行程：酒店 → 東長寺 → 博多町家博物館 → 櫛田神社 → 端川商店街 → 天神區 → 午餐スシロー迴轉壽司福岡親富孝通り店 → 酒店 → 博多城 → 晚餐 → 酒店
今朝八時多起床梳洗，跟住到酒店大堂食早餐，不知是甚麼原因，我喜愛的麵包竟然沒有供應，唯好揀選其他食物。在食早餐期間，見到職員拿出一盆麵包，不過到我出去攞時只剩下幾個，原來今天有很多香港來的住客，他們的喜好跟我差不多，所以好快就無晒啲麵包。日本人早上多是食飯，很少人食麵包，相信麵包是為外國客人而提供。
食完早餐，返房執好行裝就出發遊博多。第一站係東長寺，由酒店行去只需十多分鐘，所以我和白熊決定漫步行去東長寺，途中遇上微微下雪。東長寺不是很大，周圍行下影下相，本來想用支自拍棒同白熊合照，但是天氣很凍，只得5度，凍到隻手硬晒，快快影幾張相就離開。
今日的早餐
幸好最後有麵包食，果占包，美味
行一陣就到東長寺
正門兩旁的石碑
福岡大佛，想參拜要留意一下時間
庭園
本堂
大銅鼎，點解無人點香嘅
本堂的走廊
石柱下有蓮花座
剛好是梅花盛開的季節，這棵梅花雖然很瘦削，但啲梅花一樣開得很靚
六角堂
很華麗的五重塔
這裡也有幾棵盛開的梅花
旁邊有另一座較細的神壇
這裡供奉聖天，十一面觀音和摩利支天
臨走時影下全景先
離開東長寺，出發到博多町家博物館，行程只需幾分鐘，不是很遠。11年來的時候沒有到過博物館參觀，今次有時間可以慢慢行；之後就去旁邊的櫛田神社，神社今日剛有法事，我和白熊逗留了一會才離開。
博多町家博物館
這個展館要收入場費，所以無入去參觀
另一個展館有手動織布機示範，免費架
內面有一部古老的織布機，睇電視就見到多，真的都是第一次
原來這部係甲卡提花織機，由法國人約瑟夫‧馬利‧甲卡（Joseph Marie Jacquard）於西元1804年在法國所發明的。這項發明是利用打孔卡片來控制經紗的上下開口，取代兩人操作之手工提花織機，織造出多種花色的布。
這位女師傅好專心織布，白熊，講野唔好咁大聲呀！
原來部機都幾大部喎！
打孔片用來控制經紗的上下開合，即是圖案的變化，哇！啲打孔片有好多窿，又有好多塊，圖案一定好複雜
部織布機有介紹，不過係日文，唔知寫乜
另一邊展館展出鎌倉時代的博多織
這邊是展出當時的起居室
櫛田神社
今日是平日，神社內不是有很多人
雲泉鶴的井戶，據說井內的泉水可以長生不老
大殿內有人在做法事
這位巫女正在跳緊「浦安之舞」，即係神樂舞
自助求籤機
好多籤掛係度！乜好多人抽到下下籤咩？
好大個山笠，山笠分為裝飾用色彩鮮艷的“飾山”和托著走的“抬山”兩種。這個咁大個咁靚，當然係飾山
我初初以為前後都是一樣，好彩白熊話俾我知原來前後是兩個唔到的山笠
過百年的夫婦銀杏樹，兩棵銀杏樹生在一起，分不開
我哋在另一個門口走，這些燈籠是寫上捐香油的公司名字
離開神社便是川端商店街，這條商店街沒有太大特色，之前來的時候也行過，所以行個圈就離開。本來想行下街尾的博多Riverain，但係入到去發現原來全是出售高檔次貨品，唔多適合我和白熊，不過商場內的洗手間就一流，幫親下都唔錯。
本來打算乘100円巴士到天神區，在巴士站附近見到有間超市，於是入去行下順便暖下個人。在超市內見到好多美味食物，又見到啲熱辣辣粟米湯，於是就買了一杯粟米湯和兩個窩夫食，天氣咁凍飲番碗熱湯成個人暖番晒，正～～
博多市內有100円巴士線，穿梭博多車站和天神區，分上行線和下行線，不論在那個站上車都是 100円，又平又方便，這兩天的行程就乘 100円巴士；不過要留意一下巴士站上有沒有 100円巴士的標誌，如果無就唔係這個巴士站，要留意呀！
100円巴士的班次很密，幾分鐘就有一班車，所以我哋食緊野時剛有巴士到站也不是問題，食完野再等幾分鐘就有下一班，好方便。到了天神區，先行去スシロー迴轉壽司食午餐，這間壽司店的壽司大部份都是 100円，原來這種百多円的壽司店在博多不是有很多，所以我就揀到這間天神區分店食。
雖然去到已經一點多，但是還有很多人在等候；攞了籌，要等咗差不多半個小時才到我哋，真係好生意。職員帶我哋去到後面的卡位坐，原來攞籌有分BAR枱和卡位兩種，由於盲中中又不熟日文，見其他人點按我就點按，最後選了卡位。雖然BAR枱是不用等咁耐，但我同白熊坐到卡位都幾舒服，真係錯有錯著。
川端善哉廣場，假日有紅豆湯丸食，不過今日係平日，無得食
廣場內有個好高好大的山笠，上面的公仔同上次嚟的唔到，應該係每年都會整過新的
牆上展出很多不同的浴衣款式
真係唔知麵包超人 アンパンマン 同商店街有乜野關係，係街上成日見到佢哋的跡影
細菌人 ばいきんまん
又見到麵包超人
真係好凍，見到有特價暖包，158円，真係好平喎！買番包先
博多リバレイン（博多Riverain）
在巴士站等巴士時見到這間超市，白熊，入去行下囉，好鬼凍呀！
好好味咁喎
買咗一杯和兩個窩夫食，窩夫就算凍咗都仲好脆，好好食
巴士站，有無留意玻璃上有張紅色的100円巴士標誌，我哋就係這個巴士站等巴士，日本的巴士站設施很齊全，除了有櫈給乘客坐之外，部份還有各路線巴士到站時間的
路線圖
雖然話全程都100円，上車應該不用攞整埋券，不過都係用張西瓜咭“嘟”下部機安全啲
落車先俾錢，我哋用咭，“嘟”下張咭就得，好方便
今日午餐係呢間スシロー迴轉壽司店食
未輪到可以洗下對手先
攞籌的電腦，唔係明晒上面寫啲乜
只知紅色的テーブル係枱，應該係卡位，另一個應該係BAR枱，無估錯掛
35號，原來係選了テーブル，仲揀錯咗一個人，差不多輪到才發現，嗱嗱淋同職員講，好彩～
等咗半個鐘先有位，坐低後俾呢架機吸引住，乜東東，原來係用嚟點食物
說明書，不過我哋初初無睇，亂按一通
點完野食，系統用不同的顏色來區分顧客的落單，我哋係草綠色
呢幾碟唔係我哋，繼續等下
芝士蛋榚呀，好好味咁喎，不過唔係我哋的，冇得食
終於嚟啦，這款用黑碟，180円，一碟得一件，真幾貴
都係食番啲平野好啲，三文魚，100円
鰻魚，好乾，味道只是一般
了解部機後就再點食物，蒸蛋，草綠色呀！係我哋架，快啲攞
熱辣辣，好味
天婦羅係新鮮炸的，好食
埋單按下部機右下角個制就得，好方便
食飽後行下百貨公司，行到三點多回程返酒店。今次又是乘100円巴士，返到酒店休息一下，六點多再出發去食晚餐。今餐係食白熊昨天想食的牛舌，落到去條食街不是有很多人，但是たんや一樣滿座，見到咁多人幫親，一定好好味啦。
等咗幾分鐘就有位，這間店除了日文餐牌外，還有中文英文，但是食物款式不是有很多種，最後點了咖哩牛舌和牛舌小麥山葯泥套餐。牛舌煮得很淋，幾好味，不過咖哩估唔到都幾辣，不像日式咖哩不辣和有些甜味食得有點辛苦。食飽後諗位行下超市，明明上次嚟係地下一樓有間超市，但係成個商場改裝後變咗商店，搵唔到，只好在附近行下就返酒店休息。
今次又係坐 100円巴士返酒店
這個巴士站有各路線巴士到站時間的顯示板，巴士幾時到，一目了然
仲有好清楚的路線圖，搭幾號巴士都可以係度睇到
原來酒店旁邊有間牛心，食物同吉野家、松屋差不多，唔想行係度食都唔錯
今晚晚餐的地方～たんや，牛舌專門店
這是白熊的牛タン麦とろろ定食 1050円
牛タンカレーセット 910円，雖然牛舌很夠淋，但係得一件，好少喎！
今晚才記得影下窗外的東橫INN的霓虹招牌，其實第一日夜晚已經見到，當時心諗由窗向外望，應該見唔到架，第二日出發時在酒店行了一個圈，原來是後面的 博多口站前2號店
上一篇 : 16年九州福岡新春四天悠遊行 Day 2
下一篇 : 16年九州福岡新春四天悠遊行 Day 4
沒有留言 :
張貼留言