第 三 天
日期：12-02-2005 星期六 晴
行程：旅館→平和公園→森林家族滑雪場→涉谷→歌舞伎町
→東京太子酒店
膳食：早餐：旅館自助餐 午餐：滑雪場食日式Shabu Shabu
晚餐：韓國火鍋自助餐
06:30 Morning Call， 在日式旅館食自助餐， 食物水準比東京 d 酒店好。
08:00今日大家好準時，準時八點出發。
08:30 富士山展覽館 ， 但是目的不是入內參觀 ， 而且都未開門 ， 當日天氣十分好 ， 個導遊話在展館附近影富士山先 ， 我們在展覽館頂影了好多相 ， 在返上車前再在雪地玩了一陣雪。
09:00 平和公園 ， 要上一段斜路 ， 都幾辛苦 ， 好不容易才到公園 ， 在這裡最主要目的是睇富士山 ， 加上日式建築物 ， 又有另一番美景 ， 在早上 10 時後已經睇唔到山頂，成個天已滿佈雲層了。
早上的山中湖景色
左邊有好多湖邊旅館
初早的富士山
富士山展覽館
富士山區的地圖
平和公園
原本的古老大鐘
另外造一個比人打的祈福鐘
日式寺廟都有的水泉
有好日本風味的富士山
裡面有香港的石像
好靚的松樹
10:00 森林家族滑雪場 ， 原本是去真的滑雪場 ， 因沒有人懂滑雪 ， 所以到這個滑雪遊樂場玩滑雪橇 ， 用了 700 円租了一個來玩 ， 好刺激 ， 速度好快 ， 初初玩覺好難控制 ， 有些驚， 玩多幾次後就覺十分正 ， 唯一缺點是每次都要上一條斜路， 都有三四層樓高 ， 玩幾次已經好喘氣 ， 在這裡只有一個鐘玩 ， 好快就夠鐘了 ， 還了雪橇就到場內的餐廳食日式火鍋 ， 與中式的不同是預早把所有食物放入鍋 ， 食物水準一般 ， 但在外面入到餐廳時感覺十分焗及熱 ， 要馬上除下身上的重裝甲 ， 在最後的十五分鐘臨上車前才有時間買富士山區的手信 ， 好趕 ， 只要睇中就買 ， 完全無時間考慮 ， 結帳多謝 3,120 円 ， 後來睇其他團友買的 ， 知道有好多無看過。
森林家族全景
滑雪橇場，在高處滑下的就是我
午餐 － 日式火鍋
13:00 開始離開箱根了，向東京出發，第一站是涉谷，車程要3個鐘。
14:20 中途站有一間好大間的商店 ， 門前有好多熟食檔 ， 有我想買了好久的正宗墨魚丸 420 円 ， 返上車慢慢食 ， 開車後導遊小姐開始賣野 ， 派了好多日式食物比我們試食 ， 未到涉谷已飽了， 事後有些後悔。
16:00 到了涉谷後 ， 這裡有個半鐘自由活動 ， 原本想食蟹 ， 但已在車上食飽了 ， 所以取消了 ， 行到車站時想入內看看及睇下有無印仔吸 ， 上到去JR涉谷車站 ， 可惜這裡沒印 ， 影完相本來打算行返出去 ， 不過之前在地下街轉了幾轉 ， 自己已不知方向 ， 正式迷途了 ， 唯有沿路行返轉頭 ， 好快就認得路了 ， 都無敢驚 ， 在橫街左轉右轉 ， 周圍行 ， 有好多食店 ， 好快夠鐘 ， 真是不夠時間 ， 在這裡起碼要幾個鐘 ， 最後買了旅遊書推介的雪糕 520 円 ， 準時去到集合地點時只見個領隊一個人等 ， 好奇怪 ， 唔通我們是第一個返 ， 但領隊話我們是最後返的 ， 其他的人已返上車了， 哇！ 好準時呀。
第一次食真正的墨魚丸
JR火車自助售票機
17:30 出發去新宿，車程好短，新宿在涉谷旁邊，好快就到。
18:00 到了新宿的歌舞伎町 ， 導遊話這裡比較雜 ， 小心銀包 ， 她先帶我們行一番町行一個圈 ， 然後就自由活動 ， 有一個鐘時間 ， 先去街口的 24 小時商店 ， 有好多人 ， 又好擠迫 ， 行得好辛苦 ， 所以唔行了 ， 行入地下街 ， 好暖 ， 但這裏全都是賣名牌的商店 ， 再行入一番街 ， 內有好多電子遊戲機鋪 、 彈珠機鋪及夾公仔機鋪 ， 當然唔少得有各式各樣的食店 ， 用了 1000 円玩夾公仔 ， 可惜只得隻細公仔， 導遊話如果你玩了好多錢都無收穫， 個店員會送個比你的。
19:30 晚餐食打邊爐放題 ， 可是只有好少種類及水準都是一般 ， 團體餐 ， 只求飽，不可有太大的期望。
21:00 到了酒店 ， 本來是入住東京灣酒店的 ， 但話無房 ， 所以要改為入住東京太子酒店 ， 在東京鐵塔旁邊 ， 我住的房仲可以睇到個鐵塔 ， 而且仲每人有 1500円退回， 日本人做事好均真。個房都唔錯，只要乾淨就得，又有錢退，真好。
新宿的歌舞伎町一番街
由房內看的鐵塔
沒有留言 :
張貼留言