chris 的小小世界: 07年上海蘇杭四天遊 Day 3

第三天

日期：2007 年 9 月 30 日（星期日）
行程：酒店 → 花港觀魚 → 乘船遊西湖 → 梅家烏龍井村問茶
　　　→ 菊花之都桐鄉 → 上海 → 城隍廟旅遊區 → 天祿城
　　　→ 夜遊黃埔灘 → 上海步行街 → 酒店
住宿：上海巴黎春天大酒店

　　今天 06:45 Morning Call，在酒店食過早餐後就出發，上了旅遊巴後就直接到西湖，但係架車只係得我哋十幾人，另外果 d 團友呢？原來佢地係坐另外的旅遊巴到西湖，在西湖旁的停車場等齊人後就起行。

　　我哋先在西湖旁的公園內參觀『花港觀魚』，之後去碼頭上觀光船，今日是假日，碼頭
上十分多人，幸好導遊預先約好了觀光船，不用多久就可以上船了，而且仲安排了坐上層，加上沿途導遊生動的講解，睇風景就更加一流。

今天的自助早餐

先去睇花港觀魚

花港觀魚是在西湖旁的公園內的，公園的路燈

好大片草地呀～

有隻孔雀係度散步，唔怕佢飛走咩？

這邊仲有好多白鴿，而家禽流感盛行，都係唔好行咁埋

行了幾分鐘到了花港觀魚

這石碑是遊人合影的熱點，影到咁樣都收貨喇

到了碼頭，大家準備上船

另一款單層的遊船

雷峰夕照，遠處的就是雷峰塔

蘇堤春曉

在湖邊慢慢地欣賞風景

當日天氣唔係好好，好鬼矇查查

遊完船河後上返岸，係這個亭休息一下，這個亭是在花港觀魚旁，可以舒舒服服咁睇魚

　　遊完西湖後就去飲茶，今次目的地是梅家烏龍井村，以前去是要坐好耐車，而家新建了隧道，所以只須坐十多二十分鐘車就到。據導遊講，這裡的茶田全是解放軍所有，是禁區嚟，唔好四圍走呀～，都唔知真唔真，唔理了，入到去先同我哋講下茶經，然後有位師傅表演下抄茶，而家已經全部用電爐抄茶了，唔會好似睇『茶是故鄉濃』咁用柴爐嚟抄架喇。

　　睇完表演之後就入房飲下龍井，但係這個時候的龍井茶不是當造，飲落都幾淡；飲完茶後又係 Sale 茶時間，不過就好貴，成千幾蚊人仔一斤，所以唔係好多人買。

烏龍井村

抄茶係用手嚟抄，隻鑊好鬼熱架，呢位師傅唔怕熱就咁放隻手落去，利害～

這裡有介紹製茶的各步驟

　　飲完茶後就去食午餐，今午是食泰國菜，好似有點怪，在國內旅行食泰國菜，今次是第一次；今餐味道唔錯，唯一不好的就是份量比較少，食完都只係剛剛夠飽，唯有食多碗飯喇～

　　飯後就要起程出發去上海，在中途有菊花之都之稱的桐鄉停一停買下菊花及稍作休息，這間專賣店以出售菊胎為主，而且真的很香，我也買了少少試下。各團友去埋洗手間後就再出發，今次真的是直接到上海了。

　　坐多兩三個鐘頭車，差不多五點多才到上海，我們的目的地是去城隍廟旅遊區，今晚的晚餐係在這裡自己搵野食，這裡有很多出名的地方小食，真係花多眼亂，可惜的是時間少了點，只有個多鐘自由活動時間，食個晚餐已經差不多了。
　　在解散前導遊說那些生煎包鍋貼點樣好食，而且還說請我們一人一個試下；我哋以為他是吹水的，那時夠鐘時行到隻合地點時，看到導遊拿住兩大包生煎包，原來真係買了請我們食，好感動呀～

　　跟住我們就去晚遊黃埔灘，但是今天是 30 號，晚上有慶祝活動而封路，我們只好要在較遠的地方落車，要行幾個街口約八點半才到，晚上的黃埔灘真的很美，而且又封了路，可以慢慢行慢慢影相。當我們影相影得不亦樂乎時，導遊突然叫我們唔好行咁開，要係埋一齊，原來有幾個男人虎視眈眈著我哋，懷疑是想對我們不利（我諗係搶野或者偷野掛），於是就要集體行動，一齊行一齊影相，到了好多人的地方時已經不見了那些可疑人了。

　　行完黃埔灘已經九點多了，諗住應該返酒店休息喇～但係仲有個景點～步行街未行喎，於是在附近的一條步行街給我們行一行，說真的，那時已經差不多十點了，還有店舖營業嗎？不過還好，這條步行街的燈飾很美，可以影番 d 靚相補番數。

　　10:45 集合，等齊人上埋車已經十一點了，真係好累好眼訓，幸好唔係坐好耐車就到酒店，上到酒店房間已經十一點半了，真係快 d 梳洗上床休息好了。

午餐就在這間泰國菜館食