今天本來打算到觀塘海濱長廊影黃昏和夜景，可是太陽伯伯大部份時間都躲在雲層裏，黃昏日落景色影不到，祇可以影夜景。
晚上吃過晚餐，步行到海濱花園，雖然天色已經黑了，但花園的入口亮起光亮的燈，而特色塔樓地標亦亮起變化顏色的燈飾，景色很美。在海旁邊可以遠望香港島，風景雖不及在尖沙咀海旁那裏看的美，但靜靜的環境，有微微的海風吹著，倒也不錯。每到30分和00分便會響起音樂，塔樓和地上的燈飾隨著音樂而變色閃動，地上散射著水霧，好像仙境般，好美啊！
遠遠看到國際金融中心和中銀大廈等中環地標，見差不多八時，故留下來希望可以看到幻彩詠香江，可惜距離太遠，加上厚厚的雲層，祇是隱約見到燈光在閃動。在海濱長廊遠留了一個多小時便離開。在回家前去吃糖水，怎料吃完糖水，竟然下雨，幸好有帶雨傘。
今晚我哋鋸扒
先嚟餐包同餐湯羅宋湯
我要咗美國西冷牛扒$98，哇～成八安士重，好大塊呀，我既牛扒比白熊既好食好多，級數高些少麻
白熊就食龍蝦肉眼牛扒$98，兩樣都唔差，不過牛扒當然無我既咁好食喇～
餐茶～凍奶茶同凍檸樂，埋單$216，都唔算貴
晚上既觀塘海濱花園著咗燈
一入去就見到塔樓地標，好光猛
旁邊矮的四方體既燈飾都好靚
最鍾意呢個角度，變化不同的燈飾，超靚！
在海旁望出去的港島東區，海中間還停泊了艘郵輪
海旁的木板行人路都著咗燈
哇！音樂響起喇！
地下變化顏色的燈飾，而且還噴「煙」，都係好靚呀
連這小小四方體的頂也冒「煙」
五光十色的水霧出口，好靚！
好似仙境咁～～
八點鐘，做緊幻彩詠香江，不過就剩係見到國金和附近啲大廈光咗啲，其他就乜都睇唔到
回家前到咗呢間糖水店食糖水，幫襯過呢間幾次，啲糖水大部份都唔差
白熊要咗熱紫糯米加豆腐花同花奶，幾好味
我就要咗三寶湯圓～芝麻、花生同奶皇，湯圓係即叫即整，所以要等耐些少，不過就真係好好食，誠意推介呢間店舖既湯圓，超正～
睇下奶皇湯丸，好似咸蛋黃咁樣～
。花園內還有不定時噴射的水霧、看台、小型表演場地和兒童遊樂場。而園內一半的地方都種滿樹木和舖了草坪，環境很不錯。這個長廊亦是釣魚和放風箏的好地方，下次要帶齊工具來釣下魚。
