今個周末的節目是行筲箕灣西灣炮台晨運徑。早前搵到的交通資料是先到筲箕灣巴士總站，再轉乘柴灣巴士，在鯉魚門公園落車；昨晚在確認一下資料時，發現原來屋企附近的隧道巴士可以直達，不用轉車，太好了！
今朝十時多出發，乘過海巴士，約40分鐘車程，不過落車時司機哥哥話鯉魚門公園站臨時取消，要到下一個站才可以落車，幸好不是太遠，又是落斜，落了巴士後不用一分鐘就行到鯉魚門公園及度假村路口。
西灣炮台位於香港島東區的筲箕灣鯉魚門及柴灣山上，現在是西灣炮台晨運徑之一，晨運徑來回約3公里，全為水泥路，需時約1-2小時。山上除有炮台遺跡外，亦有電視發射塔，遊人不得內進。在山上可眺望杏花邨、將軍澳、藍田及九龍灣。
這條晨運徑被評為低難度行山路線，不過今天天陰，濕度很高，而晨運徑大部份都在樹叢中間，又沒有風，很悶熱，行到成身濕晒；行下抖下，沿路影下相，我哋用了差不多一個鐘才行到炮台；影完相，休息後，沿原路行回起點，跟著向下山方向行到筲箕灣食午餐。
我哋在大潭道巴士站落車
原本應該在鯉魚門站落車，不過臨時取消咗
原來附近有工程進行中
路口有清楚的指示牌
入口，路邊的街燈
街燈原來係用太陽能
這個唔同款喎
繼續行
經過聖馬可小學
在旁邊的路繼續上山
過了小學行幾分鐘就到晨運徑入口
這裡以前是軍營，可能還留下危險物品，要小心！
晨運徑開頭一段是長樓梯
不過只有約百多級，很快行完
跟住在度假村旁邊的小路繼續行，這條路很窄，只可以一個人行
鯉魚門度假村
我哋在網外看～la～la～繼續沿鐵絲網小路行
度假村都幾大，行咗好耐都仲見到佢的外圍
休息下睇下風景先，呢座乜野山呢？只知道後面係大潭水塘
終於離開度假村的小路
這條路很濶，行得輕鬆好多
路邊的涼亭，可以坐下休息，不過今朝下過雨，張櫈濕晒，無得坐
繼續行，無幾耐又有另一個涼亭，設施都幾齊
請勿接近
近排有雨，都係唔好行埋去
終於到啦
軍營營房
房閘全都鎖上，而且入面乜野都無，入唔入去都無問題
咁細個房有乜野用途？
營房建在路旁兩邊
沒人打埋，屋頂長滿了長草，好靚的天然草地
在右邊的路繼續行
好大涼亭，可以慢慢休息一下
如有意外，可以用這個緊急電話求助
注意～滅蚊機正在運作
全自動太陽能滅蚊機，寨卡！唔好嚟香港！
原來操作好簡單，用燈光吸引啲蚊，再用風扇將啲蚊吸入個網度，唔知有無效，見到個網度得一兩隻蚊！！
又見到呢個警告牌
西灣炮台的歷史沿革～炮台的修建
大涼亭，就算有好多人都夠櫈坐
很有藝術感的垃圾箱
這裡的營房比較大
西灣炮台歷史沿革～香港淪陷
上山頂睇炮台，在這條路左邊上
條路好斜，加上濕滑，要小心慢慢行
上到嚟
見到世界各地方距離的指示牌
有好多地方，利害！
西灣炮台歷史沿革～防空裝置
我哋轉左～昔日的炮台
這個估計係閘門
彈藥庫
炮台的機座，現在只留下螺絲
再入啲有另一個炮台
行番出嚟，這條長梯樓係上山頂，一陣先行上去
先向前行到涼亭，可以睇到好靚的風景，不過今日天氣唔好，矇查查
遠處係將軍澳工業邨
中石化柴灣油氣站
西灣炮台簡介
西灣炮台歷史沿革～古蹟憑弔
在涼亭再行入啲，原來還有第三個炮台
這個炮台看來比之前兩個炮台細
行完炮台後就上山，條樓梯又長又斜
上到山頂只見幾個地下室
不過唔知有咩用途，防衛？攻擊？儲物？
這裡最開揚，風景靚好多，左邊的入口就是鯉魚門海峽，這個炮台就是防衛這個重要海峽
這個圓石柱係乜東東，真係考起？！
發射站，這裡電波好強，都係唔好留咁耐，行完就離開
哇～條樓梯好斜呀，白熊，我好驚呀！～(￣▽￣)～
落番分叉路的右面，這條路去邊呢？探下險先
條樓長滿了青苔
原來係上去山頂的地下室，入口封咗，應該封咗條樓梯先啱，咁危險
仲有得行，去邊呢
原來盡頭係一個觀景點，可以好清楚望到筲箕灣和鰂魚涌
沒有留言 :
張貼留言