第 三 天
日期：2008年6月6日 （星期五 陰天、間中有下雨）
行程：酒店 → 即食麵博物館 → 天保山 → Marker Outlet
→ 心齋橋 → 酒店
住宿：難波華盛頓酒店
今日原本打算去京都的，但因星期五大阪的一日PASS（ノーマイカーフリーチケット）只是 650円，平日則要 850円，所以將今日原本去京都改遊大阪（不過這是十分錯誤的決定，只是平 200円，但是星期六的京都真的超多人，得不償失）。
今天早上七時就起床，梳洗後就到一樓食早餐，快手快腳食完個早餐番房執野出發。第一站是即食麵博物館（インスタントラーメン発明記念館），先坐地鉄到『梅田』，轉乘「阪急宝塚本線急行宝塚方向」260円，在『池田』落車，這程電車PASS唔用得。落了車在大堂先看地圖，地圖下面有指示牌，跟著指示牌行三四分鐘就到，沿途的路邊種滿了各式各樣的花草，這市鎮好美！
今朝又是食昨天一樣的早餐
原來個自助早餐都幾貴～1200円
酒店大堂的有料電腦
CheckOut是用這部機計數，十分方便
為了這張「無私家車PASS」，今天決定遊大阪
阪急電車
落車後一定要睇的車站地圖
一出閘就會睇到這個指示牌
坐扶手電梯去一樓
行幾個街口就會見到這個最後的指示牌，轉右直去就到
途中看到一隻好可憐的小狗，因主人在超市買野,牠被綁在路邊等候
路上種滿了各式各樣的花
各家門前都是種滿花
行三四分鐘就到即食麵博物館
這位就是發明即食麵的安藤百福先生
即食麵博物館是免費入場的，左邊是售賣紀念品，右邊是展覽廳。個展覽廳的展品全都是日文，不過只是看展品也十分易明白。睇完 d 展品後就上二樓，二樓是要預約的手作體驗工房，因沒有預約（要用電話預約），所以只是行下睇下影下相，跟著就去 DIY 杯麵。
一入門口就見到這個模型
當年就是在這個廚房發明第一個即食麵
製麵機，好似而家香港的麵鋪都有這部機
封口機
杯麵所用的材料
好大個杯麵呀
販賣杯麵的流動店舖
杯麵都要上太空
一上二樓就見到這隻巨型的雞仔
手作體驗工房
各地不同的杯麵
不同年代所出產的各款即食麵及杯麵
左邊就是1958年第一代即食麵
DIY杯麵的步驟是：
1： 先到自動售賣機用 300円買個杯麵個杯；
2：清毒雙手；
3：在杯麵上畫自己喜歡的圖案；
4：交給工作人員；
5：取吹氣包裝袋；
6：職員會把吉杯放在麵餅上，跟著放麵餅，選湯料及材料（四種）後就包裝；
7：封口及包裝好後就會跌出o黎；
8：把杯麵放入吹氣包裝袋後就加氣；
9：完成，不過帶回香港要坐飛機，因氣壓問題，不要吹得太漲。
之前掛著買野無影相，所以由畫公仔開始
完成，靚唔靚呀^0^
跟著將杯麵交給這位靚女，佢會用噴槍清潔個杯
跟著就轉這個東東六下
d麵就會跌落個杯度
選材料後就封口，全部都是職員做，得個睇字
準備入熱爐
入咗熱爐後個膠袋就會收縮
焗完桑拿喇
放入吹氣袋前
將杯麵放入袋內後就泵氣
完成
天保山是一個好值得去的地方，有海遊館（像海洋公園內的海洋館，不過就大好多，品種多好多）、摩天輪（大観覧車）、觀光船（観光船サンタマリア）及一個三層高的商場（Marker Place)。如果有打算去海遊館，而又坐早機去大阪的話，可以在關西機場的南海線車站購 OSAKA海遊きっぷ南海版 2850円，由難波坐南海線及海遊館入場費已經 2890円，仲有包在大阪一日PASS，連去天保山及番酒店不用俾錢，如果夠時間及體力的話，極力推介。
由於上次已經遊玩海遊館，所以今次主要目的是行 Marker Place ，在 Marker Place的一樓有好出名的なにわ食いしんぼ横丁，整個橫丁是仿照昭和40年前後的時期建築的，內有不同的關西元祖老鋪食店，今日的午餐就在這裡食。
在車站入閘前看到美味的丸丸
以為係糯米滋
我選了紅豆丸子，原來係好好食架，又唔係太甜
食落先知原來是凍榚，不過都係好好食
阪急百貨內的花店，買了這盆石竹
另一盆石蒜
這盆菊都好靚，不過無買到
這裏都有些紫羅蘭，不過就比香港的靚好多
店鋪門前的青蛙好Q
天保山摩天輪
今日的目的地～Market Place
10円的紀念車票
古老電單車，轉下佢個油門仲有聲出
日劇時常出現的有料電話
157円的咖哩包
美味的雞翼餃子380円兩隻，將餃子釀入拆了骨的雞翼內，
第一次食，原來好好味架
各款布丁，買邊款好呢？
最後揀了這款咖啡布丁
食物模型，做到好真，睇見就想食
這個橫丁的名物，不過唔知係乜名
上到二樓第一眼就睇到這日本城堡
各款凱甲，應該都好古舊
忍者屋，估下邊個先係真人
無人幫親，個忍者扮死嚇人
這裡有得餵羊
100円一個扭蛋飼料
隻羊一見有人買飼料就金睛火眼
另外一隻就無你咁好氣繼續食草
好大隻龍貓呀
食飽行完 Marker Place後，就坐電車去Marker Outlet，去到 AIG商場時見到一間專賣招財招福的飾物，入到去看到招財貓好可愛，買少少就繼續行程，去到Marker Outlet後就覺到有些唔妥，人都唔多個，十室九吉，點似 Outlet呀？？？行晒成個 Outlet （有三層）都只是見到幾間店舖有開，大部份已經關門大吉。落番到地下大堂，發覺成個商場真係無乜人行，唔執就有鬼。
貓仔速遞，唔係用汽車，而係用單車的
貓仔速遞，唔係用汽車，而係用單車的
個Outlet是係這個商場
好古怪呀
招喜屋，專賣招福的飾物
IC咭貼紙，不過無 Hello Kitty
坐番中央線再轉堺筋線返酒店，換上簡單行裝再出發，今次的目的地是心齋穚的 Hello Kitty 專門店，想買 IC 咭貼紙，但是行埋廸士尼專門店也找不到，只好放棄。肚子已經十分餓，今晚打算食拉麵，揀了很久始終都是去番上次那間神座拉麵（神座ラーメン）。這店是自助購票的，買了票後就入店內自己搵位坐，之後就有人招呼你，等一陣就有得食。買票時才知道平日晚上八時半後（我估的，我買票時大約八時四十分），每碗拉麵平 100円，今餐兩碗美味的拉麵只是 1210円。飽飽後就返酒店休息，唔再行街街，因為明天要一早起床去京都。
今晚食晚餐的地方～神座拉麵
估下左邊四方是乜東東
好多食店都有的自動洗碗碟機
兩碗平咗200円的拉麵
入夜店舖關門後才擺檔的睇相算命
食埋昨天未食晒的士多啤利
今日的戰利品，唔係買咗好多野
沒有留言 :
張貼留言