行程：香港機場 → 日本名古屋國際機場(中部国際空港) → 靜岡市 → 酒店
今天乘 10:05 香港快運飛往中部國際機場的班機，早上瞓到六時起床，梳洗後出發。乘的士七時左右就到機場，行到航空公司櫃台有很多人排隊，不過開了很多櫃台，只等了十多分鐘就到我哋，一切順利，很快搞妥手續。今朝機場有很多旅客，過海關安檢人山人海，好多人都要仔細檢查，白熊還要過全身的掃瞄機，真係第一次。
未過海關，在店舖見到蝙蝠俠
啡白熊又話要同佢合照
鐵甲奇俠，Iron Man
過了海關第一件事就係去斟熱水，上次去了T1的 15號閘口斟熱水，之後才乘無人電車到登機閘口。今次登機閘口 219，又係在新大樓，所以先到15號閘口斟完熱水才到T2。
行去登機閘口前，見到有飲水機，初初諗住行去影下相，反映下無熱水供應。點知行埋啲，見到個告示板顯示這裡有熱水供應，跟住指示行到一間房間，裡面擺放了兩部水機，真係有熱水架！以後就方便好多了。
跟住指示行去熱水機
有凍水，暖水和熱水的水機，設備很齊全
坐無人列車去中場客運廊，唔知係唔係太早關係，班次很疏
好多食店同商店都開咗門，未上機可以逛下，新開的味千拉麵
成百蚊一碗麵，哇～好貴呀！
美心餐廳，啲野食一樣咁貴，食自己整的三文治就算
上次嚟無熱水，初初諗住一場嚟到，影下相啦。。。
見到個告示板，竟然有熱水設施位置圖，真係一大喜訊
跟住指示行
房內有兩部有熱水的水機，仲有紙杯供應添，讚！！！
不過如果無水搵邊個去換水樽？白熊話梗係要叫大力士換啦！
時間差不多，行到閘口才知改了登機閘口，要行去另一邊，乘電梯落一層轉乘接駁巴士；到了閘口大堂，坐低食自家制的花生醬三文治，休息一下，點知就嚟夠鐘時聽到廣播話會延遲登機，哎呀！
係時候行去登機閘口，噢！改了閘口，要行去另一邊，今次又要行嚟行去，好忙呀！
要落一層
在這個閘入登機，不過要乘接駁巴士
等上機的大堂，座位有插座，可以幫手機充下電
還有USB插頭，設備齊全
開餐啦，啡白熊已經好肚餓
機上嚴禁攜帶外來食物及飲料？咪即係叫旅客唔好係禁區買食得同飲得既野做手信，各地旅遊局真係多得佢「倒米」
我哋坐這架接駁巴士
大家慢慢沿樓梯上機，今天乘 10:05班機，飛機遲了少少才起飛
我哋預備咗兩壼水，一冷一熱
在機上熱水要十蚊一杯，唔知有幾大杯呢？
係時候填入境紙，張表格改咗版，簡單好多，好快搞掂
雖然班機有延遲，幸好過海關，攞行李都好快，出到入境大堂只係較預期遲咗些少。到了交通大堂，第一件事就係去便利店買今日午餐，啡白熊已經好肚餓，再唔俾野佢哋食，佢哋話會告我虐畜 T_T！
買完野食睇下時間，計劃乘的特急已經趕唔切，唯有改乘 μ-sky（ミュースカイ） 。在網上學會了如何買票，所以好快就搞妥。車票 870円再加指定席 370円，沒有自由席；入閘後上車搵好位，放好行李，坐定定，開車不久便開餐。日本便利店的食物水準很高，很美味；由於買午餐時太肚餓，所以買了很多，結果食咗一半就已經好飽，剩番唯有今晚先食。
中部國際機場出境大堂
要到交通廣場乘名鐵電車到名古屋
轉貼自中部國際機場官方網頁
按指示板轉左行
機場大堂有清楚的指示，唔怕唔識路
行去交通廣場的天橋，有自動扶手路，唔使行，可以懶下
這裡四處都種滿了花，天橋旁邊種了很多蝴蝶蘭
售票大堂
在這間便利店買野食
好似好好味喎，白熊話想食霹靂大腸，我想食天婦羅，太餓了，樣樣都想買
買完野食，跟住去買車票，買票其實好簡單，按指示按掣就可以
入閘後睇下告示板，在 4 號月台上車
架車已經停咗係度，可以上車，我哋坐 3 號車廂
擺放行李的地方
車票和指定席券，我和白熊乘 16:07 班車
今日的午餐，好豐富
仲熱仲好脆，好好味
飲品
椅背有列車設備位置圖
可以把車票放在這裡，方便票務員查車票
車頭有螢光幕顯示下一站名，間中會出現車速和外面電車路軌情況
車廂內仲有WiFI，可以上下網
電車只停兩個站，大約半小時就到名古屋，落車後跟指示行去JR名古屋駅，初初還以為要行好遠，原來出了車站過條馬路就係JR名古屋駅的広小路口。到了售票大堂，用自動售票機購票，唔識用的話，可以到服務櫃台購買。原先已預先在網上搵了如何操作這部售票機的資料，可是到購票時出問題，一係金額唔同，一係部機自動返回頁首。真係搞唔掂，無法啦，唯有去服務台同職員購票。
購完票，看看時間，原來仲有十分鐘就開車，於是我同白熊就嚟個一百米短跑，趕呀趕呀，跟住指示行，但係行咗去另一個閘口，就嚟夠鐘啦！唯有問下職員，原來新幹線係要係另一個入閘區，同埋去靜岡在 4 號月台上車，跟職員說聲多謝，我哋就飛快入閘，向4 號月台衝呀，一見到班列車，唔理邊卡，入咗去先算，然後慢慢搵番我哋的座位。
之前職員小姐同我訂咗 15 號車廂，我同白熊推住件行李，係架電車內向前推進，經過咗好多個車廂都未到，行行下發覺有啲唔多妥，點解有咁多人食煙嘅，原來購票時忘了說要不吸煙車廂，結果～～T_T。於是行返去自由席搵位坐，自由席原來有好多空位，早知就不用買指定席啦，又貴啲又係吸煙車廂，於是決定回程時買自由席，可以平啲。
JR名古屋駅広小路口
新車線列車班次表，只有こだま才會停靜岡，下班車開 16:56
自動售票機
搞唔掂部機，去服務櫃台買票
幸好趕上 16:56班車，新幹線車票和指定席，無留意車票上有吸煙標誌 T_T
自由席，有好多空位，打橫坐都可以
車廂設備位置圖
沿途有好多茶園
大約一個小時就到靜岡，現在才有時間影下架新幹線列車
今次坐的 こだま
到了靜岡已經18:10，觀光案內所已關門，要明天才可以借用免費WIFI蛋。這幾日住的酒店 ホテルアーバント静岡，由車站北口出，行三四分鐘就到，很方便。辦妥 CheckIn手續，入房間休息一陣，就出發到車站商場行下同埋食晚餐。行咗幾間餐廳，發覺一個晚餐要千多円，都幾貴，平時在日本普通一餐只係八百至九百多円就可以。我同白熊唔係太肚餓，最後決定到吉野食家食牛肉丼。
日本的吉野家食物水準很高，牛肉豬肉都很好美味，比香港的好食好多，而且還有鰻魚丼，下次一定要試下，食飽行下藥店、便利店，便回酒店休息。
車站南口
北口，住的酒店係呢個出口出
好可愛呀！
Prachie 有多間食店，唔怕無野食
靜岡的水渠蓋很有特色，一定不可錯過
今次旅程六晚住的酒店～ホテルアーバント静岡
酒店正門
大堂
有好多洗頭水，沖涼液，房間內沒有？揀了各一支拎上房
食早餐的地方，不是很大
放食物的枱，咁細，早餐應該款式不多
房間，張床都幾大
仲有個小茶几，算唔錯
電視、雪櫃、電水煲一應俱全
呢部係加濕機，不過唔使開嚟用
冷暖機控制器
拖鞋，真細心，除了可再用的膠拖鞋外，還有用完即棄的
洗手間，原來有洗頭水和沖涼液
這些酒店預備的品質相信只是一般
在大堂拎上嚟，有品牌的當然唔同啦 ^.^
有涼衫線，使用很方便
二樓有自動售賣機
價錢同外面的一樣，想飲野可以到二樓買，好方便
洗衣乾衣機，第四天要洗衫，所以先嚟睇下部機
我同白熊還有些飽，所以就平平地去吉野家食晚餐
我的牛肉丼加沙拉 400円
麻醬，加了麻醬的沙拉好食好多
白熊的豬肉丼加葱蛋 480円
埋單一共 880円，抵！
今日有雨，商場門口放咗呢部機，部機係同雨傘乾身，唔會整濕地下
酒店房間只提供有線寬頻，要用 WIFI要到大堂向職員借用 WIFI路由器
便利店買的宵夜
藥房小小戰利品
上一篇 : 16年靜岡七天自由遊 預備篇
下一篇 : 16年靜岡七天自由遊 Day 2
