第 二 天
日期：2008年9月21日(星期日) 晴 炎熱
行程：酒店 → 文昌閣 → 千年秋楓樹 → 松沛煙雨 → 狀元筆
→ 深圳 → 香港
這是個休閒團，不用趕頭趕命，雖然話七點半morning call，但是食自助早餐，遲D落去都可以，食完早餐就返上房睇下電視休息下，十一點才到大堂集合，好消遙。
今日的早餐，味道麻麻
今日的第一站～文昌閣，是要行一條百幾級的樓梯，好多團友都無上去
咁辛苦上到塔頂，當然要影下風景喇～
行完山後就去下一個景點～千年楓樹，這棵楓樹是種在黃氏祠堂前面，據說已經有千歲了
真係好大棵喎，差不多有四五十呎高，利害
咁大棵秋楓樹就是種在這間黃氏祠堂門前
睇完咁偉大的樹後就去食午餐，在餐廳內同枱的團友看到d燒鵝剛燒好，於是今餐自費加餸，半隻燒鵝多謝七十八蚊人仔，同係香港食差不多。
這隻就是加餸的燒鵝，剛燒好，皮薄肉嫩，真的好好味！
這隻雞都好好味架，當然無隻鵝咁好食喇！
粥水浸魚丸，未食過，但一食就停唔到口，好食到暈。
食飽飽後就去行松山公園，這個公園真係好大，如果要行，真係要行成日，而且個導遊講到風景點靚點靚，所以大部份團友都自費坐小火車遊公園。
我們就是坐這架好長的小火車漫遊松山公園
沿途風景
好快就遊完公園，跟住就去狀元筆，這支筆在文革時被破壞，只剩得筆桿，由於天氣實在太熱，而且只是得一支石筆看，所以沒有下車，這景點在車上觀賞就算 ^^
狀元筆就只是這一枝石柱
睇完支筆後就去深圳食晚餐，係呀～這個團是食埋晚餐才過關回香港。由於到咗深圳仍然好早，所以有個半鐘自由活動，而餐廳樓下有間大型的超級市場，所以各團友就係這間超市大購物。
食完豐富的晚餐後就過關番香港，今次過關有架直通巴士在黃崗接我們過關，在關口前的停車場過車後，就直入海關，辦妥過關手續後，就直到我家樓下。這個休閒行程亦完滿結束！
每餐都唔少得的雞
這隻花卷新鮮蒸熟，而且係最後出菜的，但係都給大家清碟。
小香港~松湖煙雨~兩天遊
旅行社：遨遊天下日期：2008年9月20日至21日
費用：$698(連小費)
第 一 天
日期：2008年9月20日(星期六) 晴 炎熱
行程：香港 → 深圳 → 中山國父故居 → 蘆薈天地
→ 彩雲之南歌舞 → 東莞小香港 → 酒店
早上七時半在家附近集合，由於是地區辦的旅行，所以不用停站，很快便到了關口，而且今次是由文綿渡過關，更加快。
這是這兩日所坐的豪華旅遊巴喇～
中山國父故居
門前有三個好可愛的熊貓廢物回收箱
在故居隔離仲有座好大的孫中山紀念館
大門口前面有個孫先生的『天下為公』
行完後就去食午餐，今餐是三鄉風味宴，當然有羅白榚喇～
當地好出名同好搞鬼的瀨粉，個個夾到一枱都係
食飽飽後就去shopping，本來是去乜乜漁米之鄉，但係導遊話唔多順路，所以改去蘆薈天地。
買完野後就睇show，今次睇的是《彩雲之南》民族歌舞表演。表演場地前擺放了小數民族服裝。
睇完表演後就返酒店，本來是兩個鐘的車程，但是因塞車的關係用了三個多鐘才到。在坐車途中發覺好似仲有個小香港未去喎，原來所講的小香港就是東莞一帶多香港人居住的地方，架車係會經過，咁即係.........
到了酒店後已經七時多了，返房放底行李梳洗後就到酒店餐廳食自助餐，諗住五星級酒店，食物會好一些，點知.....
今晚入住的五星級酒店
自助晚餐
今晚住的房間，都幾大
而家新建的酒店好多都無浴缸，改為企缸
第 五 天
日期：2008年6月7日 （星期日 陰天）
行程：酒店 → 關西機場 → 香港
住宿：香港五星級的家
今天要十一時半到到機場 CheckIn，所以起床食完早餐．辦妥酒店 CheckOut後就起程到機場，由酒店去南海難波只須行十分鐘，但是要拖住個咁重的 29吋的大喼就有點困難，所以決定坐地鉄去南海難波，因大部份地鉄是要行樓梯的，所以早幾日已經找了有升降機的路線，如果唔係就行去好過。
原來由地鉄難波行去南海難波是要五分鐘的，好彩沿路都是平路，不太困難。去機場是要乘南海空港急行 890円，但是買了車票，入了閘後才知列車剛剛開出了，又要等二十分鐘才有下一班車；由於有了經驗，於是改乘二分鐘後開出的名古屋特急列車，打算在佐泉野轉車。
我是坐在車尾最後的坐位，可以看到車尾的職員，在幾個站後聽得那位職員不停說空港空港．．．（くうこう…），唔知點解，到站後見到對面月台有部列車停在月台，當時還慒然不知。開車後個職員好細心地走出來問我是否去機場，怕我唔識轉車，我指一指路線圖上的佐泉野，他即明白我是在佐泉野才轉車的，哦～原來剛才的列車也可以轉空港急行的。到了佐泉野後落車時當然要向那位細心的職員躹個躬多謝喇。
在佐泉野等車時才留意到我們追到上一班的空港急行，特急原來真的是快過急行好多的。等了兩三分鐘剛才那部空港急行就到，上車後不用五分鐘就到關西機場。關西機場的國際線是在四樓的，上到出境大堂找到了印航的櫃台後才知CheckIn時間是每班機起飛的兩小時三十分前才開始，但是我們十一時已經到了機場，於是呆等到11時半才開始辦手續check in 及放低行李。
無咗個大喼，成身鬆晒，又去行下睇下野，日本的機場會有一個怪現象，就是供日本人用的那部分是比較多商店的食店的。關西機場主要的商店及食店也一樣是在三樓的國內線那層，所以就乘扶手電梯落一層Shopping。
買完野後（當然無買和菓子喇，留番過咗關係免稅店才買）就過海關，可能還好早，所以並不多人，好快就過了安全檢查。臨上機前要去買和菓子做手信，但原來免稅店大部份都是賣煙酒及化妝品，只得好少和菓子賣，揀了幾款就算，坐了無人列車到登機閘口，等到夠鐘就上機番返香港了。
又係一樣的早餐
去機場的車票
佐泉野站有部列車係度等轉車
空港急行就到喇
這部空港急行車尾是位女職員
在機場商店的可愛招財貓，不同顏色代表求不同的事情
今次是坐 AI 315班機
好得意的公仔
機場手推車停放處
吸煙間，日本有很多地方不准吸煙
我們所乘的飛機
因是轉機，所以一到就有大批工作人員上機
飛機餐，唔好期望太大
就o黎到香港喇
臨降落的一刻
架飛機泊番個靚位先
手信～除和菓子外，仲買咗好好食的博多拉麵
在京都買的招財貓
這些招財貓是在機場買的
仲買咗隻招財青蛙添，好可愛
我就買咗這個光動招財貓
