日期：2008 年 11 月 1 日 (星期六，晴)
今天見天氣幾好，又唔係好熱，於是決定去想咗去好耐的川龍飲茶同埋行山。先坐車到荃灣，然後在川龍街轉乘 80 號綠色小巴，在總站川龍落車。
在川龍有好多間茶樓食店，今次都係去番上次果間～『端記茶樓』，這間是一間舊式茶樓，差不多全自助形式，攞茶壼茶杯，沖水攞點心全部要靠自己，如果唔係就要等伙記得閒，要等好耐。
這間茶樓出名的是大包同糯米雞，喜歡食燒味的，這裡也不錯，不過今次諗住淨係飲茶食點心，所以就無叫燒味，下次一定要試下。在川龍有個好大的西洋菜田，十分鮮嫩好食，有很多人專程嚟買番屋企煲湯，不過我地今天行山後仲要去街，所以就沒有買。
食飽後就起程，行山徑起點是在西洋菜田隔離，沒有路牌的，我都是上次朋友帶我嚟過先識行，這條行山徑十分易行，只是在頭一小段要上山落山之外，全部都是行平路，適合一家大小。
全程快的個幾鐘就行完，慢的好似我哋咁慢慢行，都係兩個鐘左右就行完，終點是城門郊野公園入口的 82 號綠色小巴站，有洗手間及士多，可以洗下手食下野先回程，唔夠喉的話可以行埋城門水塘。
今次行山時發現四周的環境比上次的差好多，周圍都是地盤，沙塵滾滾，又有好多車出入，真係大煞風景。行完後便坐小巴返去荃灣，係荃灣行多一陣就坐車返屋企了。
我哋就係坐這架小巴來川龍
川龍村公所
今日食早餐的端記茶樓
去舊式茶樓必做動作～洗茶杯
呢度的名物，大包
另一名物（我話的）糯米雞
d 糯米十分香軟，好好食架
仲有好多料添，正～
這裡的排骨飯也不錯，樣樣都係碳水化合物，陣間行山一定夠氣夠力
鳳爪係我的最愛，這裡的水準好高，好好食呀～
山竹牛肉
食飽飽後嚟多碗豆腐花，都係自己"不"的
這條行山徑是行城門引水道旁的小路，在這裡行約一公里就到
路的入口旁有一大片西洋菜田
這個菜田是用山水種的，所以份外鮮甜
沿途有好多好美的野花
瀑布呀！下面就係引水道，d 水最後會流到水塘
原來這條路叫龍門郊遊徑
仲有 100米，努力加油呀！
終於行完喇～
第 二 天
日期：2008年9月21日(星期日) 晴 炎熱
行程：酒店 → 文昌閣 → 千年秋楓樹 → 松沛煙雨 → 狀元筆
→ 深圳 → 香港
這是個休閒團，不用趕頭趕命，雖然話七點半morning call，但是食自助早餐，遲D落去都可以，食完早餐就返上房睇下電視休息下，十一點才到大堂集合，好消遙。
今日的早餐，味道麻麻
今日的第一站～文昌閣，是要行一條百幾級的樓梯，好多團友都無上去
咁辛苦上到塔頂，當然要影下風景喇～
行完山後就去下一個景點～千年楓樹，這棵楓樹是種在黃氏祠堂前面，據說已經有千歲了
真係好大棵喎，差不多有四五十呎高，利害
咁大棵秋楓樹就是種在這間黃氏祠堂門前
睇完咁偉大的樹後就去食午餐，在餐廳內同枱的團友看到d燒鵝剛燒好，於是今餐自費加餸，半隻燒鵝多謝七十八蚊人仔，同係香港食差不多。
這隻就是加餸的燒鵝，剛燒好，皮薄肉嫩，真的好好味！
這隻雞都好好味架，當然無隻鵝咁好食喇！
粥水浸魚丸，未食過，但一食就停唔到口，好食到暈。
食飽飽後就去行松山公園，這個公園真係好大，如果要行，真係要行成日，而且個導遊講到風景點靚點靚，所以大部份團友都自費坐小火車遊公園。
我們就是坐這架好長的小火車漫遊松山公園
沿途風景
好快就遊完公園，跟住就去狀元筆，這支筆在文革時被破壞，只剩得筆桿，由於天氣實在太熱，而且只是得一支石筆看，所以沒有下車，這景點在車上觀賞就算 ^^
狀元筆就只是這一枝石柱
睇完支筆後就去深圳食晚餐，係呀～這個團是食埋晚餐才過關回香港。由於到咗深圳仍然好早，所以有個半鐘自由活動，而餐廳樓下有間大型的超級市場，所以各團友就係這間超市大購物。
食完豐富的晚餐後就過關番香港，今次過關有架直通巴士在黃崗接我們過關，在關口前的停車場過車後，就直入海關，辦妥過關手續後，就直到我家樓下。這個休閒行程亦完滿結束！
每餐都唔少得的雞
這隻花卷新鮮蒸熟，而且係最後出菜的，但係都給大家清碟。
小香港~松湖煙雨~兩天遊
旅行社：遨遊天下日期：2008年9月20日至21日
費用：$698(連小費)
第 一 天
日期：2008年9月20日(星期六) 晴 炎熱
行程：香港 → 深圳 → 中山國父故居 → 蘆薈天地
→ 彩雲之南歌舞 → 東莞小香港 → 酒店
早上七時半在家附近集合，由於是地區辦的旅行，所以不用停站，很快便到了關口，而且今次是由文綿渡過關，更加快。
這是這兩日所坐的豪華旅遊巴喇～
中山國父故居
門前有三個好可愛的熊貓廢物回收箱
在故居隔離仲有座好大的孫中山紀念館
大門口前面有個孫先生的『天下為公』
行完後就去食午餐，今餐是三鄉風味宴，當然有羅白榚喇～
當地好出名同好搞鬼的瀨粉，個個夾到一枱都係
食飽飽後就去shopping，本來是去乜乜漁米之鄉，但係導遊話唔多順路，所以改去蘆薈天地。
買完野後就睇show，今次睇的是《彩雲之南》民族歌舞表演。表演場地前擺放了小數民族服裝。
睇完表演後就返酒店，本來是兩個鐘的車程，但是因塞車的關係用了三個多鐘才到。在坐車途中發覺好似仲有個小香港未去喎，原來所講的小香港就是東莞一帶多香港人居住的地方，架車係會經過，咁即係.........
到了酒店後已經七時多了，返房放底行李梳洗後就到酒店餐廳食自助餐，諗住五星級酒店，食物會好一些，點知.....
今晚入住的五星級酒店
自助晚餐
今晚住的房間，都幾大
而家新建的酒店好多都無浴缸，改為企缸
