第 三 天
日期：2006 年 10 月 2 日(星期一、陰天)
行程：酒店 → 川越 → 池袋 → 酒店
住宿：飛鳥酒店
今天的行程是去有小江戶之稱的川越，原本第一次自遊行不想去咁遠的地方，但在出發前在網上看過一篇遊記，有好詳細介紹點去，而且那裡好有特色，所以就膽粗粗去川越行下。
唔知係唔係噚日行得太多路的關係，一覺醒來已經八點幾，訓過龍添。快手快腳梳洗後就出門，先乘山手線到池袋駅，然後轉乘東武東上線急行列車到川越駅，出閘後行不用一分鐘就到東武線的售票大堂，先在售票處購買東武線的紀念儲值車票，除了可以用來乘車之除，用完還可以留為紀念，可惜去買時紀念版已經賣晒，只買一般的普通版儲值車票。
買完車票後就入閘搵正確的月台，好彩原來是在閘口附近，不用四圍搵。上到月台時見有班急行列車在月台，雖然上車時已睇清楚有無上錯車，但係第一次去到咁遠的地方，有些擔心，於是拿住行程紙手指指加上少少日語，問了一位坐在旁邊的女士，好彩佢都明白我講乜，唔係真係雞同鴨講，經過那位女士的確定，可以安心出發。
由池袋去川越乘急行都要半個鐘，到了川越駅已經十一點半了，照網上的介紹，這裡有小江戸巡回バス，一日 Pass 只是 500円，所以我哋行去西口的巡迴巴士站，去到後看過時間表，原來平日班次是十分疏的，等了十幾分鐘後終於有巴士嚟，上到車時諗住同司機買一日 Pass 時就出現問題，因我只有一萬円銀紙，司機無錢找續，點算好呢？沒法下只好行快幾步去便利店買咗少少野食就返嚟，點知去到便利店要排隊，搞咗一陣後返到車站見到架巴士無等我哋就開走咗
。好無奈下諗住等下班車喇～下班車又要半個鐘才到，見有時間就在附近行下，行行下見到車站旁有間松屋，這時才發現原來我哋早餐只係食個飯團，而家好鬼肚餓，於是決定係松屋食午餐。
已經聽人講咗好耐話係日本的吉野家的牛肉飯比香港的美味好多，現在可以試下日本的牛肉飯，真的好興奮。，松屋是用自動售票機的，第一次用有些手忙腳亂，弄了一陣才搞妥，買了票後搵位坐好，之後就會有人收票，等一陣就會送上美味的牛肉飯。這裡的牛肉飯真係好好食，除了牛肉沒有羶味，飯又好軟熟，真的比香港好味，而且仲唔貴，兩飯飯都只係 640円。
早上新宿街頭
日本的士
池袋駅內的出售東武東上線車票機
在這個窗口出售紀念牌儲值車票
買唔到紀念版，只買到這張普通版的儲值車票
每次坐完車後就在車票後面印住你坐過乜野車，用了幾多錢
今日是 2 號月台乘十一點的急行列車到川越
今次坐的車有個顯示版顯示下個站的名稱，就到喇
到了川越駅
車站內有好清楚的指示牌，我哋係山西口
未出發前到站內的觀光案內所攞 d 資料及地圖
出了西口後，在一間店舖前見到二の宮金次郎石像
生果店，唔係好貴喎，平過香港日式超市好多
睇住架車走，只是係松屋食碗牛肉飯
買了牛肉飯同豚肉飯，買票後放在枱上就可以
除了大碗飯外，仲有碗味噌湯送，我覺得始終係牛肉飯好食 d
本來諗位食完牛肉飯就坐下班車，點知......，又送車尾，開走咗，唔想再等情況下決定行去菓子橫丁，於是入返車站，再由東口出轉左，一直行就到一條商店行，跟住轉右直行就到。這條商店街十分旺及多野睇，本來十幾分鐘的路就足足行了個幾鐘，離開商店街後就到川越一番街，街道兩旁大部份是江戶時代的房屋，很有特色，到了菓子橫丁時見到整條商店街只得兩三間店鋪營業，好失望（回家睇番資料才知菓子橫丁的店鋪好多在星期一休息的）。
到了川越商店街後一直行就可以到一番街，慢慢行，這間是卡拉OK店，前店的裝飾十分特出
這間是出售木製風呂用品
日式和服店
有隻懶熊係度訓覺
手信店
眼鏡店，店前的眼會郁的，好有趣
行行下見到有間花店，這間花店很大，有很多不同的花出售，但是就沒有紫羅蘭賣
好靚的三色堇
白色的兔仔花
在花店裡面有間房種了很多好靚的蘭花
白色的蝴蝶蘭，好清秀
跳舞蘭（文心蘭）開得好燦爛
另一盆粉紅色蘭花，但真的不知乜野品種
在花店對面原來有間西雲寺，不過無入去睇，睇完花後繼續行
在街尾有多間食店
離開商店街後就轉入一番街，這條江戶時代的街道，兩旁的店舖多是出售手工藝品，這間就是賣紙雕
這兩售日本公仔做得好靚
行不久見到有間熊野神社，入去行下，順便休息一下
唔知係唔係今日休息，這間出售祈福物品的沒有營業
七福神，日本到處都有祂們的寺廟
離開神社再行多一陣就可以見到江戶時代的房屋
這些屋都是木建築，很有特色
時の鐘，每日會報時四次，06:00、12:00、15:00及18:00
店前的木製大肚佛
狸貓僧人，好可愛
這裡的名物～龜餅，有多種味道
原來這裡也有人力車，車費是以時間計算的
見到有間賣串燒
唔知有乜野味，是旦點了一樣，原來這不是肉串燒，是燒餅串燒
行到一番街的街尾見到這個指示牌
轉入菓子屋橫丁後，在路口有間出售舊式的糖果，這是果汁糖粉，以前我都食過
好大碌呀，唔知係乜野菓子呢？
番薯乾，是生曬的，我買了紫色番薯乾，很好食的
哇～好舊的汽水機
好多店舖都沒有營業，入了這間仍有營業的菓子店買手信
這間菓子店是前鋪後工場，大部份的菓子都是自家出品，而老闆娘很好人，買完了手信後還送給我們天鵝菓子，這對天鵝菓子在工場即製，真的很多謝
這架就是小江戶巡迴バス，好似架古董車咁，好靚
由一番街到車站只須幾分鐘就到，跟著乘東武上線到池袋，在池袋行西武百貨及附近的街道，行完之後乘山手線返新宿，到了新宿後已經很肚餓，在一間很出名的モーモーパラダイス歌舞伎町牧場食日式自助火鍋，每位1680円，除了有牛肉或豚肉兩款，仲有多種蔬菜選擇，食飽後就返酒店休息。
川越駅東口的巴士總站
西武百貨地庫的食品店，這間賣即製的鯛魚燒
新鮮熱辣，買了兩個嚟食，好味道呀！
鰻魚串燒，要成 1680円一串，好貴呀！
免費自助洗眼鏡機呀，又玩下洗下眼鏡先
返到新宿在モーモーパラダイス歌舞伎町牧場食晚餐
我們都點了牛肉，這裡的牛肉又嫩又好味，而且係任食的，真的十分抵食
除了有肉供應之除，仲有多種蔬菜供應
今次點了しゃぶしゃぶ
牛肉不用煮咁耐呀，食得喇！
食飽後就返酒店休息，今日的收穫，成績唔錯
沒有留言 :
張貼留言