好耐都無釣魚了，心思思決定嚟個釣魚行山一天遊，目的地係早兩個星期到過的南丫島。今朝一早就起床梳洗，坐地鐵到中環站落車，在 A 出口一出有扶手電梯上天橋，行分零鐘就到港外線碼頭坐船去南丫鳥的索罟灣，約十點半架船就到碼頭。落了船後今次是向左行，向右行是去榕樹灣，之前已經行過了兩次，所以今次行第二條路。
行了二十幾分鐘就發現一個石灘，見到好多痕跡知道曾經有人在這裡釣過魚，於是行落去，這個石灘的路都幾難行，行到落海邊後弄好魚絲魚杆，就開始釣魚。一落絲就立即有反應，話咁快就有收穫，雖然十分開心，但係好快就出現一個嚴重問題，就係好易勾到石，一落絲就會有魚訊，但係一拉絲就勾石，很沒趣，所以釣了一陣就收工。
執好野同將d魚放生後，就繼續行，睇地圖時覺得不是太難行，亦不是太遠，但係行了一半已十分累，而且全是上山落山的山路，很少平路，十分辛苦。行到一大半時，才知再要行上一座三百多米的山，真係要大聲叫～天呀！在行極到行唔到山頂的情況下，差點要試下坐直昇機的滋味，抖吓行吓，終於行到山頂了，餘下的路就易行好多。在休息期間，見到三位男士竟穿著恤衫西褲皮鞋，話咁快就行上山頂，面不紅氣不喘，無幾耐連影都唔見，真係世外高人啊！
休息過後就繼續行程，之後的全是落山路，行多約二十多分鐘就行完，這時才知出口是在天后廟後面。行到全身濕透，一身汗味，真的沒有胃口食午餐，所以只在一間小食店食些少水果，休息一會就到碼頭坐船返屋企，今天這個釣魚行山遊亦完滿結束。
中環港外線碼頭
在碼頭有大大隻字寫住南丫島，一定唔會去錯
今次我們是去索罟灣
南丫島地圖
龍船呀
原來這裡有再造物料收集點
行山小路
海上有好多魚排
好快就有魚上釣
今日的收穫，唔知係乜野品種
釣完魚開始行山，向石排灣進發
好大朵巴蕉花呀～
終於到石排灣
好大片野生的薑花田
山頂呀，終於行到上去
行完食番個生果拼盤，好鮮甜
沒有留言 :
張貼留言