原本打算這個星期六去郊遊，但因為這個星期的氣溫逐漸下降，到星期六祇有12度，郊外還會低一至兩度，於是把這行程暫時擱置，改去黃埔新天地。
選到黃埔新天地是因為前兩天在電視上看到這裏有一個名為聖誕星級貓狗Show一番的表演節目．見到那些可愛的貓貓狗狗，真的很想感受一下現場的氣氛。
今天下午二時左右抵達黃埔，在快餐店吃過午餐後，便到時尚坊二期．在地庫找到了表演的場地，可惜商場地庫及一樓都企滿了人，還有十五分鐘才開始，那麼早就有咁多人！於是唯有四處逛逛，等下一場五點鐘。行到四點半，回到商場一樓找到一個較好的企位，於是等呀等，終於等到了。
先出場的是以梯作表演的Alex，他的雜技雖然看似平凡，但正所謂『台上一分鐘，台下十年功』，當然要以掌聲鼓勵和支持。跟著是狗狗出場，狗的靈活、聽話，訓練後更加精靈可愛，令我們的笑聲和讚賞聲不絕。而貓貓則是較後出場，雖然牠們和狗是「同台」演出，不過是沒有對手戲的。貓真的很難訓練，與狗相比牠們的表演較輕鬆，不過相信在訓練過程中，所花的時間一定比訓練狗還要多。
看這個表演很開心，不過一面看表演一面要拍照，真的很忙，當中因為舞台的燈光和動物不停在走動，有些照片拍得不太好，但這些珍貴的片段，一定要保留作紀念。
表演舞台後台，貓貓未出場，訓下先
獅子呀～其實係貴婦狗嚟架
黃埔花園行人路上的聖誕燈飾
時間差不多了，返去表演場地搵個靚位先
夠鐘喇，第一個出場表演的是 Alex，佢前面果隻係玩具狗嚟架，不過表演得很搞笑
高難度表演，很精彩！
跟住出場的是獅子表演
點解啲獅子咁可愛嘅～
原來係貴婦狗嚟架
狗狗的表演又可愛又得意
再出場的是兩隻白色小貴婦狗，睇佢地用腳行到好像人咁樣
兩隻狗狗跳 Over
狗狗過橋
狗仔嚟跳圈喇
第一隻跳完
到第二隻跳
請咗啲小朋友嚟幫手，今次要在背跳過去
終於輪到貓貓表演
行一條都無問題，利害
行下梅花樁先
再難d，行在波波上
貓貓表演完又輪到狗狗跳高
再高d都跳到，叻～叻～
之前扮獅子的狗狗，除咗面具再次出場表演
玩下滑板先
貓貓揸滑板
滑落嚟
呢隻倒轉玩都得
滑完，隻貓貓仲識得將滑板放回原位
今次企係度滑先
狗狗企定唔好郁呀
我地一齊跳
人狗合作跳繩
狗狗跳舞
貓貓揸BB車
"哎呀，你做乜搞我呀！"
唯有縮低個頭唔比你搞
表演完排隊返後台喇～要高至矮排架！
睇完咁精彩的表演後，在黃埔影下晚上的聖誕燈飾才離開
沒有留言 :
張貼留言