第 二 天
日期：2009 年 9 月 29 日（星期六）
行程：酒店 → 網師園 → 寒山寺 → 絲綢館 → 烏鎮(自費)
→ 西湖之夜歌舞表演(自費) → 酒店
住宿：五洋賓館
今天06:45 Morning Call，七點多就在酒店食過了豐富的西式早餐後，就由蘇州的導遊帶我們遊蘇州了；第一站是網師園，這間豪宅是清朝的一位高官退休後的住宅；內裡十分豪華及美麗，庭園樓閣，小橋流水，十分詩情畫意。
一般的早餐
行去網師園時見到的一隻十分可愛的迷你牧羊小狗
國內常見到煤爐
國家重點保護的文物 - 網師園
大門口上的雕樓
好精細的石雕
大廳
太師椅，睇見都有 d 眼瞓想係度瞓吓添
間屋的柱是建在石上的，可以防止水沉
好美的花園 ，十分詩情畫意
睇完間豪宅後就出發去寒山寺，約九點半就到，這間寺其實不是好大，出名的原因只有唐代詩人『張繼』的《楓橋夜泊》而出名；不過話晒寒山寺己經有成一千四百幾年歷史，點都值到一遊。
寒山寺
寺廟前的和合泉，不過已經封了
係寺廟內好多地方都係古董
驚人唔識果首詩，整咁大個碑係度
行完寒山寺後就去絲綢館，之前行網師園後多咗個導遊上車，初初唔知點解，約十一點多到了絲綢館就知，原來佢係負責介紹絲綢館的，看過了點抽蠶絲同整蠶絲被後就出發去食午餐，食飽後就起程出發去『烏鎮』。
這是抽蠶絲的機器
幾條蠶絲抽出捆成一條蠶絲線
這位男士就當地的導遊，佢正在講解整蠶絲被的工序，原來有些蠶繭裡面有兩條蠶蟲的，那些蠶繭是抽不到蠶絲的，會用來做蠶絲被，將個蠶繭沈水水張開成個袋
跟住就放係等乾
乾透後由四位女工一齊用手拉開個袋鋪上，一層一層咁鋪，鋪到一定厚度後再加個被袋就完成
展覽廳，有好多真絲被單同床單
好 Q 的虎頭枕頭
坐了個多鐘頭車差不多三點才到烏鎮，這是一個是自費行程，烏鎮是一個真正的古鎮，裡面的全是古建築，所見的全古物古董，是一個好值得參觀的地方，除了參觀之外，仲有遊船河，在真正的古城遊船河，又是另一種風味。
烏鎮的大門口及售票處
一入門口就見到個大水池，周圍的都是好古舊的古建築物
看過一些資料後，知道這艘船是慶典用的
這個鎮的原是古舊木建築，應該有過百年歷史了
好豪華的大床呀！
結婚過大禮的用品
手動織布廠，有無人識用呀～
紡紗機，睇粵語長片就見過，真的第一次見
呢位婆婆做緊乜呢？
原來係除綿花子的
染布呀！
染完當然係要泿乾佢喇，似唔似拍電影呀～
這裡全是木建築，救火就要靠這間救火會
遊船河喇，風景很美，慢慢欣賞先
遊完船河就返上車向杭州出發，到了杭州已經五點多，個天已經開始黑，今次要夜遊西湖；架旅遊巴停在西湖旁邊後就落車係湖邊影下相，但係個天實在太暗了，d 相不是影到好清楚，影完相後就去食晚餐。
今餐是食杭州菜，當然是有東坡肉喇，但係實在係太肥無食到（應該係話成個都係肥肉，得好少肉，叫人點食喎），其他的就只係一般，沒有甚麼的驚喜。吃過晚飯後就去睇西湖之夜歌舞表演，這個都係自費的行程，沒有參加的就在表演場地附近行街，早知我都唔睇去行街喇～。
這個歌舞表演是以西湖做背景的表演，有歌舞及雜耍的，約一個鐘頭時間，睇完表演後同沒睇的集合後就上車返酒店休息。今晚要分開入住兩間酒店，我哋先下車，入住的是一間四星酒店（賓館才真），而另外一些團友就是住另一間五星酒店。我哋攞房後放低行去就係賓館附近行下，買了些食物飲料，之後返房食過宵夜，梳洗後就上床休息了。
杭州的停車咪表
西湖旁的石碑
實在係太暗了，影到好矇，西湖旁的餐廳
杭州出名的東坡肉，睇下真係肥到.......
一人一隻大閘蟹，但係好鬼細隻，仲唔甜添，係西湖食 d 咁嘅蟹～唔～
這個餅都幾好食，不過就唔知叫乜野
歌舞表演～西湖之夜
我哋入住的四星級酒店～五洋賓館
間房都幾乾淨
但係電視機就～無所謂喇，都無時間睇，要早 d 訓，聽日要早起
沒有留言 :
張貼留言