日期 : 2010 年 11 月 27 日 (星期六、天晴)
近日天氣涼，最好是走去享受大自然的風光，這個周末我們選了去郊遊，今次遊香港仔水塘至香港仔（香港仔水塘道、自然教育徑，上下水塘水霸），順道去埋警察博物館參觀下。
香港仔郊野公園內設有多條郊遊徑，包括四色郊遊徑、香港仔自然教育徑及香港仔健身徑，港島徑的第三段及第四段亦設在公園內。香港仔水塘亦是在郊野公園範圍內，按道路指示牌的資料，這個行程約為三公里，需時約二個鐘，是難度低的路線。
今早十時多出發，先乘巴士到金鐘巴士總站，然後轉乘城巴15號巴士上山頂，在灣仔峽站下車，一落巴士就見到警察博物館指示牌，十分易認。在落巴士時見到其他同站下車的乘客在八達通機上拍了一拍咭，覺得有些奇怪，回家上網查一查先知原來15號巴士有分段收費，在灣仔峽落車祇收 $7.2，落巴士時拍一拍八達通就會回贈 $2.6，唉！可惜我現在才知
。警察博物館建於灣仔峽公園旁的小山丘上，我們先到博物館，參觀是免費入場，館內不准影相。博物館分為歷史展覽廳、三合會及毒品展覽廳、「警隊今昔」展覽廳、專題展覽廳及舊式海洛英製毒工場等，展示很多珍貴照片、古今槍械、警隊制服、犯案者的手法和工具、當年三合會的活動情況等等，還有展出兩位警察機械人「機靈先生」。
看罷展覽，順道借用洗手間後，我們便正式出發。我們在灣仔峽公園旁的香港仔水塘道進入郊野公園，沿途都是石屎路，路面十分平坦，非常易行，祇是頭尾有兩段路比較斜，要慢慢行。不過離開香港仔水塘，經漁光村到市中心的一段路就非常斜，要用「低波」落斜才安全，行了約兩個多鐘就到香港仔，找了間餐廳吃過午餐，便乘巴士回家去。
灣仔峽公園前的15號巴士站
由灣仔郵政局旁的灣仔峽道，可以行到這裏，不過我地就搭巴士嚟
巴士站旁有警察博物館指示牌
路口就是灣仔峽公園
行右邊的路去博物館，不過前段是沒有行人路的，我啲穿過公園後才可以繼續行
行不用一分鐘就到，路旁還放置有一座大炮，這大炮是東印度公司設計，由英國的貝利．佩格公司在1830年左右鑄造，即係已經有180年歷史了
條樓梯好長呀！
樓梯中段放有1960年代的交通指揮亭，係古董嚟架
行完樓梯後在路旁見到有座博物館的模型，原來這裡不是好大
正門，裡面是不可以拍照的，睇完就行返去公園
正門旁還有一座大炮
返到灣仔峽公園後就行右邊的金馬麟山道
行一陣在右邊就見到香港仔郊野公園的入口～香港仔水塘道
沿途都是石屎路，很易行，見到第一個路口，我地沿右邊的石屎路繼續行
左邊是行去布力徑的
繼續行多一陣就到松鶴亭，我啲就係呢度休息一陣和食點小食，當然又係麵包喇～
燒烤場，在路的左面，都幾隱蔽喎
右邊係直接行去香港仔，今次係行自然教育徑，經上下水塘，所以我啲繼續向前行
有腳底按摩喎
原來係石春路
這條路設有多個健身設施，這個係袋鼠跳，乜唔係兔仔跳咩？
上水塘水霸，我啲到咗喇～
這個水塘不是很大
香港法定古蹟香港仔水塘四項歷史構築物之一及二～香港仔上水塘水壩和香港仔上水塘石橋 ，均建於1931
第三是香港仔上水塘水掣房 ，建於1931，受義大利文藝復興風格影響，是實用主義建築
過了水霸後有個好大的燒烤場
過了涼亭後有自然教育徑的指示牌，這個路口在燒烤場內，如果不是有指示牌的話就很難發現
自然教育徑內得很少的路牌，初段有些擔心有無行錯路，行了十分鐘見到這個路牌，知道沒有行錯路
這條路是一條石屎小徑，行得不是太辛苦
途中還可以看到太平山頂的風景
我啲行右邊路，指示牌話仲有10分鐘路就到下水塘
終於行到終點喇～下水塘水霸
望番轉頭見到香港仔自然教育徑的大路牌
香港法定古蹟香港仔水塘四項歷史構築物之四香港仔下水塘水壩，建於1932，前身為大成紙廠私人水塘。角落位的一座單層小型紅磚建築是香港仔下水塘泵房，被評為香港三級歷史建築
香港仔下水塘水掣房，為一座正方形建築，有一小橋連接水壩，是香港三級歷史建築
過了水霸後見到有地圖，睇下先，原來我啲係行咗紅色線果條路，行咗一個大運，如果係上水霸前的路行到嚟依度祇需15分鐘咋
行到去香港仔舊大街搵野食，今日的午餐係呢間餐廳食
過了食飯時間，間餐廳無乜人，點完野食啡白熊例牌影番張相留念
有野食喇，蒜蓉法包
雜菜湯，隻杯就好大，湯其實唔係好大碗
忌廉湯
我既套餐～碳燒薄西冷牛扒配天使麵，$53蚊
白能啲芝士焗挪威三文魚意大利粉，$48蚁
餐茶和不知名的甜品，但甜品一啲都唔甜，祇食咗少少，整體這餐不過不失，都唔錯
沒有留言 :
張貼留言