今天去了一個以大角咀老店及舊區文化為主題，配合插畫、立體照片模型 (fotomo)、攝影和短片等創作形式的展覽，它就是『愛在大街小巷中找你』，地點是奧海城二期地下主題中庭，展期由9月2日至10月2日。
今午吃過午飯乘巴士到奧海城一期，我們先到大角咀麥太甜品吃甜品，然後到二期看展覽。展覽分為十個場景區，當中有一個巨型大角咀立體照片模型闊達14米和高3.6米，非常壯觀，好像身處大角咀的街道上。各場景均以豐富而獨特的表現手法重塑特色老店和攤檔，部份老店更借出真實物品於場景中展出。
我們在「大角咀的街道」穿梭，除了拍照外，還要找蓋紀念印的地方，真是非常忙碌
。完成了蓋印大行動和拍攝後，在商場吃了個下午茶餐才離開回家去。我哋係呢間甜品店食糖水
大角咀麥太甜品
呢間甜品店係由東華三院賽馬會大角咀綜合服務中心負責營辦，民政事務總署「伙伴倡自強」社區協作計劃資助
收銀處旁有麥兜和麥嘜的大公仔
廚房上面掛了好多麥太的卡通畫
店內有幅大角咀以前的相片
櫃內有好多麥兜的物品
佢哋真係無處不在架
連櫈背都有佢哋的蹤跡
我的椰汁紫米露
白熊的芒果水晶粉，呢餐一共 $43
食飽飽後就行去二期睇展覽
展覽就係地下中庭舉行
掛在半空的展品
場內有個展覽場地的立體照片模型
好以真的一樣
大街小巷展覽的介紹，大家可以係呢度取小冊子
係呢個角度睇落去同之前的模型真係好相似
888號巴士站，可以跟住路線圖參觀
77年進駐大角咀的快樂印刷公司
關伯現在還在經營這傳統的活字印刷行業
有快樂印刷公司名的字粒印模
信紙上的電話是3-925409，即是打去九龍先撥3字，香港島撥5字，新界撥0字的年代
舊式印刷機
印刷用的中文字字粒
羅記雜貨店
由1967年營業至今，放滿全家福及畢業照的舊式影樓～長虹攝影
影樓滿載著店主何先生夫婦的生活回憶，這處是蓋紀念印的其中一個地方
在展場的不同地方都會見到呢隻黃貓仔，好似嚮導咁
Fotomo立體模型～「立立雜雜在一起」
「愛在大角咀中找你」
原來的模型係一層層黏貼一齊所做成的
「誰家窗口無窗花」
「如記魚仔配匙」
攝影師陸藝揚及唐仲銘以大角咀為主題的攝影作品
主題叫「人人愛」
「順誠鐵閘」，成為手作工業的歷史
「美美公司－劉天皇（1號）」，上海傳統理髮師傅
「宜興鐘錶」在大角咀已有三十多年歷史
「新高．舊矮」，強烈的對比
由譚先生夫婦經營，專製地鋪用的風琴閘，閘用鐵所鑄成，十分堅固，閘上會燒上舖頭名字，可惜順誠鐵閘已於5月尾結業
七記冰室～冰室曾三度易手，最初以「紅梅冰室」命名，後來改名「華生冰室」，最後才叫「七記冰室」
冰室有43年歷史、可惜已告別街坊接近半年了
店主和「生命工場」借出冰室傢俬作展覽之用
麵包櫃頂放了立體老舖模型
如記的立體模型
如記配匙～鎖佢唔到如記魚仔
唔知舖頭係咪真係放咗部咁樣既單車呢？
大角咀祇有三家傳統燒味店，華意燒臘飯店是其中一間，深受街坊歡迎
在展板中得知，原來以前賣燒味的店舖叫「燒臘」店，現在的店舖叫「燒味」店
快啲嚟斬大舊叉燒
啲燒味好好味咁喎～
「尋找你我他的故事」Fotomo製作坊的學生作品展
有部份作品做得麻麻地，祇影了些覺得靚的作品
拉呀！拉呀！紙皮婆婆，哈！哈！據聞在大角咀拉紙皮的婆婆多過的士
闊14米和高3.6米的巨型大角咀立體照片模型
石油氣舉重阿哥
剛結業的順誠鐵閘
羅記雜貨
又見到隻黃貓仔
結業半年的七記冰室
快樂印刷公司和關伯
華意燒臘飯店
終於集齊所有紀念印
洗手間入口也有成為大街小巷的展板
今日揀咗去麻酸樂食下午茶餐
我的迷你墨樂雞米線餐～墨魚丸、手絲雞和拉麵配清雞湯底，另有小吃一口雞和熱綠茶
白熊的迷你豬牛戀人米線茶餐～黑豚肉、牛肉和拉麵配金銀蛋莞茜湯底，另有小吃金菇肥肉卷和凍低糖綠茶，每個餐$28．食物水準整體都唔錯
沒有留言 :
張貼留言