道
好大隻怪獸呀，超人快 d 變身～
午餐，這份係咖哩飯配冷烏冬
這份係牛肉飯配熱烏冬
哈～藥房～達文西的搞鬼發明，防止打鼻鼾貼
りんくうタウン駅內的 Locker
去 Outlet 路上的水渠蓋
有好多樣
Premium Outlets
在這裡可以好清楚睇到機場
日本的膠涼鞋
在 Outlet 內有間高達玩模店，放置了好大隻紅色渣古
Outlet 內的食店，下午茶餐在呢間食
兩碗美味的拉麵
呢度都係要自己執碗的
係度等上機，好心急呀！
飛機餐
今日的收穫，成績唔錯
第 四 天
日期：2007年2月20日 (星期二、年初三、晴天)
行程：酒店 → 大阪城天守閣 → NHK電視大樓 → 松屋町
→ 通天閣 → Blossom Outlet → 道頓堀 → 酒店
住宿：Comfort Hotel
今天起床梳洗後就到食堂食早餐，約九點就出發，先在車站買ノーマイカーフリーチケット (不用私家車整天車票) 600円，這是可以一日任坐地鐵的車票，所以今天的行程會盡量去多一點地方。
今日的第一站是去參觀大阪城天守閣，先在心齋橋駅乘長堀鶴見緑地線到森ノ宮駅，一出閘就見到指示牌，跟住行上地面又見到好詳細的大阪城公園地圖，配套設施真係做得好好。
入到公園諗住好快就行到天守閣，點知原來大阪城公園係好大，行了差不多半個鐘才行到天守閣，由於今天要去好多地方，所以沒有入去參觀，在城樓前面影完相就繼續行程。
在公園的另一邊出口離開，行一陣就到 NHK 電視大樓，到這裡是打算到地下的紀念品店買手信，但係去到才知今天休息，幸好在大堂有個展覽，免費參觀以前一套電視劇的佈景。
ノーマイカーフリーチケット車票
車站月台有好清楚的路線圖，睇下要坐幾多個站先
一出閘就見到這個指示牌
在公園入口前有好詳細的地圖
一入左邊是遊客中心，裡面有大阪城公園的資料
好靚的噴泉，影下相先
乜連咁出名的大阪城公園都有露宿者，真係幾難睇
公園四周風景好靚
路邊欄杆上的雀仔，好可愛
見到喇～但係邊度係入口呀，睇地圖原來仲要行多十幾分鐘
終於行到天守閣的入口，今日都幾多人
觀光小火車，原來係公園入口可以坐這小火車去大阪城天守閣，早知唔使行得咁辛苦喇～
自動售票機，每位 200円
開始參觀天守閣，要過幾個城門先可以到城樓
剛剛有班幼稚園小朋友嚟參觀大阪城
個個都好乖，一個跟住一個行，有無留意這兩張相，會發覺有僧人企係度，成個大阪城我見到好多個僧人，唔知係度做乜野呢？
大阪城旁的西洋建築物
終於到咗大阪城天守閣喇
現時的天守閣是在 1931 年重建的
售票處，入場費每位 600円
入口
懶貓係度曬太陽，真係識嘆
連白鴿都識享受下溫暖的陽光
好多人係樹蔭下面坐下抖涼
天守閣前面的神社
著綠色衫的是導遊，他是當地人義務提供導遊服務，可惜我祇識d半桶水日文，所以唯有自己遊
臨走時在一個庭園見到這棵梅花開得好靚
大阪城的護城河
大阪歷史博物館
隔離就係 NHK 電視大樓
電視劇的佈景模型
舊日本房屋的佈景，做到好似真既一樣
日式庭園
給小朋友試下做播導員
大阪的巴士站
古墳時代的復完倉庫
公園內的水喉，上面的是可飲用的水，下面的是用嚟洗手洗野
行完電視台後就起程去松屋筋商店街睇日本人形公仔同花火，在谷町四丁目駅乘谷町線到谷町六丁目駅，然後轉乘長堀鶴見緑地線到松屋町駅，落車後就到松屋町筋行街，這裡有好多間店舖是賣日本人形公仔，手工十分精細，好靚架！在街頭有幾間是賣舊式玩具，見到好多細個時玩過的玩具。至於花火，即係煙花，日本是可以玩煙花的，但係唔知係邊度玩，所以都係得個睇字。
松屋町駅
在車站內的人形公仔廣告
松屋町筋路邊的公仔，好鬼Ｑ
這裡有好多這樣的人形公仔出售
公主與王子
這間有好多日本娃娃出售
武士的頭盔，八萬八円，都幾貴呀！
懷舊玩具店
靚靚的水鞋
睇完咁靚的人形公仔後，約一點半就去新世界的通天閣食午餐，先乘長堀鶴見緑地線到長堀橋駅，之後轉乘堺筋線到動物園前駅，出閘後去到 ジャンジャン横丁，這條橫丁仍保留著很多舊式的食店，幾十年來都沒有多大改變，最出名的是串かつ（串炸），是自己動手炸嚟食的，但是我選了一間好古舊的爐端燒店，這間食店是要對住個廚師的長枱坐的，十足睇電視內的情景。
在店前看餐牌時，想食多一點不同的食物，所以決定食放題，行入店內時剛好最後一位客人都走埋，咁全店就得我哋兩個人，嘻～包晒成個場添！坐低後才見到這間食店十分細，只有百多呎，坐位就只有六七個位，真的好細，說了要放題後就全部交給廚師決定餐單，佢燒乜野，我哋就食乜野，不知不覺下食了很多野，真係好飽，埋單時連飲野都係四千円，真的好抵！
食飽後就行去街尾的通天閣，先乘升降機到二樓，這裡是賣門票到五樓的展望台及出售紀念品的地方，因我沒打算到五樓睇風景，所以只在二樓看看及買了些手信就離開。
之後就到車站旁的 festivalgate（フェスティバルゲート）商場，睇旅遊書說這間商場有個室內最大的過山車，可是行到後發現這個商場水靜河飛（水淨鵝飛才正確），人都唔多個，成個商場就只有地下有一兩間商店有營業，至於部過山車，咁情況梗係無開喇，有些失望。
動物園前駅一出站就見到 festivalgate 商場
繼續行就見到 ジャンジャン橫丁
估唔到係呢個舊區都有愛情鎖的新玩意
這間食店前放咗 d 水魚俾人即揀即煑，好有香港 Feel
這裡有好多間串かつ食店，鍾意食炸野的就啱晒
好大個串かつ模型，串かつ即係一串串的肉加漿後炸
今日午餐食 BBQ
好特別的煙灰缸
開餐喇，全程都是由廚師燒，唔使自己郁手
連蘋果都可以燒架
佢話係用本地牛肉，仲特登係雪櫃攞包牛肉俾我睇添
這塊係乜呢？原來係牛舌，好彈牙好好食架
牛腸，之前仲食過牛心，現在先知日本人都食內臟
大阪神 ビリケンさん
通天閣，原來唔係好高
通天閣的入口，這裡是旅遊熱點，剛剛有個旅行團嚟到
得一部升降機上二樓，咁多人要排一陣隊先到我哋
紀念印呀，好彩有帶本簿嚟吸姐
記念牌
附近店舖，有個迷你通天閣
festivalgate商場內的垃圾箱
以前呢度應該都幾旺，有好多表演睇，不過而家.......
上面幾樓直情無晒人，應該呢度會結業
約四點就離開新世界，到下一站～Blossom Outlet，在動物園前駅乘堺筋線到長堀橋駅，然後轉乘長堀鶴見緑地線到鶴見緑地駅，出閘後行三分鐘就到，這個 Outlet 不是好大，但是找到合心水的衣服，行了兩個多鐘頭，約七點才回程返心齋橋。
到了心齋橋後，先返酒店放低今日的收穫，然後就出發到道頓堀食晚餐，今餐又去元祿寿司店食寿司，因想留番個肚食宵夜，所以唔係食得太飽，跟住在附近行一陣，就去夫婦善哉食紅豆沙，這間食店是在橫街內的，妙法寺的旁邊，唔係好難搵。
入到去後才知道這裡只有紅豆沙湯丸，只需對服務員講兩位，佢就知我地要兩碗紅豆沙。這裡的紅豆沙祇會裝半碗，不過都幾甜，半碗就啱啱好。食都好飽又好滿足，之後就返酒店，因明天就返香港，所以今晚執好行李後才上床休息。
鶴見緑地駅附近街道上好靚的水渠蓋
行三分鐘就到 Blossom Outlet
今日的晚餐，亦係在大阪最後一餐的寿司
道頓堀的店鋪前的大力士
原來道頓堀有間 100円店，入去最後衝刺
妙法寺
隔離的夫婦善哉
這裡只有紅豆沙加綠茶供應
今日的收穫，大部份都係 Outlet 買的
