早上七時多，鬧鐘還未響己醒來，且精神很好，跟著在這裏的兩天，一早起床都覺得很精神，該是空氣好的關係。
今早吃過早餐，到小農場逛逛，又回到房間嘆電視，很快又到午餐時間。這幾天一般我們都是早上九時吃早餐，中午十二時半吃午餐和晚上七時或七時半吃晚餐。不過時間不是固定的，通常我們吃完一餐，便與廚師約下一餐的用膳時間，讓他可以好好安排一下。
這天下午我們包車到著名的景點遊覽，14:40起程，我們先到海龜自然保護區，入場費要RMB30，考慮了一會決定祇在門外拍張照，跟著到雙月灣觀景區 ，在大星山炮台， 觀賞有廣東函館之稱的雙月灣全景，可惜大霧，祇看到少部份的雙月灣。在這裏逗留了一會便離開，回程途經新建成的港口口岸，旁邊有不少貨櫃。跟著在港口漁村下車，街上有很多摩托車在飛馳，行人亦很多，可能是星期天的關係，所以祇逛了一會。
離開港口漁村，沿途經過一大片鹽田，我們下車看看和拍了幾張照片，接著到城隍廟，廟是在古城西門側，昨天行古城時遺忘了到此一遊，今天特地到來，可是廟正在修葺，可以行的地方不多。離開城隍廟，向南門海灣進發，可惜遇不到漁船回航，看不到漁穫，行了一會海邊，便離開。跟著到司機建議的榜山古寺遊覽一下，這裏有一棵有130多歲的細葉榕，行完古寺，司機帶我們去買煙花，那店舖原來昨天曾經經過過，祇是不知有煙花賣，買到煙花，好開心呀！
早餐，自家磨的豆漿，豆味很濃，不是太甜，剛剛好
各款當地的包點
自家製的油炸鬼，好好食，雖然有很多條，最後一樣食晒
腸粉，一樣係自家製
食食下早餐，主人家拿了一件五香榚給我哋試食，味道唔錯，係當地的家鄉小吃
食得真係好飽，四圍行下散下步，見到窗邊放了十多枝啤酒樽，這些是昨晚隔離檯客人的傑作，真係利害
第一天到來已看到有幾隻燕子在飛，估這裏一定有燕巢，果然無估錯，燕巢在正門橫樑上，仲起了兩個添。準備去小農場時，見到巢內有燕子，即刻拎起相機，好彩手快影到
門外檯上種了盆士多啤梨，有幾粒就熟喇～離開那天見有一粒熟咗，不過忘了幫佢拍照
小瓦窯爐，可以用來燴番薯
朗明的新成員，兩隻黑色狗仔，四個月大．不過個名都幾搞鬼，一隻叫阿矇，一隻叫阿丙，一齊叫兩隻就叫矇丙，最近學識sit，叻～叻～
小農場的入口
旁邊磚上寫了些英文字，唔通係小朋友練字？
遠處是菜田及做土法乞兒雞的地方
右邊就飼養了雞、鴨及鵝，好耐無見過活生生的～
啲雞食飽飽就聚埋一齊訓覺
左邊是條小河，有鴨仔呀
好可愛，去邊呢？
原來六隻一齊行動搵野食，排好陣營，大阿哥行先
菜田現在只係種蔥和紅蘿蔔
早前收割了白蘿蔔，這片田只剩下較細的漏網之魚
另一塊紅蘿蔔田，不過啲紅蘿蔔好細棵
又到食午餐時間，西洋菜豬骨湯
菜芯
蠔仔炒蛋，啲蛋吸了蠔仔的鮮味，好好味
主人家創的黃金蝦，成隻蝦連殼都可以食埋，唔洗剝殼，正～
復活節應下節，睇下復活兔仔先，這裏也有養兔仔，不過兔仔比較細膽，所以要收埋嚟養，呢隻係比較無咁怕人
睇完兔仔，就出外郊遊了，第一站海龜自然保護區，係門口影咗張相便去第二站
雙月灣觀景區，入場費每人RMB10
架車停係呢度，行一陣就到山頂
轉左向上行可以望到香港海，可惜大霧，乜都睇唔到
轉右向上行就見到雙月灣景色，唉好大霧，祇見到少部份
東山海灣
回程經過這個很新的港口口岸
港口漁村
賣地道薄餅及春餅的小店
這裡也有這些小型機動遊戲
民間小吃店，見到佢的蒸餃子剛出爐，很快就賣清
補鞋師傅，工具十分簡單，看看他右邊的手動補鞋機，係香港已經見唔到
街頭小食
睇完後就回程，途經鹽田，當然要落去睇下
咁大個窿唔知有乜野用途呢？
這些叫鹽種，在鹽田儲水後灑下鹽種，好快就會結好多鹽
昨天忘了到城隍廟，今天補番
城隍廟旁的城隍古亭
亭上的泥公仔
信德酒店，好似唔多出名，咁南灣酒店呢，原來佢前身就係南灣酒店，俾人收購後改名為信德酒店，酒店對正個海灘
南門海灣，即雙月灣其中一個海灣，個沙灘又長，啲沙又幼，真係一個好靚沙灘，不愧有廣東馬爾代夫之美譽
啡白熊忍不住留下足跡留念
榜山古寺
隻石獅子個樣有些怪怪地
個燒香爐好別緻
古寺好像新修葺，好新淨
呢棵就係有130多歲係細葉榕
樹旁邊的齋堂
遊完後司機就帶咗我啲去買烟花，左轉行三十米就有喇～好心急呀
今日的收穫，買咗$93
回到民宿，返房間梳洗後，又是等吃的時間，七點鐘就有得食，同場還加了一碟搞鬼臭豆腐！吃過晚餐，到民宿門外的空地燒煙花，我們這兩個大鄉里，不太懂燒煙花，有些擔心危險，幸好主人家有位燒煙花專家，專人指導，玩得安心又開心！燒完煙花，吃過糖水，便回房間休息。
蒸扇貝，每人有三隻，超正～
炒沙白蜆，味好鮮
紫菜魚蛋湯，呢個湯好鬼得，紫菜香，魚蛋鮮甜，問過廚師，原來啲魚蛋係佢親手起魚肉打成魚蛋，唔怪得咁鮮甜喇！
炒青瓜，加咗些少豬肉吊下味
荷蘭豆焗蠔，啲蠔又滑又美味
搞鬼臭豆腐，係廚師啲試驗品，因程序出了少少錯，變了唔臭的臭豆腐，但廚師不停重覆解釋出錯原因，我哋就不停咁食，務求清晒碟豆腐，嘻嘻！毀滅證據嘛！
食飽後就到樓下空地放煙花，好彩有位高手在旁指導，先可以玩得放心又開心～
玩完返房洗手後就去食宵夜，今晚係蕃薯糖水
沒有留言 :
張貼留言