第 三 天
日期：2007年2月19日（星期一、大年初二、 陰天）
行程：酒店 → 黑門市場 → 天神橋商店街 → 梅田
→ 心齋橋 → 酒店
住宿：Comfort Hotel
今朝七點半就起床，梳洗後就到三樓食免費早餐，之後返房執好行裝約 08:45 就出發，第一站是去黑門市場，因昨天去到時大部份店鋪休息，所以今次再去過。到了黑門市場時才知原來早上是那麼熱鬧的，同昨天的冷清清的情況完全不同。
先到高橋食品買了一杯凍純豆乳 60円，味道十分濃，不過唔知點解原來係落無糖的，除了豆味外就乜味都無，而且加上咁凍的天氣下飲凍豆乳，真係好唔慣。
飲完凍豆乳後又去搵食，去了隔幾間的魚丸商店食吞拿魚腩，這間商店原來是老字號，專賣又平又美味的吞拿魚（マグロ），在店前的凍櫃放了很多不同部位的刺身，真係花多眼亂，最後買了盒本鮪中拖羅（中とろ）580円，本鮪即係在日本海域捕獲的吞拿魚，比外國入口的美味好多，雖然 580円只得四五塊，真的好貴，但係十分鮮甜美味，貴一點也是值得。
跟住又去了另一間商店買了兩盒裝的甜蝦（甘海老）刺身 398円，四百円就有成二十幾隻，而且隻隻甜味十足，真的好好食，好抵呀～
酒店的設施，估下係乜？原來係幫你冚埋個旅行喼蓋的工具
今日的早餐，食了好多飯團同乳酪
天氣真係好乾燥，買番個保濕口罩先
再戰黑門市場
原來這裡都有韓國泡菜賣
黑門市場原來真係街市嚟架
高橋食品的凍豆乳
這裡除了生嘅野食物之外，仲有熟嘅食物賣
連衫都有得賣
有好多好新鮮的生果賣
本鮪中拖羅
好肥美呀！我唔客氣喇～おいしい
河豚刺身
這店仲有活河豚選購
一條條唔知係乜野魚呢？
好靚的甜蝦呀
咁多都只係四百円，抵！
乜連雪櫃都有得買，利害
超市內的特價帶子，好似唔可以就咁食
係香港好平的香蕉，但係日本就好貴，呢度的算好平
買咗包嚟試下，同香港的差不多
T字蜜瓜（メロン），個樣好靚
好多士多啤利呀～
這些特大士多啤利做禮物就最啱
日本醬油
古裝版精子呀！
這裡有間好大間的花店
好大盆薰衣草
100 円店呀，入去入下貨先
真係好凍，買番 d 暖包暖下隻手先
臨走買咗盒士多啤利 480 円一路行一路食 ，又甜又好食，所以決定臨走時係黑門市場買士多啤利做手信
路邊的單車，前面個籃俾人放咗廣告單張
落了車後一出地面就見到天神橋筋的路口有好大的立體浮雕，十分易認，天神橋筋商店街因並不是旅遊區，十分平民化，很有特色。在這裡漫遊時竟然發現一間日本米鋪內有紀州備長炭賣，而且十分平 1500 円 1Kg，香港賣的一條細細的就已經要幾十蚊至過百蚊，買了四條一呎長的都只是千二円，即係一條唔駛二十蚊，真係平的驚人（梗係喇，係日本佢地真係用嚟當炭咁用嚟燒野食架）。
大阪地下鐵的售票機，係呢度張西瓜咭用唔到，所以要入錢買車飛
去南森町要 230 円
坐幾個站就到南森町駅
落了車一出地面就見到咁巨型的立體浮雕，唔怕唔識路
行到天神橋筋商店街喇，原來這條是有蓋的商店街
半天空吊咗個日本古代服飾的男人
好古怪的公仔
達磨（だるま）
日本燒餅（好み焼き）
買了件細的 100 円食下，哇～好好食呀！
天神橋勪商店街共分七丁目，這個是二丁目街口的浮雕
有 d 鼻塞，在藥房買了這個鼻腔擴張貼用，效果幾好架
手信佳品，紀州備長炭，只係 1500円 1KG
圍棋棋社，係香港剛播完的棋靈王，話日本好多人玩圍棋，原來是真的
今日午餐就在這寿司店食，這裡是即叫即做，十分美味，日文唔好又怕叫錯，於是用手指指咁點野食，都OK架
門口寫住 75円一個，點果時就話要兩個，點知佢就嚟咗兩碟，擺咗烏龍添，不過真係好好食，所要無緊要（大丈夫）
好鮮甜的海膽寿司
日本的波子機店，門口這幾位伯伯好利害
行完街街後約三點就起程去梅田，在 JR 天滿駅乘 JR大阪環狀線到大阪駅 120円，落車後行三分鐘就到梅田，行咗一陣見個天開始黑，跟住就行去 Hep Five 大観覧車坐屋頂的摩天輪 1000円，摩天輪睇大阪的夜景一流。玩完後就行咗去 Yodobashi-Umeda，成座都是賣電器，真係大到離譜，行到腳仔好累，在其中一層見到不同的腳按摩機任試任用，當然不會錯過，俾對隻腳舒適一下。
在大阪一般的車費好貴，JR 就比較平，去大梅田都只係 120 円
弱冷車，係俾怕凍的人坐
大阪車站紀念印
梅田街頭，阪神百貨公司
阪急百貨公司，喜歡行公司的就啱晒
大型電器店 Yodobashi-Umeda
晚上的 Hep Five
好大隻 Snoopy 呀
屋頂的摩天輪售票機，每位 500円
在摩天輪上看的大阪夜景
按摩完成隻腳都鬆咗，約七時半就返心齋橋，在梅田乘御堂筋線到難波 230円，諗住在道頓堀的金龍拉麵食晚餐，但係去到時見到好多人，仲要除鞋坐地下，好唔習慣，於是在附行了一陣，最後決定在千日前的神座食拉麵，這間拉麵店先在店前購票，然後才入店後搵位坐，跟住就有職員收票，幾分鐘後就有碗美味的拉麵放在你的面前，這店的拉麵好好食，而且份量又多，食完真係飽晒，在道頓堀散下步才返酒店休息。
御堂筋的車票，幾個站就要 230円，都幾貴
神座拉麵店前的售票機
今晚的晚餐
今日大豐收
沒有留言 :
張貼留言