行程：酒店 → 金谷駅 → SL蒸氣火車 → 千頭駅 → 靜岡商店街 → 酒店
今日七時多起身，梳洗後到酒店一樓食早餐後就出發。我哋先到靜岡駅的觀光案內所搵有關 SL蒸氣火車的資料，順便問一下職員關於茶之鄉博物館，原來真的閉館休業。
在案內所攞齊資料便起程，之前在網上搵的資料是先乘 JR電車到金谷駅，然後轉乘大井川本線到新金谷駅，才可以買到 SL蒸氣火車特急券。不過到了大井川本線金谷駅大堂，見到有蒸氣火車的售票櫃台，在這裡可以直接買特急車票，得到職員小姐幫忙下，好快就買好車票繼續行程。時間有啲急，還有幾分鐘班電車就開，要行快幾步才趕上。
在觀光案內所攞的 SL蒸氣火車資料
我哋先買車票，去島田市金谷駅 580円，都幾貴
我哋坐 10:42到浜松列車
車程差不多半小時，到了金谷駅行去大井川本線金谷駅，先行這條隧道
離開車站左轉
由側門出
大井川鉄路金谷駅
經過金谷駅前觀光案內所
金谷駅，上面有列車時間表
車站大堂內的SL蒸氣火車售票處
在職員小姐幫助下，好快就買咗特急車票
大川井本線電車，真係好古舊，古董
車內很新淨，電車內外不一樣
到新金谷駅，一落車見到對面月台的 SL蒸氣火車 C56 型 44號機，第一時間同佢影下相啦，駕駛室內的司機哥哥讓我上駕駛室參觀影相，我當然不客氣，不過都是快手影完就離開，一來不要阻住他工作，二來讓其他遊人可以上駕駛室影相。
真係由車頭影到車尾，由外面影到裡面，影到夠鐘才肯收手。火車準時 11:52開出，由於這架是蒸氣火車，是沒有冷氣，不過這樣還比較好，坐在窗邊，一邊慢慢欣賞風景，一邊吹下山風，真的很舒服。
只是一個站，好快到了新金谷駅，月台另一邊已經停泊了部 SL蒸氣火車 C56 型 44號機，車頂狂噴黑煙，如假包換的蒸氣火車
火車 11:52才開出，還有好啲時間，可以慢慢影下相，車輪好大呀！平時坐電車係睇唔到電車個車輪架
控制車廂
全黑色，好感性呀！
司機哥哥讓我上車影相，真係多謝晒
佢十分忙碌把煤鏟入蒸氣爐，為出發做準備
個爐真係好熱架，我離咁遠都覺在好熱
車廂，影完相，係時候搵番我哋的座位
かわね路
E101 形電機車
其實這部火車大部份動力都是由這部電機車提供，以前的蒸氣火車馬力有限，不能拖行這樣多車廂的列車，所以要這部電機車幫下手，而這部 E101型電機車在 1949年製造，已經有六七十歲了，大川井本線剛開始電氣化時就是用這台電機車，很有歷史價值
E101 型電機內的駕駛室
電力裝置，列車的車廂內的所以電器都是由佢供電的
車廂，內部同一般電車無分別
行李架
電風扇
光管，同我在日本其他坐過的舊式電車差不多，唯一分別就係這裡沒有掛滿廣告
以前 SL蒸氣火車行駛情況
溫度計
我同白熊的座位
4號AB
廁所
裡面有水供應
竟然還有冷熱水添，以前的火車設置真齊全
這個真係唔知乜野，又係唔係駕駛駄盤？？
無線電通訊機，咁舊，仲用唔用到架，唔好有事發生先嚟壞呀！
壓力錶
經這門可以行去第二架車廂
車架連接位
行駛時唔好企係呢度，好危險架
奧大井 SL之旅，這裡的吉祥物係貍貓
車站月台也有佢的蹤影
新金谷駅的停車場，下次可以駕車到嚟影下湯瑪士
在列車上出售的貨品，成車咁多，賣唔賣得晒架
職員小姐好努力推銷
貨品種類都唔少，我同白熊都買咗兩架列車模型
大井川本線沿途都是茶園
少有的農地，天氣開始熱，係時候種禾
可以說是風光如畫，坐係火車上慢慢欣賞風景，真係人生一大快事
火車會停幾個站
火車途經鹽鄉之吊橋，位於靜岡縣內的河流「大井川」上的最長的一座吊橋，長220m，高11m。從橋上可以直透過橋面俯視橋下的情景，非常驚心動魄。吊橋的獨特之處在於橋下不但有河流，還有SL列車穿行的鐵道以及民宅，很是有名。在這裡可以感受雄大的河流以及周邊美麗的自然風景。
這條吊橋四周風景很美，下次有機會也要行一下這條吊橋
途中見到另一款電機車 E33型，這架比較新，1987年製造，差不多三十歲了
不知不覺就到了總站千頭駅，原本是計劃依照旅遊小冊子介紹在千頭駅附近行一下，不過未落火車，已經被停泊在旁邊的湯瑪士朋友蒸氣火車吸引住，結果就只在車站內不停影相。
今日都很熱，在戶外影相影太久，全身都是汗，影完相坐在車站大堂內休息。那時車站有位女職員同我哋講話 4號月台架火車會掉頭，心諗掉頭都好睇？？而且又好攰，所以沒有行去睇，不過見到其他人就飛奔走去睇，可能真係很特別喎，不過當我想出發時，遠遠看到架蒸氣火車頭已經掉頭完畢，很可惜！
大約下午一時多到了總站千頭駅
月台
旁邊停泊了兩部湯瑪士朋友蒸氣火車
パーシー（Percy）
ヒロ（Hiro）
明日通車，車站四周都有湯瑪士的海報
湯瑪士園，入場費 500円，不過今日仲未開放
不用怕，旁邊可以進入湯瑪士園，而且仲係免收費添，最重要的是職員見到我哋這班湯瑪士迷都沒有阻止
傻傻的 Percy
駕駛室，有好多開關制
連車輪都係綠色，變形俠醫
旁邊的 Hiro
駕駛室，設備比 Percy的簡單好多
自拍機，這位置只是暫放的，明天就會移到其他地方
奧大井的宣傳廣告板，這個車站建在湖的中央，真的很特別
在車站展出的千年靈芝，不過已經木質化了，現在只是木頭
Hiro呀，我要同佢影相
行駛中的湯瑪士
可以在這裡影相留念，我同白熊打算用自拍神器影，不過車站職員見到我哋想影相，主動幫忙，唔使神器出手
蒸氣火車已經到了很久，仍然有一班粉絲影緊相
大井川‧川井線，這條線的列車原為興建大井川系水利設施所需建材而興建的專用鐵路，也是日本最陡峻的登山鐵道；由於鐵路行經山壁，溪谷且一路爬升，在中央增設了 3 線線齒軌鐵道，以使軌道與車體咬合便加緊密，可以爬升的坡度也由一船的鐵道6%大幅提升到50%
車站大堂有模型，可以看到清楚一點
大井川鐵路車長 井川ちしろ
日本的旅遊景點一定會有的紀念幣
500円一個
另一邊的個模型
原來係展示湯瑪士蒸氣火車有幾高，車身高 2.4米（只係計塊面和煙囪）
千頭駅転車台，這是全人手的轉車台
車站辦公室窗前的湯瑪士車隊
小賣部
有很多不同的湯瑪士產品
影完火車已經差不多一點半，由於打算乘 14:35的電車回程，於是我同白熊只在附近的餐廳食午餐和行下商店街。不過原來這裡不是很繁榮，只有幾間店舖，食完午餐，逛一陣就回車站。買了車票，到時候乘電車到金谷駅，再轉 JR返靜岡；今次沒有乘 SL蒸氣火車，只乘普通列車，車程只是比特急 SL蒸氣火車慢十幾分鐘。
千頭駅
車站的立食烏冬店
車站前的商店街
我哋在這間先頭館餐廳食午餐
真係湯瑪士熱，連餐廳也用佢嚟裝飾
很有日本風的食店
白熊的山菜そば 800円
我的親子丼 800円
食物很美味，值得推介
食飽在附近閒逛時在牆上見到的火車標誌「やんばいです、ほんかわね」
在大井川線電車內的收費表，由於很多站都是無人車站，沒有設售票處，付車費就好像巴士的一樣
上電車攞整理券，落車就付車費，不過我哋在千頭駅上車，已經買了車票，所以不用取整理券
電車到了新金谷駅，見到湯瑪士蒸氣火車停泊在月台，明天就正式通行，要做好準備工作
新金谷駅的転車台，剛好有部蒸氣火車頭正在掉頭
JR金谷駅，原來這裡有乘換口
售票處，可以由這裡直接轉乘大井線本線
返靜岡的 JR車票，車費 580円
在 2號月台乘車
下午四時半返到靜岡駅，時間尚早，我哋先到觀光案內所行下，順便搵下靜岡駅附近的旅遊資料，跟住就到商店街行下，今日係最後一日血拼，要盡情入貨。
行到六時多時已經好肚餓了，係時候食晚餐。不過原來在靜岡沒有甚麼好選擇，又唔想再到吉野家食，在商店街附近四周行下，最後選了一間在地下街的食店，這食店是出售日式小菜套餐，好似到過日本這樣多次也沒有吃過，一於要試下。
這食店的食物很健康，味道不是很濃味，而且又很美味，唔錯。食飽後漫步行去Cenova百貨公司地庫的 Sbizutetsu Store超市買茶葉和蕃薯。在日本買日本茶葉比香港的平很多，不過唔知邊隻好飲，所以只買了幾款，每樣買一包，啱口味的，下次再入貨。
日本的蕃薯真的很甜很好味，白熊話我咁鍾意食蕃薯，變大蕃薯；超市內的蕃薯有幾種品種，唔知邊隻好味，於是每種都買少少回家試下。入完貨後返酒店，明天返香港，今日要執好行李，才可以上床休息。
原來觀光案內所也有紀念印收集，唔好錯過
德川家康像，有詳細介紹，原來今日係德川家康四百年紀念事業
城下町歷史散策
四鄉山岡會見之史跡
今日終於可以食 わさび雪榚 300円，不過 わさび好淡，味道麻麻，仲唔夠凍
平野屋，賣魚乾店
魚乾 500円，買包回家食
竹茗堂，靜岡的玉露茶很出名，所以就在這裡買了一包試下
青葉橫丁，這裡出名靜岡煮，不過無幫襯
原來裡面有好多間食店
另一邊入口
今晚在地下街這間大戶屋食晚餐
我的鷄と野菜の黒酢あん定食，要了少飯 831円
沖目鯛の醤油麹漬け炭焼き家食，要了少飯 968円，味道比較清淡，但一樣好好味
在超市的蕃薯，真係花多睇亂
最後決家每種每一包
每晚返酒店都見到多咗兩對拖鞋，明明我哋無用到，清潔阿姐每日仍然添兩對新，最後一晚，終於無再添，留給下一位住客吧！
今日戰利品
原來酒店房間內抽屜有旅遊資料，臨離開才見到
上一篇 : 16年靜岡七天自由遊 Day 5
下一篇 : 16年靜岡七天自由遊 Day 7
沒有留言 :
張貼留言