第 二 天
日期：2008 年 3 月 22 日（星期六 晴天)
行程：酒店 → 德天瀑布 → 明仕田園 → 酒店
住宿：金茶花大酒店
今天的行程是去德天瀑布，因假期關係，今朝的morning call 在六點，七時上車出發。早餐在酒店的餐廳食自助餐，可是沒有甚麼好食的東西，只是食了些點包點便算，七時多人齊開車。
一切本來很順利，但行到一半的車程，車尾突然冒煙，大家都好驚慌；司機檢查後說只是車的皮帶斷了，只要換了就沒有問題。等了一個鐘，司機買了皮帶回來，可以繼續行程。到了油站，去完洗手間後，導遊說買回來的皮帶祇可以頂一陣，我們要轉另一部旅遊巴去德天瀑布，待車弄好後會來接我們。
轉車又用了一個鐘頭，比預定的遲了兩個鐘有多，到了目的地已經下午一時半了，食完午餐後就出發遊德天瀑布，有二個鐘自由活動，可是這裡十分大，兩個鐘真的不夠行。
今天的早餐，只是飲杯豆漿，食個包咋
早上的南寧
油站排長龍
連人買電油都要排隊
轉了旅遊巴後好快就入到山區，那裡風景很美
終於到了德天瀑布啦～
原來在南寧市有巴士可以到這裡
車站前的市集，全部都是賣紀念品
做乜擺架咁殘咁舊的車，好影響市容
個個好肚餓，先在這個飯店食午餐後才再出發
哇～～德天瀑布呀～不是下雨季節，所以個瀑布無之前睇相咁雄壯
在瀑布附近，有這些竹排坐，可以近距離睇個瀑布，但係個導遊無講，而且又話會安排我地（原來係去第二度坐船仔），所以全部團友都沒有坐竹排，走晒寶
個竹排都好大隻架～
坐一陣就會到瀑布下面，好激架～
到瀑布下面喇～得個講字，都無坐到
，飲恨中．．．
無得坐就在近ｄ睇個瀑布補番數，個瀑布真係好鬼壯觀
行完德天瀑布後就去中越邊界～52界碑，導遊話因早前在界碑附近中越人民發生進突，所以 52 界碑封了，不能過去影相。在前往邊界的路上有好多越南人檔擺，賣各種不同的物品。
行完後就要回程了，在那裡可以坐高爾夫球車返回入口，每位人仔10蚊，仲可以坐馬仔添，據說也是10蚊一位。返入口條路其實是平路及很短的路程，而且沿途風景十分美麗，所以我們沒有坐馬仔，在這裡望德天瀑布，又是另一番美態。
跟住個路牌行就得，指示好清楚
在二級觀瀑台有間廟
個大瀑布上游有好多細的瀑布，但水量太少，形成唔到瀑布
在德天瀑布另一邊岸就是越南
前面是禁區，但係越南人就可以自由出入
禁區有一排排小販賣越南產品
哇～好多偉哥呀
水晶，唔知真定假呢？
各國名牌香水，你敢唔敢用
回程喇，10 蚊可以坐馬仔載你返去
在這裡睇，ｄ風景仲靚
瀑布全景，如果水量足夠時，真係好會勁
夠鐘上車了，但是有些團友掛住在界碑購物，遲了十多分鐘才人齊開車。去下一個景點～"明仕田園"遊船河。由瀑布去明仕田園要十多分鐘的車程，但由於早上壞車的關係，到明仕田園已經四時多了，太陽已經開始落山。
落車後行五分鐘路程就到碼頭，這個碼頭十分細，而且已有幾十人在那裡等船，要排隊呀。明仕田園風景真美，雖然遲了很多才到，但是剛好遇到日落，而且又是湖光山色，當然要狂影一番喇！
落車要行一陣就到碼頭
哇～好多人係度等緊船呀，真係有排等坐
無野做，影下相先，我地就係坐這種竹排
全人手控制的，好有風味
當地人坐的竹排，細好多
這裡風影好美
有人係度落田添，真係好似與世隔絕的樂土
這些白色一排排的原來是用來播種的
等下等下開始日落喇，正～又有得狂影
日落景色，真係第一次親眼睇到咁靚的日落
似唔似一幅畫
坐完船仔後上岸的地方就是 "酒是故鄉濃" 拍攝場地。因為這套十分受歡迎的電視劇集，連帶這地方也成為一個旅遊點，現在還大興土木，遲些又是另一景象，不過反而破壞這大自然的風景。到了拍攝場地時太陽已經下山了，由這裡行回上車的地方要十多分鐘路程，天色越來越黑，行到一半已經看不到了，好彩我的手機有電筒功能，最終都安全抵達上車。
晚餐在返酒店途中的一間酒家吃，到逹時已經八時多了，大家又餓又疲倦，菜色如何已不知道了，總之食飽就算。由酒家返酒店還要坐個多鐘頭車，到逹酒店已是十時多，今天真是忙碌的一天啊！
在竹排上遊船河，風影又是一絶
中途遇到個亞叔坐住隻細竹排
原來佢係賣當地小食～米通，味道一般
上咗岸就係 "酒是故鄉濃"拍攝場地
記唔記得呢間屋呀
屋內掛住好多拍攝時的相
八時多才在這間酒店食晚飯，好肚餓呀～
沒有留言 :
張貼留言