日期：2008年12月27日至28日(星期六－日）
費用：$798(連小費)
第 一 天
日期：2008年12月27日(星期六，陰天)
行程：香港 → 深圳 → 東部華橋城 → 東莞 → 酒店
住宿：東莞新都會酒店(四星級)
今天早上七時半在家附近集合，人齊開車時領隊的開場白都會問團友帶齊證件沒有，點知今次真的有人話帶漏了身份證。這次是街坊旅行團，大家都是住附近的，旅遊巴就掉頭送那團友回家找證件，可能太心急的關係，找了很久也找不到，我們就只好留低那對夫婦，大家就繼續行程。
就是這裡搞了一搞，比預定時間遲了很多，過了海關後已經九時多了。在皇崗轉了國內的旅遊巴後，就向東部華橋城出發，可能個領隊High得滯，沿途都同各團友交談說笑，到了鹽田港才記得給導遊介紹，很多要點都沒時間說就到了。東部華橋城是在大小梅沙，在鹽田港隔離。這裡另一小插曲是那找不到身份證的團友在我們途經沙田時，來電話說找回身份證了，於是領隊便教他們如何到東部華橋城。我們到了目的地後，那對夫婦已坐在門前的石櫈等我們了，他們在黃崗過關後坐的士竟然比我們還要快到，真利害（那位的士司機
），下次要去東部華橋城的話，可以由皇崗坐的士，車費不用一百蚊人仔。大家浩浩蕩蕩的行到大門口等買入場券，由於有部份團友是購買長者優惠票的關係，大家要等了半個鐘有多，真係企到腳仔軟。原來東部華橋城是要由大俠谷入的，不過大俠谷仍在建設中，無野睇，所以張入場券只是到茶溪谷的，入了場後要行約十至十五分鐘的上山路，好彩都唔係好難行，上到大瀑布後才知原來個大瀑布維修中，無水無野睇
。這兩天坐的旅遊車
東部華橋城大俠谷的入口
露天售票大堂
這裡好有聖誕氣氛
這架車是接預約有需要的人搭去茶溪谷
長假期的關係，入口排晒長龍
入場券，導遊千叮萬祝大家千萬不要跌咗張票，因回程返落嚟都要用佢，如果唔係就要補錢.....點解？遲d話你知
上大瀑布要行這條長梯才可以到，好長呀～～
行得咁辛苦，點知在大瀑布維修無得睇
休息一陣大家又要出發繼續行程，我們要坐車到吊車站，導遊安排大家坐小火車，這樣就可以一次過坐晒。架小火車行了兩三分鐘就到吊車站，那時已經有很多人排隊，跟著又要排隊等吊車，好彩都唔係等咗好耐就可以上吊車，在吊車上都幾驚，佢差不多垂直咁上，耳仔仲有些耳鳴添，可想而知架吊車上升速度都幾快。
到了山頂後，上登峰造極，行下個透明底的天橋，行到橋中心真係有些腳仔軟，都係行快兩步行過就算，唔係搞我，驚驚！
好靚的花牆，過了就係停車場
遠處有些好靚的屋
我們就是坐這架小火車上去吊車站
到喇，坐山好高呀
好多人已經係排緊隊，好彩都唔係等咗好耐姐
可以上吊車喇，架吊車好似昂平纜車
上到山頂是一個觀景台
望番落去，原來真係好高
這裡是高球場，要另外買票入的
遠處是華光寺，又係要另收費的，入場只係包茶溪谷咋
這是建在半空的觀景台，細膽d都唔係上去
行到最出的地方，地板全都是透明，我都有d 驚驚地
坐吊車上到觀景台後仲要轉旅遊巴士，真係複雜，唔怪得之之前睇其他人的遊記話一上一落都要用好多時間喇。轉了巴士終於到了今次行程的目的地～茶溪谷，講解了地方和宣布集合時間後，就開始自由活動。
咁靚的～你估係乜～洗手間是也，早知有咁大咁乾淨的洗手間，之前在山頂就唔使等咁耐喇
茶溪谷大門口，好有聖誕氣氛
這個就是茵特拉根火車站
去到時已經排晒長龍，你睇，真係好長龍架
唔等喇～於是就去行茵特拉根城影下相好過
茶溪谷地圖，原來都唔係好多地方行咋
好有歐洲街道Feel
茵特拉根城的觀光小火車，每位$20
路邊飯店，賣的是出名的中式食品～碟頭飯
餐牌，三十幾蚊一碟飯，唔算太貴
大劇院，每日都幾場表演，我地的行程沒有安排，無得睇
湖邊的景色好靚，連這對新人都嚟呢度影婚紗相
邊度有得食，d 鵝就會去邊度
個景真係好靚，不過如果住係酒店反而係睇唔到
點解？因為我地係影緊間酒店，係酒店望番過嚟咪無野睇
影完相就繼續行程，過了茵特拉根城後就係茶翁古鎮
係入口度有個好似係售票的屋仔，可能初初係要另外收費的
沿路地下都有這些牌，介紹中國各民族的茶品種
係邊個.... 死喇，唔記得添，不過好人都同佢合照
古鎮廣場
咁多人係度睇乜，原來係有變面表演
在廣場有好多關於茶的銅像
茶藝坊，入面有介紹茶葉的做法
好大個茶餅
這幾位女工係度揀茶葉
茶溪棧橋
繼續行應該係會到三洲茶園，不過唔想去，於是就過橋去濕地花園
在橋上也可以睇到茶田
過了橋行一段路過埋這條紅橋就是濕地花園
一去到原來是向日葵花田，不過唔啱時候，好多已經枯咗
隔離就是另一個花田，好有北海道花田感覺，好靚呀～
繼續行就係溫室～四季植物館
裡面有個彩蝶區，不過天氣太凍，無蝴蝶
蝴蝶標本就好多
個溫室有個好大隻的南瓜，成150KGS重
仲有好多小盆栽
花園內的大樹都劃上各種動物，這隻豬好Q
仲有長頸鹿
靚靚的蝴蝶椅
好大條魚呀
海邊有船仔坐
薰衣草田呀
到了另一個大花田
花鐘教堂，係花田山頂，行到索晒氣
在教堂睇華橋城，風景好靚
原來真係有個好大個的花鐘呀，行咁多路都藉得～
就夠鐘集合，先想起，係喎，成日無食過野，得過行字，好彩之前帶咗d麵包頂下肚姐，行完就幫親在這個茵特拉根市場內的KFC
未夠鐘集合，睇下人劃人像
好大杯雪糕，得個睇字，無食到，好後悔
無聊地等集合，好彩在人表演姐
16:30夠鐘人齊就出發去排隊坐巴士，坐巴士要查入場券，如果唔見咗就要補錢。以為咁早搭巴士無乜人喇，點知已經人山人海，等咗大半個鐘先有得坐，上到雲中部落後轉乘纜車，不用再轉幾次車了，落到山腳等齊人等出發，以為好快到停車場喇，點知由纜車站行了二十多分鐘才到，真係由天光行到天黑。
大家行了一天已經好肚餓了，好彩架車只係行了二十分鐘就到餐廳，大家食飽飽後就返酒店休息，今晚入住的是東莞新都會酒店。
大家排隊坐纜車落山
今晚食晚餐的餐廳～五谷芳乳鴿王
這間餐廳出名的乳鴿
美味豆腐煲
今晚住的新都會酒店
間房同張床都好大
沒有留言 :
張貼留言