行程：酒店 → 東武ワールドスクウェア → 日光江戶村 → 浅草 → 新宿 → 酒店
住宿：新宿アーバンホテル
今朝七時就起床，梳洗後就到餐廳食自助早餐，自助早餐的味道也不錯，款式又多。食飽後走出酒店影相，順便睇下出車站的巴士班次，之後返房休息一陣，約九時半便執行李落去 Checkout，落到去在櫃台時，有些人排隊等緊辦手續，等了陣才輪到我哋，交番鎖匙和付了房租後，便到酒店外面等巴士。架巴士好準時，大家上車後齊人就開車到車站，落車時把昨天在觀光服務中心給我哋的免費乘車券交給司機就可以，不用付車資，每人慳番 180円。
到了車站，找個Locker把背囊安頓好，然後到觀光服務中心問下有關東武世界廣場（東武ワールドスクウェア）及日光江戶村的資料，點知服務櫃台給了我哋兩張一日乘車券，話今日有全日免費乘巴士到東武世界廣場及日光江戶村的巴士，又可以慳一筆，真係好驚喜。本來諗住唔去日光江戶村，但原來去江戶村的巴士係會經東武廣場的，一場嚟到，而且兩處都有優惠，所以決定去埋。
我哋先到東武世界廣場，離開車站後到 3 號巴士站乘去江戶村的巴士，第二個站就係，約 10:40 就到東武世界廣場，落車時祇須出示一日乘車券就可以。落巴士後見到正門前有些積雪，又忍唔住玩下雪先，之後到正門旁的售票處買入場券，原價 2500円，用優惠券買只須 1500円，平了 1000円，而且還送了兩張熱飲券給我哋添。
東武世界廣場其實以 1:25 倍的比例把世界名建築物展現在你眼前，廣場一共分六區：現代日本園區、美國園區、埃及園區、歐洲園區，亞洲園區和日本園區，這裡的展品手工很精細，很靚，而且建築物遠睇同真得無分別。我為這裏每一個展品都有影相，今天成了這個旅程影相最多的一天，揀選了部份相片跟大家分享。
今朝的早餐券及返鬼怒川溫泉駅的免費乘車券
自助早餐，款式也有很多
味道都唔錯，這餐又食到好飽添
餐廳前的扭蛋機，獎品都幾吸引喎
酒店前的商店，可能太早的關係，仲未開門營業
巴士時間表，最遲班車係十時，十點前 Checkout 就剛剛好
返房休息時出窗睇下，露台積咗啲雪，原來昨晚有落雪
四周景物的積雪比昨天來的時候還多
大堂放置了東照宮陽明門模型
酒店的正門，等巴士時才有時間影
返到車站後租了個細 Locker 300円放好行李和手信
係 3號巴士等巴士去東武世界廣場
尋日無影過車站周圍，影番張相留念
我哋就係乘這架巴士到東武世界廣場
我同白熊在雪地留下的足跡
東武世界廣場正門
售票處
買了票後就入去，入到去係迎賓廣場，這裡是紀念品店及食店，不用入場券的，在迎賓廣場內給我發現紀念印
影下張入場券及熱飲券先入場
廣場入口
一入去轉右行係現在日本園區，東京～国会議事堂
東京駅
這個展品很大，亦很細緻，連電車都有埋
東京圓頂體育場，即東京巨蛋
国立代代木競技場
睇下連細細個的人仔都做得好精細
東京國際機場
機場Terminal 2
停泊了很多飛機～模型
這架日航機個機頭升起上落貨物，真的一樣
東京鐵塔
富士丸
高速公路
跟住係美國園區
笑吓喇～
地底水管工程
帝國大廈
在大廈外牆的抺窗工人做，這裡的人公仔個個都唔同樣的，很利害
國際貿易中心大廈
自由神像
白宮
白宮前的噴水池，真係有水噴出嚟架
一見到金字塔，就知道到咗埃及園區
金字塔有冰河？若果係真就嚇親人
人面獅身像
阿布辛貝爾神廟，連破損的地方也做到一樣
神像前的人仔，都有好多遊客喎
接著到歐洲園區，這裏是希臘的巴特農神殿
梵蒂岡聖彼得大教堂
圓形外牆上的石雕
意大利的比薩斜塔
意大利米蘭大教堂
在這東武世界廣場行了一圈，好似環遊咗世界一次咁，在這裡逗留了二個多鐘，見時間差不多了，而且還未食午餐，約下午一時就離開，在迎賓廣場食完午餐後，就乘巴士到日光江戶村。日光江戶村的入場券原價係 4500円，現在憑春節優惠券只須 1500円，真係咗平好多呀。
約 13:50 到日光江戶村，買了入場券後就開始遊覽，可能今日是平日，所以不是有很多人，都很冷清。因要趕乘鬼怒川溫泉駅開出的 15:49 區域快速到淺草的電車，所以祇係趕緊腳步四圍行下和睇了一場表演就走，約下午三時就離開，乘巴士返到鬼怒川溫泉駅。
法國巴黎聖母院
背面
法國埃菲爾鐵塔
法國撒客萊克爾教堂Sacre-Coeur Church
行行下見到有飲水機，旁邊仲有個cute公仔添
西班牙聖家堂
後面仍然有建築工程
法國凱旋門
英國西敏寺 Westminster Abbey
大本鍾/國會大廈 Big Ben-Houses of Parliament
亞洲園區，柬埔寨吳哥窟
中國故宮
有個巨人呀，故宮前放了個 1:1 的兵馬俑
中國天壇
中國敦煌莫高窟
中國雲崗石窟
萬里長城
長城上有幾個人喎，Zoom 埋去睇下
原來係唐僧五師徒，不過係日版的，睇下沙僧竟然係河童
台灣高雄龍虎塔
韓國南大門
啡白熊要同南大門影相喎，擺埋一齊又幾似真的一樣
日本園區，日本奈良唐招提寺
日本奈良藥師寺
日本奈良法隆寺
寺內的五重塔
日本京都鹿苑寺金閣
有金閣當然有銀閣喇，日本京都慈照寺銀閣
日本京都平寺院鳳凰堂
日本京都清水寺
日本廣鳥嚴鳥神社
日本兵庫姬路城
日本長野旧開智學校
日本北海道札幌時計台
日本北海道旧北道廳舍
動物公園
行到這裏就剛剛好行了一個圈，在入口處的球原來係會打開，裡面有一隊公仔樂隊演奏音樂的，臨走時剛好欣賞到
演奏完喇，走去食午餐
就到這間迎賓廣場食店買野食
用熱飲券換了兩杯忌廉湯及買了兩個熱狗 650円做午餐，忌廉湯很好味，個身好凍，飲杯熱湯真係正
行返去巴士站等巴士去日光江戶村
日光江戶村售票處
入場券原價 4500円，現在只係 1500円，真係平咗好多
買了票後入場
入口有個武士看守，要出示入場券才可以通過，唔係小心會被佢......
江戶村係以模仿江戶時代的建築物和人民的生活模式的，水井
神社
小食店，村內很多商店都沒有營業
因果車
行完日光江戶村約下午三時就離開，返到車站後乘 15:49 區域快速返淺草，需時約 170分鐘，哇～差不多要成三個鐘頭。晚上六時半到淺草，然後乘東京メトロ銀座線渋谷行到神田駅，再轉乘車ＪＲ中央線快速返新宿，返到新宿已經差不多七點半，成個人散晒，先返酒店辦 Checkin 手續，酒店職員已預先把寄存的兩個行李喼送了上房間，真好！
今日入住的房間以為是原本的房間，但職員給鎖匙時見到房間號碼唔同咗，上到房間先知原來唔係雙人床房，而係一間標準兩人房，間房好大間，仲有張梳發添。放低行李休息一陣，就出發到松屋食晚餐，這餐麻麻地，因為咖哩飯實在太辣了，食了一半已經成身汗，最終放棄剩下的一半，食完飯後就返酒店休息。
水車小屋
以前的人就係用水車來磨米
好長的樓梯
甲賀忍者屋，唔知係迷宮定係鬼屋，無入去玩
旅籠
這裡有間天滿宮
裡面係供奉管原道真公的金身像
側旁仲有佢隻守護神牛添
寶船
在這裡可以試玩江戶時代的玩具，竹馬和鉈羅
這位女士就一邊唱歌一邊玩雜耍
両国橋
忍者資料館
忍者怪怪亭
這裡的屋建築得很特別，歪歪斜斜的
活動寫真之里，無行上去
大忍者劇場
大家估下這是甚麼，原來係洗手間，不過可以放心，裡面係現代的模樣，十分乾淨
手裏劍道場，無人幫親，這位人兄好得閒
傳統劇場両國座前掛了兩個達磨
両國座的水藝座
射箭場
大五郎的手推車
中間廣場的表演台
剛好有場表演～火の見橹
雖然唔明佢地講乜，但係都估到內容，左邊的伯伯最搞鬼，表演途中無端端走去同細路女玩，點知搞到個細路女喊晒
這個表演有好多特伎架，都唔錯，睇緊表演時發現在觀眾當中也有來自香港的，日本真係細
亀屋善八，裡面係賣傳統的玩具
手配書，即係通緝令
日本傳統文化劇場
日本橋
Nyan-mage 劇場
行上橋影下相先，這條橋都幾靚喎
另一邊
落了橋走時見到有人用傳統方法修補門窗
江戶村的街道，成條街都無人，好冷清
其實這條小街都幾有特色，有個忍者呢埋係度
將棋
在両國橋上見到這裡的吉祥物～ Nyan Mage，不過無乜遊客同佢影相
變身大作戰，可以變成江戶時代的各種人物，最貴係花魁，要五萬円，平平地的都要幾千円，價錢都幾利害
約下午三點半就返到鬼怒川溫泉車站
返到鬼怒川溫泉駅等電車時，見到有架特急停咗係月台
趕住入閘忘了買野食，好彩在下今市等其他的車廂時，有小販上車賣便當，當時我十分肚餓，一聽到 「ベントウ」就立即起身走去買，要坐成三個鐘車，如果無呢個便當的話就一定餓死，不過有少少後悔點解唔買兩個，得一個都唔夠兩個人食呀！
睇唔出這個牛肉便當950円係咁好味的，而且仲有個溫泉蛋添
日落，這張相係在電車內影的，影了幾張相得呢張相見得下人咋
返到新宿已經天都黑晒，晚上氣溫有五度，由於剛從鬼怒川返嚟，所以唔係覺得好凍
今晚晚餐在松屋食，買了食券後坐底等食
白熊要牛肉野菜套餐(牛めし野菜セット) 460円，很好味，但係我就.....
我的咖哩飯 540円，好辣，頂唔順，只係食咗一半
這兩晚訓的房間，比之前的大好多
仲有張梳發添
不過洗手間一樣咁細
今晚宵夜，因在松屋食唔飽，所以買了兩個飯團做宵夜
沒有留言 :
張貼留言