第 二 天
日期：2008年11月16日(星期日) 晴
行程：清新新貌 → 太和眺望 → 北江遊船 → 深圳→ 桑果園
→香港
住宿：香港五星級的家
今日八點 Morning Call，梳洗後就到酒店的餐廳食自助早餐，這間酒店的食物水準只係一般，食飽後就返房休息同睇下電視。今天早上的行程是去行山睇風景，地點在酒店隔離座山，不過有部份團友不想去行山，所以會分兩隊，一隊跟導遊去行山，另一隊（即係我哋）可以係酒店自由活動，十一點一齊大堂集合上車。
夠鐘人齊就開車，第一站係去北江遊船河，行了幾十分鐘車就到，因在碼頭有好多小販，落車前導遊千叮萬祈唔好買野住，回程時才買都唔遲，嘻嘻！總有唔聽話的團友，但好彩都唔係阻好多時間姐，我哋同另一團包了一艘船，我哋坐下層，比較舒服無咁曬；今日午餐係船上食，開船後就開餐，d 餸味道唔錯，尤其係河鮮，好鮮味，一路食一路遊船河，好寫意呀～
行完飯架船剛好到了『飛來寺』，看到好多遊船都停泊在這裡，見其他遊客就落船遊飛來寺，但係我哋這團只係停一陣，跟住就離開碼頭，繼續行程，遊了一個圈後回程返碼頭，上到岸後 Shopping 時間，各團友買到不亦樂乎！
大家滿載而歸後就出發去深圳桑果園，今次可能好多團友都好有興趣買，個老師只是略略講下就可以落堂，咁快可以走真開心。各團友買完野後就出發去食飯，晚餐 d 餸我覺得比較濃，唔多啱口味，只係食咗少少就算，食飽後返香港了。因我哋坐的是直通巴士，架巴士會同我哋一齊過關，所以直入到黃崗口岸，一落車就可以過關，真係好方便，海關不是太多人，好快就可以過埋香港海關添，坐多大半個鐘就返到屋企了。
今日的早餐
到咗北江個碼頭喇～
落碼頭要落條好長的樓梯，條樓梯修到好靚
在船上食的河鮮
碟聖瓜好甜，好味
飛來寺，可惜無得落船參觀下
河上小艇的伯伯
遊完船河落上番碼頭，又係 Shopping時間
好多人幫親喎
晚上深圳的街頭
晚餐就在這間酒樓食
片皮鴨，好失望，唔脆淋晒
梅菜扣肉呀，d 梅菜好食過扣肉
今餐仲有乳鴿食添，好野味
沒有留言 :
張貼留言