chris 的小小世界: 08年大阪京都五天自由遊 Day 1

日期：2008年6月4日至6月8日
套票：康泰旅行社印航五天套票
酒店：難波華盛頓酒店
價格：HK$3899.00
雜費：HK$653.00

第一天

日期：2008年6月4日（星期三密雲、間中有雨）
行程：香港 → 關西機場 → 難波 → 黑門市場 → 天神橋
　　　→ 道頓堀 →酒店
酒店：難波華盛頓酒店

　　在網上看見康泰旅行社推出印航的大阪五天套票只是 $3399，所以打算在端午節假期去大阪旅行鬆一鬆。由於決定去旅行比較遲，所以只能訂到 6 月 4 日出發的套票，而且平的酒店已滿，只能訂到較貴的難波華盛頓酒店。

　　今日所乘的班機早上 08:05 AI 314，早上三時半就要起床。前一日個天仲下緊大雨，有些擔心早上仍然下雨，所以前一晚找定八折的士以防萬一。早上起床時天氣好好彩並沒有下雨，快手快腳梳洗後就拖著 29 吋大喼行去巴士站，今次是乘通宵機場巴士 N29，上了巴士後個天就開始下雨，真的 Lucky。　

　　辦好 CheckIn 手續後就過海關，今次是在33號閘口上機，唔使坐無人電車，在大家樂食飽早餐後就慢步行去。夠鐘上機喇，上到機先發覺原來架機係好細的，雖然個空姐安排咗個窗口位，但今次又係坐機翼位，都係睇唔到風景。

　　飛機飛咗差不多四個鐘先到，好似耐咗少少，去東京都得喇。落咗飛機坐無人電車去入境大堂，原來機細都有這樣好，人少好快就過完海關及攞行李。順便講下，今次過日本海關要打手指模，但是就開了比以前多一倍的櫃台，而且過程又簡單，有中文提示，完全無問題。

今日是乘印航 AI 314 班機去大阪

辦理 checkin 櫃台前有個印度美女紙板

在大家樂食早餐，次次都係得果幾款選擇

今次在 33號閘口上機

飛機到了，這班是轉機的，剛剛降落泊好位

不同部門的人處理飛機上落物料貨物

在閘口前有部好有型的電話

就o黎登機喇

好難食的飛機餐

另一款，應該唔係好難食，不過我暈機浪，無食到

去日本坐飛機時一定要做的，填寫出入鏡紙

兩隻熊仔幫我填寫 ^0^

唔吇以為機長出嚟派餐，其實係空中少爺

飛機外面，天氣都唔錯

見到陸地喇，就o黎降落喇

過咗海關後攞行李，機細人少的關係，好快就OK

　　由入境大堂坐扶手電梯到二樓，機場隔離就係南海線及ＪＲ線的車站。如果要去梅田就坐ＪＲ，我地是要去難波，所以就坐南海本線空港急行 890円，總站就是難波，一定唔會唔識落車。

　　買了車票後就落月台，剛剛有部電車準備開出，不過不是『急行』，所以唔想搭，但看清楚時間表後才知下班『急行』要等二十分鐘，所以就上了這架『普通』列車，然後就在「泉佐野」駅轉車。在泉佐野只是等了幾分鐘就有車，坐了四十幾分鐘車就到難波。

　　落車後出到地面，因轉錯方向，迷路了；好彩帶備地圖及指南針，好快就找到去酒店的路了。今次行程住的酒店是在道頓堀街尾，由難波車站行去要十幾分鐘。到了酒店，辦好 CheckIn 放低行李後，第一站就是去黑門市場了。不過就有些失望，可能已經太晏，無乜好野，而且魚生又好少，只買了生蝦食，點知超難食，買果時無留意，原來那盒蝦是由印度入口的，而且仲唔係用來生食，好彩無肚痛。

歡迎光臨關西

出租電話的櫃台

南海本線的售賣車票的大堂

好清楚的車資表

這裡有專售難波車票的售票機

去難波車費是 890 円

估下這部機是怎麼 ?

是六合彩票的選號碼機，六合彩在日本大熱，連機場車站都有得買

所有電車都會停泉佐野駅的

在泉佐野駅只等了幾分鐘就有另一部急行列車去難波

如想坐特急電車，可以補票買指定劵

車外的風景

這裡的過閘機比東京的要闊，29吋喼也無問題

無處不在的投注站

這個東西在花墟也有

好怪外形的大廈

看到這牌就知到返酒店的路了

終於到了酒店

今晚入住的是難波華盛頓酒店

這間酒店的雙人床房十分整潔

而且房間也不細

酒店房間是可以望到道頓堀

難波街頭，一位推著紙皮的伯伯，紙皮叠得好齊整

原來黑門市場街口有間寵物店

仲有彩鳳

好多哈母太郎呀～

黑門市場名物 - 豆乳，無加糖，好淡，但就好濃豆味

其他豆腐食品

黑門另一名物，海鮮天婦羅，雖然凍咗，但就好鮮味

在這裡有出名的北海道海膽

魚生呀，大意買錯咗

樣子好靚，但是一點味都沒有的，好彩無肚痛

　　搞到無晒胃口之後就到下一站「天神橋商店街」，由『日本橋』乘「堺筋線」在『南森町』落車。到這裡主要是買備長炭的，1Kg 都只是 1500円，好平，而且仲唔係度度有得買，買o黎做手信一流。到了天神橋後好快就搵到那間店鋪，其實這間店並不是賣手信的，而是賣雜貨食品的，所賣的備長炭是用來 BBQ 的，但是品質是十分好的，正宗紀州備長炭，只是外貎唔係好靚而已。由於要坐飛機番香港，所以唔可以買太長的備長炭，經過一輪的搜索，只找到六七條合適的，多謝 1900 円。

　　全日都無正式食過野，今日午餐就在這裡食，本來想去旅遊書介紹的 100円一碟的壽司，去到原來係好細間，仲唔係迴轉的，所以就去番上次食過好好味的まるまん寿司。今次食物水準一樣咁美味，食飽後就番酒店放底 d 炭，梳洗後就到道頓堀食晚餐，今餐在道頓堀出名的元祖元祿迴轉壽司食壽司，可能之前午餐食過美味的壽司，到這一間感覺同味道都好似無咁好食。食飽後行一陣番酒店休息。

就在這間雜貨鋪買備長炭