早前在網上瀏灠時，見到青青世界這個地方，原來它是於95年5月開業，位於深圳市大南山，是「鵬城十景」之一，看樣子那裏的環境不錯，佔地面積約20萬平方米，是一個以休閒度假為主題的觀光農場，於是決定找個周末去度假。
王氏港建旅遊是青青世界酒店香港地區總代理，早前致電查詢了訂房細節，知道若有房間，可以出發前一天才預定也可以。由於近日天氣不穩定，經常下雨，故打算出發前一天的早上才致電預定房間。由於距離入住的日子近，故旅行社不會即時預留房間，需要先付款，才會發電郵到酒店訂房。午飯時間，經ＯＫ便利店交了費用，電郵收據給旅行社，再多等兩個鐘左右，房間落實了，祇需打印訂房單，今天便可以用來checkin 。
今天早上七時就起床，梳洗和食過早餐後，便乘永東過境巴士到皇崗，08:23上車，09:00便到了香港海關，不用十五分鐘便過了關，十分快捷。然後到的士站乘的士到青青世界，車費RMB60，車程約25分鐘，未夠十時就到了青青世界。
由於很早就到，所以諗住先入園行一陣，點知去到入口處時工作人員話要先到酒店的接待處辦手續，然後才可入園。職員教我們穿過隔離的田園餐廳，然後乘電梯到五樓的接待處，但我們去到了餐廳，不知該怎樣行，最後誤打誤撞地由餐廳旁邊的小路行上山，然後沿車路直行就到酒店五樓。辦了手續後，交低RMB200的按金，櫃台職員給我們房匙、房咭和明天早餐券，可以即刻有房攞，真好！而房咭就等於這兩天入園的「無限次使用入場券」。
我們住的是主樓雙人房，在接待處祇需落一層便到，入房放低行李就入園玩，在升降機的指示牌看到在一樓可以去到田園餐廳的，所以就乘升降機到一樓，沿指示牌行到田園餐廳二樓，出了餐廳不遠便是青青世界的入口。講真，若果不由酒店出發按指示行，真不知原來田園餐廳內是可以行去酒店。
我哋先到售票處旁的豆腐坊飲豆漿和食豆腐花，每樣5蚊人仔，但豆腐花祇是極一般水準，而豆漿就好搞鬼，我們要凍甜豆漿，職員竟然在凍豆漿內加砂糖，於是砂糖沒有溶在豆漿內，可想而知是怎樣味道。飲完咁難食的飲品後就開始入園玩。今日不是太多人，園內可以看得出花了很多心思，而且四周都種了很多花。
行到下午一點就打算到田園餐廳食午餐，點知這個時間有很多人，需要等位，於是改到紅房子西餐廳食午餐，這裡的西餐價錢祇是平香港些少，不過食物水準都可以接受。
青青世界售票處前有棵百年古樹，不過已經倒塌枯萎，外面果層是真的樹皮，但是裡面就係石屎
售票處
旁邊的青青世界地圖
售票處斜對面的田園餐廳
餐廳入口旁有很多隻白山羊石像，隻隻都唔同，又幾似真喎
酒店五樓的接待處
接待處前的回收箱，外型幾得意
今日入住的雙人房，都幾大幾乾淨
有電視機和雪櫃，都OK
近露台有張安樂椅
露台個景都唔錯，好開揚
豆腐坊
睇下餐牌先，有牛肉麵食喎，原來要行入啲，係茶藝館先有得食
係呢度點了兩杯豆漿同兩碗豆腐花
呢度的枱櫈係用樹幹做的，好有大自然 Feel
凍甜豆漿～在豆漿內加砂糖，飲果時啲沙糖根本唔溶，完全唔甜，至於豆腐花，祇係加咗糖水，沒有黃糖，唔係好夠甜，亦唔多夠滑
開始入園玩，釣魚區，除了要租魚杆之外，釣到的魚係要收錢的
都幾多人係度釣魚
用汽水罐做的牛
有生果賣，啲荔枝好鬼貴，糯米滋要成 30蚊人仔
路旁的木屋仔，好似只係用來裝飾，沒有用途
小型滑梯，不過無細路仔玩，點解呢？
原來旁邊有個海盜船滑梯，梗係玩呢個大架喇～
海盜船旁的木船，放在沙地上唔通想沙上行舟
沙地上有多個不倒翁給兒童玩
沙地另一邊係森林小學
一入去就見到龍頭水泉
森林小學係介紹有關植物知識，還有個仙人掌園
睇完後行番出嚟，在森林小學前的心形牆，有好多情侶係度影相
行到攰攰地，坐下先，櫈背係隻大手錶，不過係假的，唔會行
白雪公主和七個小矮人，細路仔最鍾意同佢地影相
蝴蝶農場，之前睇過其他人的遊記話裡面唔係好多蝴蝶，所以不抱太大期望
入口旁的馬和人的石像
裡面都幾焗，一直行到最後就見在個噴泉
裡面真係唔係好多蝴蝶，好彩都影到幾隻
在出口處有好多蝴蝶標本
柑桔鳳蝶幼虫，等我搵下先
唔知依兩條係唔係呢
羽化蝶蛹，不過裡面的蝶蛹已經係全部羽化了
亞馬遜河魚類展
海象標本，哇～好大條魚呀
有好多豬籠草
有個大水池養了好多條海象，呢啲係真架
這條好大條呀～利害
文心蘭，開得好靚呀
錦鯉池
啲魚一見到人就會游埋嚟，梗係喇，有好多人餵佢地
果汁屋，本來想買杯果汁飲下，但係無乜野啱，而且唔係用渣汁機渣汁，而係用攪拌機加水攪成的，都係買汽水飲好過
裡面環境都幾舒服
熱帶雨森，要行約三十分鐘
好多小白兔
好拱的木橋，要好有勇氣先可以行過去
孔雀園
唔知係唔係太熱關係，啲孔雀係晒陰涼處抖涼
除了孔雀外，還有幾隻鴨仔
老鼠迷宮，養了好多隻白老鼠
蜥蝪，頭昂昂咁，係度諗乜野呢
行行下見到告示牌話前面大雨，乜有雨落咩
不過叫人一定要帶傘，我哋都攞番兩把傘，行行下先知原來前面係有人工雨，形做出熱帶森林的環境，好彩有攞度把傘姐，
侏羅紀公園係熱帶森林內，不過因下著「雨」，影唔到相，只係影到這張相
行完熱帶森林後，睇下路牌路先
好長的鹿車，上面放了好多花盆
好多隻鴨仔係度洗身，好可愛
在田園餐廳找不到位，於是行去紅房子西餐廳食午餐
裡面唔係好多人，坐底點了野食後梗係要同下啡白熊影下相喇
跟餐的餐湯
我點的黑椒牛肉飯 $38，做法同 Pepper Lunch差不多，上菜時侍應會幫我將飯同牛肉撈好，味道都唔錯，不過都好濃味，食咗幾啖後攞咗白熊個餐果碗飯加咗一半撈埋，味道就剛剛好
白熊的日式燒鰻魚餐 $38，味道都 OK
天氣熱，白熊叫了杯草莓沙冰 $18，不是用真草莓做，都要咁既價錢，真貴
天氣好熱，行到成身濕晒，食飽飯後就返房間嘆冷氣休息下，約下午三時再入園玩。諗住影下木屋同樹屋，所以先到酒店五樓，然後到木屋區影相，不過有告示牌話唔係住客唔可以行上去，所以祇在路邊影下相，至於去樹屋的路有閘門，連行去都唔可以。
影完相後就入園，今次在酒店前停車場旁的車路入園，青青世界的住客可以憑房咭由這裡入園，入園後行到五時半就返房休息一陣。六時多到田園餐廳食晚餐，餐後味精鑑別專家白熊話唔覺口乾，應該味精不多，而且味道也不錯。這裡的價錢祇是平香港少少，點了三個菜連茶介加一埋單要131蚊人仔，食飽後就返房休息。
主樓對面的木屋區
在樹叢中的木屋
入園後行行下見到有隻鴨係度行街
鴨小姐，你去邊呀?
向右轉到榨油坊
在水池引水流入榨油坊
然後推動水車
動力傳到磨機
磨碎後就入這個木柱內，再加人手壓榨出油
吊橋，睇落都幾驚
都係行隔離的木橋過對面
搖擺飛龍
行一陣就見到陶瓷做的算盤
跟住行入間爛屋，不過入面無野睇的
由另一條路行番嚟，有幾個陶公仔
地下有個陶瓷做的圖案，都幾得意
再行入去就係陶藝館，這些是遊人做的陶瓷
呢度祇得兩部陶瓷機，人多真係有排等
行行下聽到有音樂聲，知道表演開始了，這次表演係破銅爛鐵打著玩
表演都幾有聲勢
睇睇下有啲似韓國的亂打，不過就簡單好多
生態園藝館
門口的恐龍石像
青青世界有設有好多洗手間，這裡都有
放正係入口的南瓜車
館內其實無乜野睇，木做的機械人
二樓展出多種昆種標本
行完就沿車路繼續行，路旁的吊瓜樹，樹上長了很多好似腊腸的長瓜
路旁的大樹上種了很多蘭花，啲花開得很美
跳舞蘭，朵花都係好似個女仔係度跳緊舞，好靚呀
另一邊就種滿了花
金苞花
瓜果公園內的城市農夫，這裡有農地出租給人耕種
瓜果公園內種了很多瓜果，有告示寫住不可以觸摸，但係見好多遊人都無埋照摸
長柄葫蘆和冬瓜
南瓜
瓜棚上長滿了很多瓜果
在這裡見到好多番茄在地下，而有些瓜爛咗都無人埋，看來這個瓜果公園內的瓜果只係用來給遊人參觀
瓜棚隔離有個大南瓜田
有好多超級大的美國超大南瓜
紫圓茄，圓碌碌，又幾得意
行完後就行番轉頭，民藝廣場，這裡放有好多民間小玩意給遊人玩，單輪車
番鹼水，見好多細路係度吹波波
鼓
乜野嚟呢，見到有人伸個頭和手入個窿度先知
農具展
石磨
風谷車
龍骨水車
見有些肚餓，去了茶藝館食小食
在樓梯旁有棵木菠蘿，樹上也有好多個，木波蘿即係菠蘿蜜
本來在入口的睇完餐牌先上去，點知行到櫃台時，看到餐牌有啲唔同，有些少失望，最後點了魚蛋、豆腐干和香腸 10蚊人仔
見有些口乾，另外要了冰紅茶 6蚊人仔
食完後就繼續行，情侶屋
用木板做的動物，我覺得似狐狸
狼
廢物利用，風扇做的椅
行番到入口附近的石春路
這個係八掛圖案
路的盡頭係一個八掛形的石春浸腳池
浸完腳有干腳機吹乾隻腳，設施都幾齊
時間差不多，先返房休息，影番張日落影先，可惜太陽還很猛，效果唔係幾好
肚仔餓喇，去田園餐廳食晚餐，未點野食先上三小碟前菜，好彩都係幾蚊一碟，唔係太貴
半隻白切走地雞 40蚊，啲肉好有彈性，不過雞味比較淡
本來係要客家豆腐，可惜沒有，改為彭家豆腐 28蚊，豆腐很滑，不過醬汁很濃味
另外要了一碗白飯，上枱時見係用瓦砵蒸的，本來好高興，但係食落係祇係暖的，蒸熟咗好耐，有些少失望
等了好耐先嚟嘅雙瓜煮魚蛋 28蚊，瓜係聖瓜同木瓜，啲湯很魚湯嚟架，好好味
魚蛋係包心的，魚肉夠彈牙，唔錯，埋單連紙巾前菜加一共 131蚊人仔
食飽後返房，見個夜景幾靚，影多張相留念
沒有留言 :
張貼留言