行程：酒店 → 麥士威熟食中心 → 佛牙寺龍華院 → 酒店 → 樟宜機楊 → 香港
今朝瞓到10點先起身，今日要返香港，梳洗後執好行李到酒店大堂 CheckOut，在酒店寄存好行李，便出發行去麥士威熟食中心，天天海南雞飯食早午餐。麥士威離酒店不是太遠，不過天氣熱，行得有些少吃力。行咗十分鐘就到，麥士威熟食中心只有一層，十分通爽，不像芳林士是多層設計，有些焗。
幸好早來，天天海南雞飯不是有太多人排隊，很快就買到野，搵位坐低後去買飲品，雖然這裡有多間飲品店，但是大多都是用濃縮果汁開水，不是鮮榨果汁，最後還是揀了蔗汁。在新加坡四日，只有一餐買到鮮榨果汁，有點失望。
在座位附近有間賣花生紅豆湯的食店，見有不少人幫親，於是食完野就買了碗嚟試下。這碗甜湯不是太甜，唔錯，不過豆就少了一點，而白熊話甜品要試炸香蕉，品味真係有啲怪。離開前再去買出名的老伴豆花食，豆花很滑很好食，正～
離開酒店，途中見到有間大同餅家，不知同香港果間有無關係呢？
鋪面是舊式餅店，香港已經很少有了
