chris 的小小世界: 15年新加坡四天自由遊 Day 2

日期：2015年11月29日（星期日）

行程：酒店 → 小印度 → 哈芝巷 → 牛車水 → 新海山海鮮館(晚餐) → 酒店

　　今朝瞓到九點才起床，梳洗後乘地鐵到小印度，到黃細亞肉骨茶和發起人肉骨茶食早餐。在NE8 Farrer Park（花拉公園）站B出口，要行十幾分鐘才到，在這炎熱天氣下，說真都幾遠幾吃力；到了發起人肉骨時已經11點多了，所以決定不去黃細亞，只在這裡食肉骨茶。

今日要幫ＭY MTR CARD增值，儲值方法：先把卡放在讀卡器上，就會顯示還有幾多錢，選右邊的儲值

選金額

把紙幣放入機內就完成

新加坡地鐵站內有洗手間和免費WI-FI

在小印度行去食早餐時經過一間公司，門口竟然有尊兵馬俑

　　雖然時間尚早，但店內已經坐滿了人，我哋揀咗近門口的坐位，坐底後侍應先給我們擺放碗筷，當然有兩份濕紙巾啦，由於白熊已預先準備了濕紙巾，所以不打算用；點咗野食後好快就送上，效率真高。這間肉骨茶的胡椒味很重，有些辣，幸好還可以，我和白熊不加湯，至於排骨肉很夠稔，唔韌。

終於行到發起人肉骨荼，等我睇下有乜野食先

好多野食啵！

有碗熱水可以用來洗碗筷

雞公碗，在香港已經很少了

濕紙巾($0.3一包) 如不用可以退回給服務員，不用收錢

可以按鐘叫服務員，坐外面不怕沒有人招呼

店內已經滿了人，幸好早點嚟

牆上貼了很多老闆和名人的合照

有得食啦～

肉骨拼排骨$8.5

豬肝拼豬腰$7.0，加埋白飯($0.8)和油條($2.5)，埋單一共$18.8

　　食飽後原路行回地鐵站，跟住就行去小印度，天氣真的很熱，再加上食咗肉骨茶，身體發熱，大汗疊細汗，真的頂不順。行行下睇到有間店舖有椰青賣，當然要買番個嚟飲下消下暑，入到店內見到好多大大小小的椰青，我們買了一個細椰青$2.0（本來是想買兩個細，但店主聽錯，只給一個），幸好買了一個，原來細的也有很多椰青水，我和白熊差啲飲唔晒。

　　飲完椰青水，休息一下就繼續行程，但係行咗十幾二十分鐘發覺有問題，點解行極都未到呢？睇下地圖和指南針，才知道原來在賣椰青的店舖那裡應該轉右，但係我哋就直行，行錯路！我哋唯有原路行番轉頭，途經City Square Mall，個人已真係熱到成身汗，都係入去食少少野嘆下冷氣先。

街邊有好多這樣的垃圾桶，原來是給地下的住戶使用，每個都有號碼

單車停泊處

很整齊，還有車架可以泊兩層單車

小印度

好熱，飲個椰青水解下渴先

小印度大部份的屋都是兩層高的平房

行錯路時無意中見到美芝律剪刀剪咖哩飯

用較剪將啲肉剪碎，不需刀

新世界City Square Mall

入到去首先幫親下個洗手間，唔知係唔係因為在小印度區，個洗手間不是太乾淨，又無廁紙供應

洗手間出面有個洗手處，天氣熱只洗個面就方便好多

這個商場很大，三樓有大食代，不過我哋未肚餓，無幫親

在大堂竟然有架小火車行駛，誇張

窩夫雪榚店，在這裡食個甜品先

不知是時間問題，或是這區的人不太喜歡食的關係，一個顧客都無

好味美咁喎～

可以任加各款朱古力

地庫的超市～FairPrice

購物車有鏈相連

要入一蚊才可以攞到車仔用

　　食完野休息了一陣後，逛下個商場，原來這裡有間好大的超市FairPrice，超市的購物車是有鐵鏈鎖住，要入一蚊才可以攞嚟用，買完野後把車放回原位就可以取回一蚊，即係俾一蚊按金。

　　差不多一點半有多，比預計時間遲了很多，而我和白熊又很攰，商量後決定今日不去碼頭遊船河，只行小印度、哈芝巷和回牛車水行下和食晚餐。

　　離開商場，行番正確的路，沿途有很多店舖，好多貨物擺放係路邊，只得很少路給人行，而且路上有好多人，我哋最終都係要行出馬路。其實小印度的店鋪賣的都是一些手機、玩具、金飾和成衣，並不吸引；行了半小時終於到了竹腳中心，我和白熊已經很肚餓了，係時候食午餐。

終於行番正確的路線，原來有蓮花花牌的就係

這裡的都係兩層舊式平房

安古利亞回教堂

維拉馬卡卡拉曼廟

寺廟附近一定會有鮮花店，因為當地人係用鮮花祈福

印度拱廊

門前有神像出售

小印度有好多時裝店

在店前有衣車可以即時改衣服

金鋪也有很多

真係當鋪多過米鋪，沿途我見過很多間當鋪，但係一間米鋪都未見過

經過一間榚餅店，有很多不同的榚餅出售，睇落都好好味咁，不過無買嚟食

　　竹腳中心有很多東南亞食品，但環境就有些污穢，中心內地方很大，有很多不同的食店，可以說花多眼亂，最後選了椰漿飯和串燒做午餐，味道只是一般。食飽後就向哈芝巷進發，雖然由竹腳中心行去武士吉區不是很遠，但是因為太曬和太熱的關係，去到哈芝巷已經成身汗了。

　　在網上睇有關哈芝巷的資料，還以為在巷內有很多塗鴉，但原來大部份都是時裝店和酒吧，只有最後一段才有塗鴉牆，有點失望；原本順路到裕佳西餅店買斑蘭蛋糕和榴槤蛋糕，但是去到時店鋪沒有開門，看門上告示才想起店鋪是逢星期日休息，真係失敗！

竹腳中心

有不少網友推介這間椰漿飯店，我哋在這間買了午餐嚟食

無去到巴剎食串燒，係呢間買啲串燒嚟食下

都唔平架，最少要買10支

買齊野食，可以開餐，椰漿飯$2.0，蔗汁$1.5

沙爹串燒$5.8

新加坡的馬路設計都幾好，除了有紅綠公仔外，還有顯示轉燈時間

哈芝巷

呢度都有金鋪？

很特別的信箱

哈芝巷有很多酒吧

塗鴉主要在巷尾

很有宗教色彩

行完就去買蛋榚食，途經馬拉巴回教寺

入口兩旁有八面浮雕

內容都是有關宗教的

裕佳西餅店

門口貼有各款蛋榚的價錢，餅店星期日休息，無得買

回程時才見到ZamZam

　　乘地鐵返酒店，洗個面休息一陣，出發食晚餐。先在牛車水逛一逛，然後才行去新海山海鮮館食晚餐。原來由酒店行去都幾遠，而且沿途有很多工地，邊行邊諗食完點行番酒店？最後決定回程都係乘的士簡單和方便。

　　到了新海山，服務員安排我哋坐在路邊的坐位，我諗緊點解唔可以坐入店內呢，有冷氣喎，細看一下，原來店內只有大枱，全都是四個人以上枱，所以安排坐外面。等我哋睇下餐牌有乜野食先，諗住點黑椒螃蟹和麥片蝦，但係餐牌內祇印上時價，於是問服務員，跟住順利下單。

　　食物很快送到，整體食物的味道唔錯，食完真係好飽，之後乘的士到唐城坊行下超市入貨，滿載而歸後返酒店，執下戰利品，今日行到成個人散晒，梳洗完就上床休息。

葉亞西廸維納雅加廟