第 二 天
2006 年 10 月 1 日（星期日 、陰天、間中有雨）
行程：酒店 → 原宿 → 秋葉原 → 上野 → 酒店
住宿：飛鳥酒店
今朝訓到八時多才起床，梳洗後約十時就出發，正式開始首次的自遊行。在酒店附近的便利店買了幾個飯團做早餐，一路行一路食，爭取時間，今天的第一站是原宿，已經聽人講咗好耐話原宿是潮人潮物集中地，到東京必遊的地方。
先在新宿乘ＪＲ山手線，在原宿駅落車，一出閘就見到車站紀念印，這個亦是我哋第一個收集的車站紀念印。出了車站就見對面馬路的 Snoopy Town，這裡有好多 Snoopy 精品。行完之後就去原宿出名的竹下通り，這條街有好多潮流服飾，是年青人的聖地，由街頭行到街尾差不多一個鐘，真係目不暇給。跟住行下行下行咗入 d 橫街，但怕迷路，只好行完沿原路行返出嚟（返香港才知原來那些橫街是原宿出名的裏原宿。）
在行去車站時途經一間天婦羅店，肚仔已經好餓，所以決定午餐食天婦羅飯，可能不是太習慣食炸野做午餐，食了大半，已經有些"漏"，食唔落了。食飽後就去代代木公園睇下 d Loita，但係今天成日都落住濛濛細雨，係公園門口得好少 Loita，而且可能仲係太早的關係，坐埋一邊未出動，無得同佢哋影相。
香煙自助售賣機，咁即係邊個都可以買到煙？
四層的停車場
私家車專用升降機
停車費，都幾貴喎～
小食，限定版的百力滋
宅急便
日本的麥記
Big Echo 卡拉OK
到了原宿駅了
車站十分有特色
第一個收集的車站紀念印
車站對面的 Snoopy Town
Snoopy 一家的音樂公仔
好大隻樹熊呀
日式班戟
好潮的服裝
藥房，又係 Shopping Time
好誇張的衫
裏原宿
公仔都有把傘遮雨
裏原宿橫街內的壁畫
今日的午餐～天婦羅飯
有好多款可以揀
要了兩個唔知乜名的雜錦天婦羅弁當
這間九州拉麵，唔知係唔係好出名，有好多人排緊隊
原宿車站旁有人係度自彈自唱
日本的烏鴉，好肥呀～
代代木公園前的 Loita
未出動，坐埋一邊係度等
跟住去下一站～秋葉原，在原宿乘山手線，在秋葉原駅落車，秋葉原是東京電器街，有齊各種最新的電腦相機。不過都係得個睇字，後來 d 雨越落越大，搞到無晒心機， 行咗一陣就走。
係秋葉原派紙巾？傳單的女仔都著住 Cross Play 服裝
玩具店內的 1：1公仔
小櫻呀，好可愛
成套的模型公仔
跟住去上野，由秋葉原乘山手線，在上野駅落車。落車後就去行アメ橫丁，アメ橫丁好像街市一般，在這裡食寿司就又平又正，行到約三點半時，見有些肚餓，就在平祿迴轉寿司店食下午茶。這裡的寿司除了很好食，很鮮甜之外，最重要係 136円一碟，真係食多幾碟都唔肉痛。
食完美味的寿司後，就去了上野駅行下。上野十分大，有好多商店，行了一陣就心思思又想食寿司，今次去咗街頭的元祖寿司店，這間是即叫即整的寿司店，好彩佢既manual有相片提供，手指指就搞掂。呢間的寿司也很好食，但因不是太肚餓，所以只食了幾碟就飽。
食飽後已經差不多八點了，於是起程返酒店，在上野駅乘山手線到上野駅，出了車站後，就行返酒店休息。
在御徒町駅坐車時見到第二個車站紀念印
好平好美味的平祿迴轉寿司店
なまえび（生蝦）寿司，第一次食，真係好彈牙又鮮甜
まぐろ（吞拿魚）寿司，比香港是美味好多，正！
不知名的魚肉榕熔溶寿司
這件寿司上面的魚好鬼腥，食唔到，好彩白豬係度
其他的很好味
在香港覺得八爪魚是十分難食，本來無打算要，但一場嚟到試下喇，點知真係估唔到咁好食，除了鮮美之外，仲好爽好彈牙
冷麵配紫菜
呢隻係海鰻，係香港食好貴架，係呢都只係 136 円
一出上野駅就見到這間玩具店，有成七層樓咁多，真係有排行
在上野駅內的店鋪前放了隻西瓜咭的可愛企鵝公仔，咁即係代表呢間店鋪可以用西瓜咭付款
見到有泡芺賣，買件嚟試下
好好食，不過味道就同係香港的差不多
行到腳仔好累，係星巴克飲杯野休息下
心思思又去咗呢間食寿司
うに（海膽）寿司
帶子寿司
魚子寿司
好多旅遊書都推介的東方見聞錄
今日的戰利品，主要在上野買的手信
燒河豚乾
沒有留言 :
張貼留言