10年 釣魚翁行山樂

日期 : 2010 年 11 月 20 日 (星期六，天陰)

　　入秋以來一直都想去行山，這個周末終於可以達成了。今次選了一條被評級為難度低的路線～釣魚翁郊遊徑。早上乘專線小巴 103 號到清水灣，車費$8.4，到了車站等一陣就有車，司機哥哥的技術十分利害，十多分鐘就到五塊田，好快啊！

　　今次祇是行了釣魚翁郊遊徑的一半路程，起點為五塊田，經上洋山、下洋山、廟仔墎、釣魚翁山，在清水灣支路退出。這段路程除了頭兩段上山較辛苦之外，其他的都比較易行（當然唔計會山釣魚翁山喇～），除了有些分叉路沒有路牌指示，都唔知點行外，其他的指示都算清楚，祇要沿路直行就可以，不要行分叉小路。由於很久沒有行山了，我們用了龜速，花了差不多兩個半小時才行完一半的釣魚翁郊遊徑，比正常慢了差唔多一個鐘，慢得真利害。過了釣魚翁山到達清水灣支路已經一點半，肚仔又餓，又要找洗手間，故由這支路退出，再行多二十分鐘到了大馬路，跟住澎澎聲乘專線小巴返觀塘找洗手間和醫肚。

觀塘道103號專線小巴站


清水灣道五塊田釣魚翁郊遊徑的起點

對面有 91 號巴士站，坐九巴都好方便


起點係一條長樓梯，還未熱身就搵啲咁嘅野嚟玩


就到喇～加油呀白熊～


分叉路，選左邊大廟方向行


以為行完樓梯，點知轉咗彎仲有一段，努力加油


終於行完樓梯到了上洋山，這段路很易行

途經電視發射站，不過無行上去


這裡有條小路可以行番落清水灣道


請牽引你的大型狗，途中遇到幾隻大狗，不過佢的主人無一個有做，如果怕狗的就要小心，而且路上有唔少地雷（狗便便）行果時要小心睇路


行左邊的樓梯登上洋山


這段樓梯比較長，而且路面不平，行得都幾辛苦


抖氣時見到幾隻好可愛的狗仔跟住主人行山，忍不住同佢影番張相


就到山頂喇


上到上頂當然要影下風景，今日好大煙霞，張相好矇


回望之前行的路


這個就係之前經過的電視發射站


牛尾洲


到了上洋山後已經好肚餓了，開餐，不過得兩個包，食咗同無食差唔多


食完休息一陣就繼續行，紅色的建築物係香港三育書院

行到廟仔墎，左邊係上廟仔墎和釣魚翁山的


由於上釣魚翁山比較困難危險，所以路牌係指示行右邊的路


不過有行人士係路牌上加上去釣魚翁山的「捷徑」指示，我哋當然行右邊的路，這條路比較平坦好行


沿路可以睇到將軍澳的風景，將軍澳工業區，大家留意下，係左上角的就係電視城




康城


前面的尖山就係釣魚翁山喇，真係好尖好斜呀




係山腰掠過釣魚翁山後有個「閣下在此」的地圖，睇下先

乜行咗咁耐先行咗一半咋，我已經腳仔軟無力行囉，點算好呢？


好彩這裡有條路落山啫，預計行多二十分鐘就到，不過我哋就差唔多行咗半個鐘才到大馬路


這條路都有好多樓梯，不過今次係落山就比較舒服




路口在望


這裡原來亦係好多人選揀的其中一個入口，落山時都遇到好多人上山


係正路口就有個專線小巴站，十分方便，好快就有車嚟添

對面就係相思灣


返到屋企附近餐廳食埋午餐先回家，我好肚餓，選了個鐵板西冷牛扒，個餐有餐湯、餐包同餐飲，不過餓得滯，唔記得影相就放晒落肚


白熊就要了紅酒焗牛脷飯，牛脷好「淋」，好味