09年 遊鯉魚門

日期 : 2009 年 5 月 1 日 (星期五、天晴)

　　最近想去行下鯉魚門，於是上網搵下資料，發現原來在鯉魚門天后廟附近有條行山徑可以上魔鬼山炮台，於是計劃在五一假期來個遊鯉魚門兼行山之旅。

　　今朝十點出門，在屋企附近的茶餐廳食飽早餐後起程。先乘小巴到鯉魚門，逛完後在天后廟附近的山路上山，經衛奕信徑行上魔鬼山炮台。

　　這個行程在出發前以為不是太難行，點知頭一段就是上山的石級路，雖然出發前已知要行石級，但是估唔到有成幾百級石級咁多，由於未熱身，行起來都幾辛苦。

　　到了衛奕信徑後的山路就比較易行，上到炮台山後只見這個炮台好像廢墟，點找到找不到個炮台，點解唔見咗呢？之後回家睇番資料才知，原來個炮台並不是在山頂，要在半山行一條小路才可以到，而且又沒有指示牌，所以今次沒有找到。

　　在山頂真的好大風，逗留了一陣就落山，之後在油塘中心的醉瓊樓食午餐，食飽後就坐港鐵回家。

今日的早餐，這是第一次帶埋啡熊同白熊去旅行

落車第一眼見到的就是這個鯉魚門牌坊

在牌坊隔離的街市

咁出名的旅遊景點，當然有個歡迎雕塑喇

有無敵海景的鯉灣天下

鯉魚門旁邊既油塘，直至現在仍然有好多工廠大廈

避風塘海邊新建的海濱公園，係呢度坐下都幾爽

鯉魚門避風塘

原來這裡有早茶飲，十點多可能已經係好晏，所以無乜人幫襯

旅遊區係唔同，招牌都有齊中、英、日文

辦館～好耐無見呢個名稱

鯉魚門街坊褔利會

正式起程出發，由這裡入去就可以到天后廟

這裡有好多海鮮食店

在這裡除了海鮮店多之外，原來餅家也很出名

途中見到的籃球場

仲係好早，好多海鮮酒家都未開門，呢度d店舖唔用鐵閘而係用木板閘

海濱學校

跳飛機

學校前的沙灘，有好多垃圾

見到有位亞伯係度畫油畫

睇完伯伯畫畫，就繼續行，行行下見到有間叫南大門既酒家，唔知仲以為去咗韓國

周先生華建係度擺酒？？？

行過晒 d 海鮮酒家後就見到個燈塔

有係度垂釣既釣魚翁

裝備好齊全呀

這裡真係一個好好的釣魚地點

之前見資料話許願樹係三家村，但是找不到，只好放棄，點知到了這裡竟然俾我見到許願樹

對面海白色的就是香港海防博物館

終於行到鯉魚門天后廟

鯉魚門有四條村，近市政街市的是嶺南新村，海鮮酒家那裡是三家村，天后廟附近是馬背村及輋頂村

這裡有好多大石都有題字

石敢當，即係乜野嚟呢？

有支大炮係舊大石度喎

原來係有兩支添，全部都係指向大海，唔知防唔防到海盜

影完石頭就入去天后廟行下

好古舊的香爐，唔知有幾耐歷史

塔香

剛剛個廟祝係度點塔香，這裡掛滿了塔香

天后廟後面的破舊信箱，有隻狗仔係度看守（係度抖涼就真）

行過天后廟就見到這間草蘆堂

原來這裡都有好多屋

這裡可以睇到柴灣

小狗與沙灘

個海有乜野好睇呢？

海邊有個人同隻小狗沖涼，用海水同隻狗洗身會好 d 咩？

本來打算行去石灘度，但係真係有好多狗，所以就唔行番去天后廟，跟住就開始上山去衛奕信徑，初初都驚搵唔到，但係在路口有好清楚的指示牌，好易搵到

山路地下仲有個標誌添，唔怕行錯路

原來這條山路就係輋頂村

這一段全部都係石級，行到索晒氣

行了一半休息下先，係度睇風景又幾正喎～

行了不久就見到求救通話機

仲有 590米，已經無晒氣囉～Help

啡熊同白熊話好累，要休息

同佢講仲有好長石級要行，點知.......

佢地死俾我睇，真係俾佢地激死

終於行完石級喇，仲有張櫈可以坐下

這條路的出路就是衛奕信徑，向右行就係華人永遠墳場，我哋係去炮台山，所以就轉左

行一陣就見到上山個入口

上完樓梯後轉左

這條路是同觀塘晨運徑重疊

差不多到山頂時已經可以好清楚睇到香港，這是筲箕灣

油塘

油塘的高怡邨

係個石壁上有幾個人影？原來係度玩攀石

向山頂進發，行行見到有幅地，好刻意種咗好多好靚既花，應該係晨運客的傑作

連蘭花都有，利害

行埋這條樓梯就到炮台山

係山頂睇風景真係好正，前面就係將軍澳堆填區

仲可以睇到啟德機場

華人永遠墳場

到咗魔鬼山炮台，這裡原來是個堡壘

有好多『槍口』作防衛之用

在最上層曾維修過，破壞了原來的古蹟，香港就是這樣.......

搵來搵去都見唔到個炮台，奇怪......

搵唔到就算，落山回程，在高超道入口見到有間嶺南古廟慈德善社

原來五一假期是有交通管制，只可以俾巴士上山

跟住去油塘中心食午餐

遠遠就見到醉瓊樓個招牌，但點解有咁多伯伯係度，睇落唔多似係酒樓喎？

原來轉左先係，但係好似得個廚房，咁係邊度坐呀

原來要行入去商場，仲以為係酒家，點知原來係間好細既飯店

雖然係咁既門面，不過d食物都算經濟實惠，鹽焗雞飯味道都唔錯

白熊就食味菜鮮魷飯，幾好味，但係就得好少魷魚

食飽後就回程，經鯉魚門廣場去油塘地鐵站

油塘港鐵站前的人像雕像，你估下邊個係真人嚟呀^0^，跟住就入閘搭車返屋企